1थिस्सलुनीकियनमन 5:21 - सादरी नवाँ नियम

²¹ सोउब गोइठमन के परखा कि उ परमेश्‍वर बटले हेके कि निहीं, बेस संदेशमन के ग्रहण करा आउर उके पालन करा।

1थिस्सलुनीकियनमन 5:21 Iomraidhean Croise

लूका 12:57

तोहरेमन अपन लगिन खुद हें सलहा काले नी कराला कि का उचित हेके?

यूहन्ना 15:4

तोहरेमन मोर में बनल रहा आउर मोंय तोहर में बनल रहमूँ। जे लेखे लरंग अगर अंगूर केर बुदा में बनल नी रही, तो खुद से फारेक नी पारी, तइसनेहें तोहरेमन हों अगर मोर में बनल नी रहबा, तो कोनोवें करेक नी पारबा।

यूहन्ना 8:31

जे यहूदी आदमीमन उकर उपरे बिसवास करलैं, उमन से यीशु कहलक, “अगर तोहरेमन मोर बचन में बनल रहबा, तो सचमुच मोर चेला ठहरबा।

खास चेलामन केर काम 11:23

जब बरनाबास हूवाँ पोहोंचलक तो उ परमेश्‍वर केर किरपा देइख के ढेइर खुश होलक। आउर उ सोउबमन के तन-मन केर साथ प्रभु यीशु में बनल रहेक लगिन उपदेस देलक।

खास चेलामन केर काम 14:22

उमन हरेक नगर में चेलामन के मजबूत आउर बिसवास में स्थिर रहेक लगिन इ उपदेस देवत रहैं कि हमरे के ढेइर दुःख साइह के स्वरग राइज में जाएक होवी।

खास चेलामन केर काम 17:11

इ नगर केर यहूदी आदमीमन थिस्सलुनीके शहर केर यहूदी आदमीमन से भला रहैं। उमन बड़का लालसा से प्रभु केर बचन के सुनत रहैं आउर रोज दिन पवितर किताब के पइढ़ के खोजत रहैं कि इ बचन सच में पवितर किताब में अहे कि निहीं।

रोमानियनमन 12:2

आउर इ दुनिया केर आदमीमन नियर ना बना, मगर तोहरे केर मन केर पूरा बदइल जाएक से तोहर चाइल-चलन हों बदलते जाओक, ताकि तोहरेमन परमेश्‍वर केर भला, आउर भावती, आउर सिद्ध इच्छा के अनुभव से जानते रहा।

रोमानियनमन 12:9

दोसरमन के देखाएक ले प्रेम ना करा, बुराई से घिरना करा, लगातार भलाई करते रहा।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

1 कुरिनथियनमन 2:11

केऊ आदमी अपन मन में का सोचेला उके दोसर आदमी नी जानेक पारी सिरिफ सोचेक वाला हें जानेला, तइसनेहें परमेश्‍वर केर बिचार के केऊ नी जानेला सिरिफ परमेश्‍वर केर आत्मा जानेला।

गलातियनमन 6:10

इ लगिन जहाँ तक हमरे के मोका मिलेला, हमरे के सोउब आदमीमन केर भलाई करेक अहे, खास काइर के बिसवासी भाईमन केर।

इफिसियनमन 5:10

आउर इके जानेक केर कोशिश करा कि प्रभु के कोन चीज खुश करेला?

फिलिप्पियनमन 1:10

ताकि तोहरेमन इ चुनाव करेक केर लायक बाइन जबा कि कोन रकम केर काम करेक उचित अहे, ताकि मसीह केर दोबारा घूइर आवेक दिन तक पवितर आउर निरदोष बनल रहबा, आउर ठोकर नी खाबा।

फिलिप्पियनमन 3:16

आउर हमरे के उ सच्चाई केर उपरे चलेक अहे जेके परमेश्‍वर पहिलेहें से हमरे के बताय हे।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

1थिस्सलुनीकियनमन 5:15

इ धेयान रहोक कि केकरो से बुराई केर बदला बुराई ना करा, मगर सोउब बेरा भलाई करेक ले तेयार रहा, आपस में आउर सोउब से हों भलाई केर हें कोशिश करा।

1थिस्सलुनीकियनमन 5:22

सोउब रकम केर बुराई से बचल रहा।

2 थिस्सलुनीकियनमन 2:15

से लगिन हे भाईमन, स्थिर रहा, आउर जे-जे गोइठमन केर शिक्षा हमरे तोहरेमन के आमने-सामने, चाहे चिट्ठी से देई ही उकर में बिसवास करते रहा।

2 तीमुथियुस 1:15

तोंय जानिसला कि आसिया परदेस में रहेक वाला कायनों बिसवासीमन मोके छोइड़ देलैं, जेमन में फूगिलुस आउर हिरमुगिनेस हेकैं।

2 तीमुथियुस 3:6

एहेमन में से थोरेक आदमीमन दोसर मनक घर में जायना आउर मूरख जनानामन के अपन कब्जा में काइर लेवैना। जेमन पापमन से दबल आउर सोउब रकम केर बुरा इच्छामन केर कब्जा में अहैं।

2 तीमुथियुस 4:14

सिकंदर ठठेरा मोर से ढेइर बुराई काइर हे, प्रभु उके उकर बुराई काममन केर मोताबिक बदला देवी।

इब्रानीमन 10:23

अब आवा हमरे जे आसरा केर बारे में कबूल काइर ही, उके बेगर शंका करले पोक्ता से धाइर रहब, काले कि परमेश्‍वर जे करार काइर हे उके पूरा करेक लगिन सच्चा अहे।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।

प्रकाशितवाक्य 2:25

मगर हाँ, जे तोहर ठिना अहे उके मोर आवेक तक थाइम रहा।

प्रकाशितवाक्य 3:11

मोंय जल्दी हें आवेक वाला अहों, जे गेयान तोर ठिना अहे, उकर में मजबूत बनल रह ताकि केऊ तोर मुकुट के लुटेक ना पारोक।

प्रकाशितवाक्य 3:3

से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।