1थिस्सलुनीकियनमन 5:22 - सादरी नवाँ नियम

²² सोउब रकम केर बुराई से बचल रहा।

1थिस्सलुनीकियनमन 5:22 Iomraidhean Croise

2 कुरिनथियनमन 6:3

परमेश्‍वर संगे काम करेक वाला केर रूप में, हमरे कोनों गोइठ में ठोकर खाएक केर कोनोवें मोका नी देवीला, ताकि हमरे केर सेवा उपरे केऊ कोनों रकम केर दोष ना लगाओक।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

रोमानियनमन 12:17

बुराई केर बदली केकरो से बुराई ना करा, जे गोइठमन सोउब आदमीमन लगिन भला अहे, ओहे गोइठमन के गोठियावा।

यहूदा 1:23

आउर दोसरमन के जुग-जुग लगिन आइग में पोड़ेक केर सजा से खींच के निकलावा। ढेइर आदमीमन एइसन अहैं जेमन केर उपरे जरूर दया करा, मगर ढेइर सावधानी केर साथ एइसन करा। हिंयाँ तक कि उमन केर लुगा से हों घिरना करा, जेकर में उमन अपन पाप काममन केर दाग लगाय देई हैं।

1 कुरिनथियनमन 8:13

से लगिन, अगर मूर्तिमन के चढ़ाल चीजमन के खाएक दोसर बिसवासी भाईमन लगिन बिसवास में कमजोर होवेक केर कारण बनेला, तो मोंय ओइसन चीजमन के कहियो कोनों रीति से नी खामूँ, ताकि मोंय दोसर बिसवासी भाईमन केर बिसवास के कमजोर करेक वाला नी बनमूँ।

1थिस्सलुनीकियनमन 4:12

ताकि अबिसवासीमन देखबैं कि तोहरे हर दिन कइसन ब्यवहार कराला, आउर तोहर आदर करबैं आउर तोहरेमन में कोनों चीज केर घटी ना होवोक।

1थिस्सलुनीकियनमन 5:21

सोउब गोइठमन के परखा कि उ परमेश्‍वर बटले हेके कि निहीं, बेस संदेशमन के ग्रहण करा आउर उके पालन करा।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।