1थिस्सलुनीकियनमन 5:13 - सादरी नवाँ नियम

¹³ आउर जे कोनों उमन तोहर लगिन करैना, उकर चलते उमन केर ढेइर आदर करा आउर उमन के ढेइर प्रेम करा आउर आपस में मेल जोल से रहा।

1थिस्सलुनीकियनमन 5:13 Iomraidhean Croise

मत्ती 10:40

जे तोहरेमन के मोर चेला जाइन के स्वागत करेला, उ मोर स्वागत करेला, आउर जे मोर स्वागत करेला, उ मोर भेजेक वाला केर स्वागत करेला।

मरकुस 9:50

नोन बेस अहे, मगर नोन केर नोनछर चाइल जाई, तो उके दोबारा नोनछर नी बनाएक पराई। तोहरेमन अपन में नोन केर गुण के बनाय के रखा आउर एक दोसर केर संगे मेल-जोल से रहा।”

यूहन्ना 15:17

मोंय तोहरेमन के इ आगयामन के इ लगिन देवाथों कि तोहरेमन एक-दोसर से प्रेम करा।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

गलातियनमन 4:14

मोर बेमारी केर चलते तोहरेमन के ढेइर कष्ट होलक, फिन भी तोहरेमन मोके तुच्छ नी समझला आउर मोके निकलाय नी देला, मगर तोहरेमन मोर एइसन स्वागत करला जइसन परमेश्‍वर केर स्वरगदूत चाहे यीशु मसीह आतक होले करता।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

गलातियनमन 6:6

जे बचन केर शिक्षा पावेला, उके जे कोनों उकर ठिना अहे, उकर में सिखाएक वालामन के हों भागी करेक चाही।

इफिसियनमन 4:3

आउर मेल मिलाप के बनाय के रखा, जेके पवितर आत्मा तोहरे के एक दोसर से शांति केर संगे रहेक से देवेला, जे हमरे के आपस में एक दोसर से मिल के रहेक में मदइत करेला।

कुलुसियनमन 3:15

आउर मसीह जे शांति देवेला उके तोहर दिल में राइज करेक देवा काले कि तोहरे सोउब एक हें काया केर अंग हेका, से लगिन तोहरे के एक दोसर केर संगे शांति से रहेक लगिन बोलाल जाय हे, आउर तोहरे धन्यबादी बनल रहा।

1थिस्सलुनीकियनमन 5:14

आउर हे भाईमन, हमरे तोहरेमन से अरजी करिला कि जेमन आलसी अहैं उमन के चेतावनी देवा, आउर उमन के उसकावा जेमन डरपोक अहैं, कमजोरमन केर सहायता करा, आउर सोउब कर लगिन सहेक वाला बना।

2 थिस्सलुनीकियनमन 3:16

मोंय प्रार्थना करोना कि प्रभु, जे शांति केर सोता हेके सोउब नियर से तोहरे के लगातार शांति देते रहोक आउर तोहरे सोउबमन केर संग सोउब बेरा रहोक।

2 तीमुथियुस 2:22

जवानी केर बुरा लालसामन से बाइच के रह, आउर जेमन शुद्ध मन से प्रभु केर आराधना करैना, उमन संगे धरम, आउर बिसवास, आउर प्रेम, आउर मेल-मिलाप केर पिछा कर।

इब्रानीमन 12:14

सोउब से मेल-जोल रखा आउर पवितर जिंदगी जियेक केर कोशिश करा, काले कि बेगर पवितर जिंदगी जिले केऊ परमेश्‍वर के देखेक नी पारबैं।

याकूब 3:18

जेमन मेल-मिलाप करुवायना उमन शांति केर बिहीन बुनैना आउर धरमी होवेक केर अन्न काटबैं।