1 तीमुथियुस 1:10 - सादरी नवाँ नियम

¹⁰ ब्यभिचारीमन, मरद-मरद केर संग ब्यभिचार करइयामन, आदमीमन के चोराय के गुलाम केर रूप में बेचाइयामन, झूठ बोलेक वालामन, आउर सच बोलेक केर किरिया खाय के हों झूठ बोलेक वालामन लगिन, आउर इकर अलावा, सही शिक्षा जे काम के करेक ले सिखायला, उके करेक से मना करेक वालामन लगिन हों ठहराल जाय हे।

1 तीमुथियुस 1:10 Iomraidhean Croise

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

रोमानियनमन 1:26

से लगिन परमेश्‍वर उमन के निरलज काम करेक केर इच्छामन में छोइड़ देलक, हिंयाँ तक कि उमन केर जनानामन हों स्वाभाविक रिश्ता बनाएक छोइड़ के, जनाना जनानामन से जे स्वभाव केर बिरोध में अहे, रिश्ता बनाएक लगलैं।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

1 तीमुथियुस 6:3

अगर केऊ झूठा शिक्षा देवेला, आउर उ सही शिक्षामन से सहमत नी होवेला जे परमेश्‍वर के आदर देवेला, आउर जेके हमर प्रभु यीशु मसीह देई रहे।

2 तीमुथियुस 1:13

से लगिन उ सच्चा शिक्षा के याइद रख, जेके तोंय मोर से सुइन हिस, आउर इ सोउब तोंय बिसवास आउर प्रेम से काइर के नमूना बान, काले कि तोंय यीशु मसीह केर संगे जुड़ल अहिस।

2 तीमुथियुस 4:3

काले कि एइसन समय आवी कि आदमीमन खरा उपदेस के सुनेक नी खोजबैं, मगर उमन अपन मन केर इच्छा मोताबिक चलबैं आउर ढेइर सिखाएक वालामन के खोइज लेबैं। जेमन ओहे गोइठमन के बताबैं जेके उमन सुनेक खोजैना।

तीतुस 1:13

उ मनक बारे इ गोइठ सच हेके, इ लगिन उमन के कड़ाई से चितौनी देते रह, ताकि उमन यीशु मसीह केर बारे में सच्चा शिक्षामन उपरे बिसवास करबैं।

तीतुस 1:9

आउर उके मसीह केर बारे में बिसवास लाएक संदेश उपरे पोक्ता बिसवास करेक चाही जेके हमरे सिखाय ही। ताकि उ दोसरमन के सही शिक्षा केर पालन करेक ले उसकायक पारी, आउर जेमन सही शिक्षा केर बिरोध करैना उ उमन के गलत ठहराएक पारी।

इब्रानीमन 13:4

बिहा केर आदर करा, आउर बिहाउ जनाना आउर मरद तोहरे एक दोसर लगिन बिसवास लायक बनल रहा, काले कि परमेश्‍वर ब्यभिचारीमन केर आउर दोसर जनानामन से रिश्ता बनाएक वालामन केर न्याय करी।

यहूदा 1:7

तइसनेहें सदोम आउर अमोरा नगर आउर आसे-पासे केर शहर केर आदमीमन उ स्वरग दूतमन केर नियर हें ब्यभिचारी होई जाय रहैं आउर पराया काया केर पिछे लाइग जाय रहैं। परमेश्‍वर उ शहर केर आदमीमन के आइग से नाश काइर देई रहे। उमन केर संगे जे हों होलक उ झूठा पढ़ाएक वालामन लगिन एगो चेतावनी हेके कि उमन के हों जुग-जुग बारेक वाला आइग केर दंड मिली।

प्रकाशितवाक्य 18:13

आउर दालचीनी, मसाला, धूप, सेंट, लोबान, मदिरा, तेल, मैदा, गोहोम, गाय-गारु, भेड़ीमन, छगरीमन, घोड़ामन, रथ, आउर सेवक आउर आदमीमन केर जान।

प्रकाशितवाक्य 21:27

मगर उ नगर में कोनों अपवितर चीज या घिनघिना काम करेक वालामन या झूठा गोठियाएक वालामन कोनों रीति से ढूकेक नी पारबैं। मगर सिरिफ उ आदमीमन जे मनक नाँव मेमना केर जिंदगी केर किताब में लिखल अहे, ढूकेक पारबैं।

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।