1थिस्सलुनीकियनमन 5:12 - सादरी नवाँ नियम

¹² आउर हे भाईमन, हमरे तोहर से बिनती करिला कि जेमन तोहर में मेहनइत करैना, आउर प्रभु में तोहर अगुवा हेकैं, आउर तोहरेमन के शिक्षा देवैना, उमन केर इज्जत करा।

1थिस्सलुनीकियनमन 5:12 Iomraidhean Croise

लूका 10:7

आउर ओहे घर में रहबा, घर-घर ना बुलबा। जे कुछ उमन तोहरेमन के खाएक लगिन देबैं, उखे खाबा-पीबा, काले कि कमिया के अपन मजूरी मिलेक चाही।

यूहन्ना 4:38

मोंय तोहरेमन के उ खेत काटेक लगिन भेजलों, जेकर में तोहरेमन मेहनइत नी करला, दोसरमन मेहनइत करलैं आउर तोहरेमन के उ मनक मेहनइत केर मजूरी मिल गेलक।”

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

खास चेलामन केर काम 20:35

मोंय तोहरे के सोउब कुछ काइर के देखालों कि का लेखे मेहनइत काइर के कमजोर आदमीमन के संभराएक चाही। तोहरे के प्रभु यीशु केर गोइठमन के याइद रखेक जरुरी अहे, उ खुद कइह हे, ‘लेवेक से देवेक धाइन अहे।’ ”

रोमानियनमन 16:12

त्रूफेना आउर त्रूफोसा, दुइयो बिसवासी बहिनमन के जोहार, जेमन प्रभु में मेहनइत करैना। दुलारी बहिन पिरसिस के जोहार, जे प्रभु में ढेइर मेहनइत काइर हे।

रोमानियनमन 16:6

आउर मरियम के जे तोहर लगिन ढेइर मेहनइत करलक, जोहार।

1 कुरिनथियनमन 12:28

आउर परमेश्‍वर इ कलीसिया में हमरे के करेक लगिन अलग-अलग काम देई हे, पहिला खास चेलामन, दूसरा परमेश्‍वर केर संदेश के बताएक वालामन, तीसरा उपदेस देवेक वालामन, फिन चमत्कार केर काम करेक वालामन, फिन चंगा करेक वालामन, आउर भलाई करेक वालामन, आउर अगुवाई करेक वालामन, आउर पवितर आत्मा से दोसर-दोसर भाषा बोलेक वालामन।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

1 कुरिनथियनमन 16:16

से लगिन मोंय तोहरेमन से बिनती करोना कि एइसनमन केर अगुवाई में चलबा, बल्कि उ सोउबमन केर अगुवाई में हों चलबा जेमन कड़ा मेहनइत करैना आउर भक्ति से सेवा करैना।

1 कुरिनथियनमन 16:18

आउर उमन मोर मन के चैन देई हैं, ठीक तइसनेहें जब उमन घूइर आबैं तो तोहरे केर मन के हों चैन देबैं, इ लगिन एइसनमन केर आदर करबा।

1 कुरिनथियनमन 3:9

काले कि हमरे परमेश्‍वर केर संगे काम करेक वाला हेकी, आउर तोहरेमन एगो खेत नियर अहा जे परमेश्‍वर केर हेके।

2 कुरिनथियनमन 11:23

का उमन हें मसीह केर सेवक हेकैं? मोंय पगला नियर कहोना, मोंय उमन से बाइढ़ के हेकों! मोंय उमन से बगरा मेहनइत काइर हों, उमन से बगरा जेहेल खाइट हों, अनगिनइत बेर माउर खाय हों, अक्सर मोर प्राण संकट में पाइड़ हे।

2 कुरिनथियनमन 5:9

इ लगिन हमर मन केर इ खुशी अहे कि चाहे हमरे उकर संगे स्वरग में रहब, चाहे हिंयाँ धरती में रहब, मगर उके खुश करते रहब।

2 कुरिनथियनमन 6:1

आउर हमरे जे परमेश्‍वर संगे काम करेक वाला हेकी, तोहरे से अरजी करिला कि उकर किरपा जे तोहर उपरे होई हे, उके बेकार ना जाएक देवा।

गलातियनमन 4:11

मोंय तोहरे केर बारे में चिंता करोना कि तोहरे लगिन जे मेहनइत मोंय काइर हों, उ कहीं बेकार ना होई जाओक।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

फिलिप्पियनमन 2:19

मोके प्रभु यीशु में आसरा अहे कि मोंय तीमुथियुस के तोहर ठिना तुरते भेजमूँ, होले तोहर दशा सुइन के मोंय खुश होमूँ।

कुलुसियनमन 1:29

एहे लगिन मोंय उकर उ महाशक्ति केर मोताबिक, जे मोर में शक्ति केर संगे काम करेला मेहनइत करोना, आउर एइसन करेक लगिन मोंय कठिन मेहनइत हों करोना।

1थिस्सलुनीकियनमन 2:9

हे भाईमन, तोहरेमन हमर मेहनइत आउर दुःख के याइद कराला, कि हमरे इ लगिन राइत दिन काम धंधा करते तोहरेमन में परमेश्‍वर केर शुभ समाचार परचार करली, ताकि तोहर में से केकरो उपरे भार ना होवोक।

1थिस्सलुनीकियनमन 4:1

हे भाईमन, हमरे प्रभु यीशु केर नाँव में तोहर से बिनती करिला कि तोहरेमन इ नियर जिंदगी बितावा जे परमेश्‍वर के खुश करेला, जइसन हमरे तोहरे के सिखाय ही। तोहरे पहिले से हें इ नियर जिंदगी बिताथा, आउर हमरे तोहरे के एइसन करेक लगिन आउर हें बगरा उसकाइला।

1थिस्सलुनीकियनमन 5:14

आउर हे भाईमन, हमरे तोहरेमन से अरजी करिला कि जेमन आलसी अहैं उमन के चेतावनी देवा, आउर उमन के उसकावा जेमन डरपोक अहैं, कमजोरमन केर सहायता करा, आउर सोउब कर लगिन सहेक वाला बना।

1 तीमुथियुस 5:1

केऊ बूढ़ा आदमी के बेइज्जत करेक नियर ना गरियाव, मगर उके अपन आबा नियर समइझ के सलहा दे, आउर जेमन तोर से छोट अहैं उमन के भाई समइझ के सलहा दे।

1 तीमुथियुस 5:20

जेमन पाप करैना, तोके उमन के सोउब बिसवासीमन केर सामने डाँटेक चाही, ताकि दोसर बिसवासीमन पाप करेक से डराबैं।

2 तीमुथियुस 2:6

जे किसान मेहनइत करेला, फसल केर हिस्सा पहिले उके मिलेक चाही।

तीतुस 1:3

आउर अब बिलकुल ठीक समय में परमेश्‍वर इ शुभ समाचार के हमरे केर सामने दिस्तार करलक, आउर हमरे इकर परचार सोउब कर ठिना करिला। इ काम करेक केर जिम्मेदारी हमरे केर छुटकारा देवाइया परमेश्‍वर, आगया देई के मोके सोंइप हे।

तीतुस 1:5

मोंय इ लगिन तोके क्रेते टापू में छोइड़ के आय रहों, ताकि तोंय हूवाँ केर कलीसियामन में उ समस्यामन के ठीक करबे, जेके ठीक करेक लगिन मोर ठिना समय नी रहे। आउर क्रेते टापू केर हर शहर में कलीसिया केर अगुवामन के चुइन के ठहराय देबे। ओइसनेहे जइसन मोंय तोके आगया देई हों

तीतुस 2:15

से लगिन हे तीतुस, मोंय चाहोना कि तोंय क्रेते टापू केर बिसवासीमन के इ गोइठमन के सिखाव, जेमन के मोंय तोके सिखाय हों आउर उके करेक लगिन उसकाव। जहाँ जरुरत होवी हूवाँ उमन के सुधराव, तोके एइसन करेक केर पूरा अधिकार अहे। जे कोनों तोंय सिखाइसला उके केऊ अनदेखा ना करोक।

इब्रानीमन 13:17

अपन आत्मिक अगुवामन केर गोइठमन के माना आउर उमन जे कहैना उके करा, काले कि उमन तोहरे के धेयान से देखैना ताकि तोहरे भटइक ना जबा, आउर उमन के अपन सेवा केर बारे में परमेश्‍वर ठिना हिसाब देवेक पड़ी, आउर इ काम के उमन उदास होई के निहीं, बल्कि खुशी से करोक, काले कि उदास होई के करेक वालामन के कोनों फायदा नी होवी।

इब्रानीमन 13:7

जेमन तोहर अगुवा रहैं, आउर जेमन तोहरेमन के परमेश्‍वर केर बचन सुनाय हैं, उमन के याइद करा आउर उ मनक चाइल-चलन के धेयान से देखा कि उमन कइसन जिंदगी जिलैं आउर मोरलैं। आउर उमन केर बिसवास देइख के तोहरे हों उमन नियर परमेश्‍वर उपरे बिसवास करा।

प्रकाशितवाक्य 1:20

उ सात तइरगनमन केर भेद, जेमन के तोंय मोर भतखाइया हाँथ में देइख रहिस, आउर उ सात गो दीया रखेक केर खूँटा केर भेद: उ सात तइरगनमन सातों कलीसियामन केर दूत हेकैं, आउर उ सात दीया खूँटा सात कलीसियामन हेकैं।”

प्रकाशितवाक्य 2:12

पिरगमुन शहर केर कलीसिया केर स्वरगदूत के इ लीख: मोंय ओहे हेकों जेकर ठिना दुइयो आरा तेज धार वाला तलवाइर अहे। मोंय तोके जे कहोना उके सुन:

प्रकाशितवाक्य 2:18

थुआतीरा नगर केर कलीसिया केर स्वरगदूत के इ संदेश लीख: मोंय परमेश्‍वर केर बेटा जेकर आँइख आइग केर अंगोर नियर अहे आउर जेकर पाँव बेस पीतल नियर अहे। मोंय तोर से जे कहाथों उके सुन:

प्रकाशितवाक्य 2:3

तोंय धीरज धरिसला आउर मोर नाँव लगिन दुःख उठाते-उठाते नी थकिसला।

प्रकाशितवाक्य 2:8

स्मुरना शहर केर कलीसिया केर स्वरगदूत के इ संदेश लीख: मोंय ओहे हेकों जे शुरु आउर आखरी हेकों। मोंय मोइर जाय रहों आउर अब मोंय सोउब दिन लगिन जिंदा अहों। मोंय तोर से जे कहाथों उके सुन,

प्रकाशितवाक्य 3:1

सरदीस शहर केर कलीसिया केर स्वरगदूत के इ संदेश लीख: मोंय ओहे हेकों जेकर ठिना परमेश्‍वर केर सात गो आत्मा आउर सात गो तइरगन अहैं। मोंय तोके जे कहाथों उके सुन: मोंय तोर काममन के जानोना कि तोंय जिंदा तो कहाइसला, मगर मोरल अहिस।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन:

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन: