1 तीमुथियुस 1:11 - सादरी नवाँ नियम

¹¹ इ शिक्षा उ शुभ समाचार केर उपरे टिकल अहे, जे उ महिमा केर बारे में बतायला, जे धाइन परमेश्‍वर से जुड़ल अहे, जेके सुनाएक लगिन मोके जिम्मा देवल जाय हे।

1 तीमुथियुस 1:11 Iomraidhean Croise

लूका 2:14

“स्वरग में परमेश्‍वर केर महिमा होवोक आउर धरती में उ आदमीमन के शांति मिलोक, जेमन से उ खुश अहे।”

रोमानियनमन 2:16

इ उ दिन दिस्तार होवी जे दिन परमेश्‍वर मोर शुभ समाचार केर मोताबिक यीशु मसीह केर द्वारा आदमीमन केर लुकल गोइठमन केर न्याय करी।

1 कुरिनथियनमन 9:17

अगर मोंय इ काम के अपन इच्छा से करतो, तो मोके इनाम मिलतक, आउर अगर मोके इ काम के करेक केर इच्छा नखे, फिन भी मोके इ काम के करेक लगिन जिम्मा सोंपल जाय हे।

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

2 कुरिनथियनमन 4:6

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।

गलातियनमन 2:7

मगर अगुवामन देखलैं कि जइसन यहूदीमन लगिन शुभ समाचार परचार केर काम पतरस के सोंपल जाय हे, तइसनेहें परजाइतमन लगिन मोके शुभ समाचार परचार केर काम सोंपल जाय हे।

इफिसियनमन 1:12

हमरे यहूदीमन पहिला आदमी हेकी जेमन मसीह उपरे आसरा करली, आउर चुनल गेली ताकि हमरे परमेश्‍वर केर महिमा लगिन उकर बड़ाई करब।

इफिसियनमन 1:6

से लगिन हमरे समझ से बाहर उकर किरपा केर लगिन उकर बड़ाई करिला, काले कि हमरे के उ किरपा उकर एकलौता दुलार बेटा यीशु मसीह बटले मुफत में मिल हे।

इफिसियनमन 2:7

परमेश्‍वर एइसन करलक जेकर से उ आवेक वाला दिन में दुनिया केर आदमीमन के इ देखाएक पारी कि उकर किरपा केतना बड़का अहे। जे किरपा के उ हमरे लगिन जेमन यीशु मसीह में एक होई जाय ही, सोउब कुछ काइर के देखालक।

इफिसियनमन 3:10

अब उकर मकसद एहे अहे कि कलीसिया केर द्वारा, परमेश्‍वर केर सोउब रकम केर गेयान, उ प्रधानमन आउर अधिकारीमन उपरे, जेमन स्वरगीय ठाँवमन में अहैं दिस्तार करल जाओक।

कुलुसियनमन 1:25

परमेश्‍वर तोहरेमन के अपन संदेश के पूरा-पुरी समझाएक लगिन मोके ठहराय हे, सेहे लगिन मोंय कलीसिया केर सेवक बाइन हों।

1थिस्सलुनीकियनमन 2:4

मगर परमेश्‍वर हमरे के लायक समइझ के शुभ समाचार सोंइप हे। से लगिन हमरे आदमीमन के निहीं, बल्कि हमरे केर हृदय के परखेक वाला परमेश्‍वर के खुश करेक लगिन उपदेस देवीला।

1 तीमुथियुस 2:7

मोंय सच कहाथों, झूठ नी कहाथों, परमेश्‍वर मोके शुभ समाचार केर परचारक, आउर अपन खास चेला बनेक लगिन चुइन हे। उ मोके परजाइत आदमीमन के बिसवास आउर सच्चाई केर बारे में सिखाएक लगिन हों चुइन हे।

1 तीमुथियुस 6:15

परमेश्‍वर जे सोउब से धाइन आउर एकले मालिक आउर राजामन केर राजा, आउर प्रभुमन केर प्रभु हेके, ओहे मसीह के ठीक समय में दिस्तार करी।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 1:11

इ शुभ समाचार केर लगिन परमेश्‍वर मोके एगो परचार करेक वाला, सिखाएक वाला, आउर एगो खास चेला केर रूप में चुइन हे।

2 तीमुथियुस 1:14

आउर उ सच्चाई केर रखवाली कर जे पवितर आत्मा केर शक्ति से तोके जिम्मा देवल जाय हे, आउर जे हमर में बसल अहे।

2 तीमुथियुस 2:2

आउर जे गोइठमन के ढेइर आदमीमन केर सामने यीशु मसीह केर बारे में संदेश के सिखाएक बेरा तोंय मोर से सुइन हिस, उमन के बिसवासी आदमीमन के सोंइप दे, जेमन दोसरमन के हों सिखाएक केर लाएक होबैं।

तीतुस 1:3

आउर अब बिलकुल ठीक समय में परमेश्‍वर इ शुभ समाचार के हमरे केर सामने दिस्तार करलक, आउर हमरे इकर परचार सोउब कर ठिना करिला। इ काम करेक केर जिम्मेदारी हमरे केर छुटकारा देवाइया परमेश्‍वर, आगया देई के मोके सोंइप हे।