1थिस्सलुनीकियनमन 5:6 - सादरी नवाँ नियम

⁶ इ लगिन हमरे के दोसरमन नियर निंदाते नी रहेक चाही मगर जागते आउर सावधान रहेक चाही।

1थिस्सलुनीकियनमन 5:6 Iomraidhean Croise

मत्ती 13:25

मगर जब आदमीमन राइत के निंदात रहैं, तो उकर दुश्मन आय के बेस बिहीन केर माझे जंगली बिहीन के बुइन के चाइल गेलक।

मत्ती 24:42

से लगिन जागते रहा, काले कि तोहरेमन नी जानाला कि तोहरे केर प्रभु कोन दिन आवी।

मत्ती 25:13

से लगिन जागते रहा, काले कि तोहरेमन ना तो उ दिन के जानाला आउर ना उ बेरा के।

मत्ती 25:5

जब दूल्हा केर आवेक में देरी होलक, तो उमन सोउब झूपेक लगलैं आउर निंदाय गेलैं।

मत्ती 26:38

तब यीशु उमन से कहलक, “मोर मन ढेइर दुःखी अहे, एइसन लगाथे कि मोंय मोरेक वाला अहों, तोहरेमन हिंयाँ रुका आउर जागते रहा।”

मरकुस 13:37

जे गोइठ मोंय तोहरेमन के कहाथों ओहे गोइठ मोंय सोउब से कहाथों, मोर घूइर आवेक तक तेयार रहा।”

लूका 12:37

धाइन अहैं उ धांगरमन, जेमन के मालिक अपन घूइर आवेक केर आसरा करते पावेला। मोंय तोहर से सच कहाथों कि उ धांगर नियर तेयार होई के, उमन के खाएक लगिन बइठाई, आउर भीरे आय के उ मनक सेवा करी।

लूका 12:39

मगर तोहरेमन इ जाइन लेवा कि अगर घर केर मालिक जानतक कि चोर कोन बेरा आवी, तो उ जागते रहतक, आउर अपन घर में ढूकेक नी देतक।

लूका 21:36

से लगिन जागते रहा आउर सोउब बेरा प्रार्थना करते रहा, जेकर से तोहरेमन इ सोउब आवेक वाला बिपइतमन से बचेक आउर मोंय आदमी केर बेटा केर सामने ठड़ाएक केर लायक बनेक पारबा।”

लूका 22:46

आउर उमन से कहलक, “तोहरेमन काले निंदाथा? उठा आउर प्रार्थना करा, जेकर से तोहरेमन के शैतान बहकाएक ना पारोक।”

खास चेलामन केर काम 20:31

से लगिन इके याइद करते रहा आउर सावधान रहा कि तीन बरिस तक दिन-राइत आँसू बहाय-बहाय के तोहर में से हरेक झन के चेताते रहलों।

1 कुरिनथियनमन 15:34

होस में आवा, अच्छा जिंदगी के अपनावा, जइसन कि तोहरे के होवेक चाही। पाप करेक छोइड़ देवा, काले कि तोहर में से थोरेक आदमीमन एइसन अहैं, जेमन परमेश्‍वर केर बारे में कोनों नी जानैना। एइसन मोंय इ लगिन कहाथों ताकि तोहरेमन के लाज होवोक।

1 कुरिनथियनमन 16:13

जागते रहा, बिसवास में स्थिर रहा, साहसी आदमी नियर रहा, आउर बिसवास में मजबूत होवा।

इफिसियनमन 2:3

हमरे हों ओहेमन नियर ब्यवहार करत रही आउर हमर पापी स्वभाव केर इच्छामन के पूरा करत रही, आउर बाकी सोउब आदमीमन नियर बुरा रही आउर परमेश्‍वर केर दंड के पावेक लायक रही।

इफिसियनमन 5:14

इ लगिन कहल जाय हे, “हे निंदाएक वालामन जाइग जावा, आउर मुरदा में से जी उठा, तो मसीह तोहर उपरे अपन इंजोत के चमकाई।”

इफिसियनमन 6:18

आउर जइसन पवितर आत्मा तोहरे के अगुवाई करेला, सोउब बेरा प्रार्थना आउर बिनती करते रहा, आउर सोउब पवितर आदमीमन लगिन लगातार बिनती करेक ले जागते रहा।

फिलिप्पियनमन 4:5

तोहरे केर नरम स्वभाव के सोउब आदमीमन जाइन जाओक, प्रभु जल्दी हें स्वरग से घूइर आवाथे।

कुलुसियनमन 4:2

लगातार प्रार्थना करते हुए सचेत रहा। आउर परमेश्‍वर के धन्यबाद देते रहा।

1थिस्सलुनीकियनमन 4:13

हे भाईमन, हमरे चाहिला कि तोहरेमन उ बिसवासीमन केर बारे में जेमन मोइर जाय हैं, जाइन लेवा कि उ मनक संगे का होवी, एइसन ना होवोक कि तोहरे के दोसरमन नियर शोक करेक पड़ी, जेमन के मोरल पाछे फिन से जियेक केर आसरा नखे।

1थिस्सलुनीकियनमन 5:10

प्रभु यीशु मसीह हमर लगिन इ खातिर मोरलक कि हमरे चाहे जिंदा रहब, चाहे मोइर जाब, जखन उ घूइर आवी हमरे सोउब दिन लगिन उकर संगे रहेक पारब।

1थिस्सलुनीकियनमन 5:8

मगर हमरे जे दिन केर हेकी, बिसवास आउर प्रेम केर झिलम पिंध लेवब, जे हमरे के ओइसनेहें बचायला जइसन झिलम एगो फौजी के दुश्मन केर हमला से बचायला, आउर इ आसरा देवेला कि हमरे सोउब दिन केर दंड से बाइच जाय ही, एहो उ टोपी नियर अहे जे बचायला।

1 तीमुथियुस 2:15

फिन भी छउवा जनम देवेक केर चलते जनानामन बाइच जाबैं, अगर उमन यीशु मसीह में बिसवास रखबैं, दोसरमन से प्रेम करबैं आउर शुद्ध आउर संयम सहित जिंदगी बिताबैं, तो परमेश्‍वर उमन के बचाय लेवी।

1 तीमुथियुस 2:9

ओहे नियर मोंय चाहोना कि बिसवासी जनानामन के हों, उचित तरीका से लुगा पिंधेक चाही, जे कि सभ्य आउर स्वीकार लायक होवोक, आउर बाल के एइसन गूँथोक कि जेके देखेक ले दोसरमन आकर्षित ना होवोक, आउर ना ही दोसरमन के देखाएक लगिन सोना आउर मोतीमन आउर ना महंगा लुगा पिंधोक।

1 तीमुथियुस 3:11

एहे नियर कलीसिया में सेवकमन केर जनानामन के हों, आदर केर लायक होवेक चाही, दोसरमन केर निंदा करेक वाला नी होवेक चाही, उके शांत आउर सोउब गोइठमन में बिसवास लायक होवेक चाही।

1 तीमुथियुस 3:2

से लगिन अगुवा के निरदोष, आउर सिरिफ एके गो जनाना केर पति, संयम से रहेक वाला, आउर जे कोनों उ करेला उकर में खुद कब्जा करेक वाला, सभ्य, अपन घर में गोतियामन केर खातिरदारी करेक वाला, आउर सिखाएक में होशियार होवेक चाही।

2 तीमुथियुस 4:5

मगर तोंय सोउब समय खुद के काबू में रख, चाहे तोके कोनोवें दुःख उठाएक काले नी पड़ी, सोउब दुःखमन के सह आउर शुभ समाचार केर परचार लगिन कड़ा मेहनइत कर। एगो परमेश्‍वर केर दास नियर उ सोउब काममन के कर जेके करेक ले परमेश्‍वर तोके जिम्मा सोंइप हे।

तीतुस 2:12

आउर अपन किरपा से परमेश्‍वर हमरे के सिखायला कि हमरे ओइसन ब्यवहार करेक छोइड़ देवब जे उके खुश नी करेला। आउर जे चीजमन केर इच्छा अबिसवासीमन करैना उकर इच्छा हमरे नी करब, आउर जबकि हमरे एखन इ दुनिया में हें अही, तो बुद्धिमानी आउर भक्ति केर संग इ नियर काम करब जे परमेश्‍वर के खुश करेला।

तीतुस 2:6

एइसनेहें जवान मरदानामन के हों समझाव, कि संयम आउर समझदारी से काम करोक।

1 पतरस 1:13

इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

प्रकाशितवाक्य 16:15

उ भूतमन राजामन के आउर उमन केर सेनामन के उ ठाँव में जमा करलैं, जेके इब्रानी भाषा में हर-मगिदोन कहल जायला। एहे लगिन प्रभु यीशु कहलक, “सावधान! मोंय चोर नियर अचका आमूँ, धाइन हेके उ, जे जागते रहेला आउर अपन लुगा केर रखवाली करेला, ताकि उ नंगा ना फिरोक, आउर आदमीमन उकर नंगापन के ना देखोक।”

प्रकाशितवाक्य 3:2

से लगिन सावधान होई जा, तोर भीतरे जे मोर उपरे थोरेक बिसवास बाइच हे उके मजबूत कर, ताकि इ पूरा रीति से ना सिराय जाओक। काले कि मोंय तोर कोनों काम के अपन परमेश्‍वर केर भीरे पूरा नी पालों।