1थिस्सलुनीकियनमन 5:8 - सादरी नवाँ नियम

⁸ मगर हमरे जे दिन केर हेकी, बिसवास आउर प्रेम केर झिलम पिंध लेवब, जे हमरे के ओइसनेहें बचायला जइसन झिलम एगो फौजी के दुश्मन केर हमला से बचायला, आउर इ आसरा देवेला कि हमरे सोउब दिन केर दंड से बाइच जाय ही, एहो उ टोपी नियर अहे जे बचायला।

1थिस्सलुनीकियनमन 5:8 Iomraidhean Croise

1 कुरिनथियनमन 13:13

तो हमर परमेश्‍वर में बिसवास आउर आसरा, आउर हमर परमेश्‍वर लगिन प्रेम आउर हमर संगी बिसवासीमन लगिन प्रेम, इ तीनों सोउब दिन ले बनल रही, मगर इमन में से सोउब से बढ़ियाँ प्रेम हेके।।

2 कुरिनथियनमन 6:7

सच्चा प्रेम करेक से, सच गोइठ गोठियाएक से, परमेश्‍वर केर शक्ति से दुःख उठाइला, आउर धारमिकता से, जे हमरे ठिना हँथियार केर रूप में हमला करेक लगिन आउर खुद के बचाएक लगिन अहे,

गलातियनमन 5:5

मगर परमेश्‍वर केर आत्मा हमरे के धरमी ठहराएक लगिन उमीद केर संगे आसरा करेला, जेके देवेक केर करार परमेश्‍वर हमरे से काइर रहे, काले कि हमरे उकर उपरे बिसवास करिला।

इफिसियनमन 6:11

परमेश्‍वर केर सोउब हँथियार के धाइर लेवा, ताकि तोहरेमन शैतान केर चाल-बाजी से लाइड़ के जितेक पारबा।

इफिसियनमन 6:23

मोंय हमर आबा परमेश्‍वर आउर प्रभु यीशु मसीह से प्रार्थना करोना कि तोहरे बिसवासी भाईमन के शांति मिलोक, आउर तोहरे एक दोसर से प्रेम करा आउर मसीह उपरे बिसवास में बनल रहा।

1थिस्सलुनीकियनमन 5:5

काले कि तोहरेमन सोउब दीया केर आउर दिन केर संतान हेका जे इंजोत हेके, हमरे ना राइत केर आउर ना अंधार केर संतान हेकी।

2 थिस्सलुनीकियनमन 2:16

हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे।

इब्रानीमन 6:19

आउर इ आसरा हमर जीउ लगिन उ डोरा नियर अहे जेकर से डोंगा के खूटी में बाँधल जायला आउर डोंगा बिलकुल स्थिर रहेला, सेहे नियर आसरा हमर जिंदगी के स्थिर राखेला, आउर जेकर में हमरे आसरा राखिला उ यीशु हेके, जे पवितर तंबू में परदा केर पिछे महा पवितर ठाँव में भीतरे परमेश्‍वर तक पोहोंचलक।

1 पतरस 1:13

इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।