1थिस्सलुनीकियनमन 5:9 - सादरी नवाँ नियम

⁹ परमेश्‍वर हमरे के इ लगिन नी चुइन हे कि अपन खीस में हमरे के दंड देवी, मगर हमरे अपन प्रभु यीशु मसीह बटले छुटकारा पावेक लगिन चुनल जाय ही।

1थिस्सलुनीकियनमन 5:9 Iomraidhean Croise

मत्ती 26:24

काले कि मोंय आदमी केर बेटा लगिन तो जइसन मोर बारे में पवितर किताब में लिखल अहे, ओहे लेखे होवी। मगर उ आदमी जे मोके धोखा देई के धरुवाय देवी, उकर लगिन हाय! उकर ले एहे बेस होतक कि उकर जनम हें नी होतक।”

खास चेलामन केर काम 1:20

राजा दाऊद भजन संहिता केर किताब में लीख हे, ‘उकर घर उजइर जाओक आउर उकर में केऊ ना बसोक,’ आउर राजा दाऊद दोसर ठिना एहो कइह हे, ‘उकर पद केऊ दूसरा लेई लेवोक।’

खास चेलामन केर काम 1:25

कि उ इ सेवा केर काम आउर चुनल खास चेलामन केर खाली ठाँव के लेई लेवोक। जेके यहूदा छोइड़ के मोइर गेलक आउर अपन ठहराल ठाँव में चाइल गेलक।”

खास चेलामन केर काम 13:48

इ सुइन के परजाइत आदमीमन खुश होलैं, आउर परमेश्‍वर केर बचन केर बड़ाई करेक लगलैं। जेतना आदमीमन के जुग-जुग केर जिंदगी लगिन ठहराल जाय रहे, उमन बिसवास करलैं।

रोमानियनमन 11:30

परमेश्‍वर सोउब आदमीमन के आगया नी मानेक लगिन छोइड़ देलक, ताकि सोउबमन उपरे दया करोक। एक समय तोहरे परजाइतमन परमेश्‍वर केर आगया के नी मानला से लगिन इसराइलीमन उपरे दया होलक, मगर एखन इसराइलीमन परमेश्‍वर केर आगया के नी मानाथैं, सेकर चलते तोहर उपरे दया होलक।

रोमानियनमन 11:7

से लगिन एइसन होलक, जबकि इसराइलीमन धरमी बनेक केर कोशिश करलैं मगर बनेक नी पारलैं, मगर परमेश्‍वर जेमन के चुइन लेलक उमन धरमी बाइन गेलैं, दोसरमन के ढींठ बनाय देवल गेलक आउर उमन परमेश्‍वर केर गोइठ के सुनेक से ठुकराय देलैं।

1थिस्सलुनीकियनमन 1:10

आउर उकर बेटा के स्वरग से दोबारा घूइर आवेक केर आसरा देखते रहबा जेके परमेश्‍वर मुरदा में से जियालक, मतलब यीशु के जे परमेश्‍वर केर आवेक वाला दंड से हमरे के बचायला।

1थिस्सलुनीकियनमन 3:3

ताकि केऊ इ दुःखमन केर चलते बिसवास के छोइड़ ना देवोक, काले कि तोहरेमन खुद जानाला कि हमरे के दुःख उठाएक पड़ी।

1 तीमुथियुस 1:13

मोंय तो बिसवासी बनेक से पहिले मसीह केर बारे में निंदा करेक वाला, आउर बिसवासीमन के सताएक वाला, आउर उमन केर नोकसान करेक वाला रहों, फिन भी परमेश्‍वर केर दया मोर उपरे होलक, काले कि इ काम मोंय अनजाने में करत रहों आउर यीशु मसीह उपरे बिसवास नी करत रहों।

1 तीमुथियुस 1:16

मगर यीशु मसीह मोर उपरे दया करलक आउर मोर सोउब से बगरा पापमन के क्षमा काइर के, इ देखाएक चाहेला कि उ केतना सहनशील अहे। ताकि उमन लगिन मोंय एगो नमूना बनमूँ, जेमन पाछे से जुग-जुग केर जिंदगी पावेक लगिन उकर उपरे बिसवास करबैं।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

1 पतरस 2:10

पहिले तोहरेमन परमेश्‍वर केर आदमी नी रहा मगर अब उकर आदमी बाइन गेला, पहिले तोहरे परमेश्‍वर केर दया के नी जानत रहा, मगर अब जानाला, काले कि उ तोहर उपरे अपन दया के देखाय हे।

1 पतरस 2:8

आउर फिन पवितर किताब में लिखल अहे, “इ पखना आदमीमन के भूंई में गिराएक वाला होवी। इ एगो एइसन चट्टाइन हेके, जे उमन के नीचे गिराय देवी।” उमन इ लगिन गिरबैं, काले कि उमन परमेश्‍वर केर संदेश के मानेक से ठुकराय देबैं, उमन केर संगे एइसन परमेश्‍वर केर योजना केर मोताबिक होवी।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

2 पतरस 2:3

इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।