1थिस्सलुनीकियनमन 5:11 - सादरी नवाँ नियम

¹¹ इ लगिन एक दोसर के दिलासा देवा, आउर परमेश्‍वर उपरे आउर बगरा बिसवास करेक लगिन एक दोसर केर मदइत करा जइसन कि तोहरे कारबो कराला।

1थिस्सलुनीकियनमन 5:11 Iomraidhean Croise

रोमानियनमन 14:19

इ लगिन हमरे के उ गोइठमन में मन लगाएक अहे, जेकर से मेल-मिलाप आउर एक दोसर केर सुधार होवी।

रोमानियनमन 15:14

हे मोर बिसवासी भाईमन, मोंय खुद हें तोहर बारे में पक्का जानोना कि तोहरेमन हों खुद हें भलाई से भरल अहा आउर पूरा-पुरी जानाला कि तोहरे के का करेक अहे, आउर तोहरे एक दोसर के सिखाएक पाराला।

रोमानियनमन 15:2

हमरेमन में से हरेक झन के अपन बिसवासी भाई-बहिन केर भलाई करेक चाही, जेकर से उमन खुश होबैं आउर बिसवास में हों मजबूत होबैं।

1 कुरिनथियनमन 10:23

हमरे सोउब कुछ करेक लगिन आजाद तो अही, मगर हमरे लगिन सोउब कुछ बेस ना लगे। हमरे सोउब कुछ करेक लगिन आजाद तो अही, मगर सोउब कुछ हमरे के परमेश्‍वर उपरे बिसवास में मजबूत नी करेला।

1 कुरिनथियनमन 14:12

काले कि तोहरेमन पवितर आत्मा केर खास बरदानमन के पावेक लगिन ललायित अहा, तो उ बरदानमन केर लालसा करा जेकर से कलीसिया केर बिसवासीमन केर बिसवास मजबूत होवी।

1 कुरिनथियनमन 14:29

आउर परमेश्‍वर केर संदेश के बताएक वालामन में से दूई या तीन झन गोठियाओक, आउर बचलमन उमन केर संदेश के परखोक।

1 कुरिनथियनमन 14:5

मोंय चाहोना कि तोहरेमन सोउब अनजान भाषामन में गोठियावा, मगर इकर से बगरा इ चाहोना कि परमेश्‍वर केर संदेश के परचार करा, काले कि अगर अनजान भाषा में गोठियाएक वाला कलीसिया केर बिसवासीमन केर बिसवास के मजबूत करेक लगिन उल्था नी करी, तो परमेश्‍वर केर संदेश के परचार करेक वाला उकर से बाइढ़ के अहे।

2 कुरिनथियनमन 12:19

हे दुलार भाईमन, तोहरेमन एखन तक एहे बुझत होबा कि हमरे तोहर सामने अपन बचाव कराथी, हमरे तो परमेश्‍वर के हाजिर जाइन के मसीह में कहिला, आउर सोउब गोइठमन के तोहर उन्नति लगिन कहिला।

इफिसियनमन 4:12

उ आदमीमन के इ सोउब बरदानमन के इ लगिन देलक, ताकि उमन परमेश्‍वर केर आदमीमन के परमेश्‍वर केर लगिन काम करेक ले तेयार करबैं। आउर मसीह केर काया, मतलब, कलीसिया मजबूत होवेक पारोक।

इफिसियनमन 4:16

हमरे सोउब जे मसीह उपरे बिसवास करिला, उकर काया केर अंगमन नियर अही। जे नियर एगो आदमी केर काया उकर समूचा जोड़मन से एके संगे जुड़ल रहेला, आउर जब काया केर हरेक अंग ठीक से काम करेला तो काया बढ़ेला आउर मजबूत होवेला, ओहे नियर जब हमर में से हरेक झन उ काम के करेला जेके करेक ले मसीह हमरे के देई हे, तो हमरे मजबूत आउर पक्का बाइन जाइला।

इफिसियनमन 4:29

कोनों गंदा गोइठ तोहर मुँह से ना निकलोक, बल्कि ओहे गोइठ निकलोक जे आदमीमन केर लगिन जरुरी अहे, आउर जे उमन के बिसवास में बढ़ेक लगिन मदइत करेला। तब जे कोनों तोहरे कहबा उ सुनेक वालामन केर भला करी।

1थिस्सलुनीकियनमन 4:10

आउर गोटा मकिदुनिया परदेस केर सोउब बिसवासी भाईमन से एइसनेहें प्रेम करबो कराला। मगर हे भाईमन, हमरे तोहरेमन के समझाइला कि प्रेम में आउर हें बढ़ते जावा।

1थिस्सलुनीकियनमन 4:18

इ गोइठमन से एक दोसर के उसकाते रहा।

इब्रानीमन 10:25

आउर परमेश्‍वर केर आराधना करेक लगिन एक दोसर केर संगे जमा होवेक नी छोड़ब, जइसन कि केतना बिसवासीमन करैना, मगर हमरे के एक दूसरा के उसकाएक आउर चेताएक अहे, खास काइर के अब जबकि यीशु मसीह केर दोबारा घूइर आवेक केर बेरा भीरे पोंहचाथे।

इब्रानीमन 3:13

बल्कि जखनोहों तोहरे सुनाला कि पवितर किताब कहेला, “आइज केर दिन तक,” तो तोहरे हर दिन एक दोसर के बेस जिंदगी जियेक लगिन उसकाते रहा, एइसन ना होवोक कि तोहर में से केऊ आदमी पाप केर धोखा में आय के कठोर होई जाओक।

2 पतरस 1:12

हालाँकि तोहरेमन पहिले से हें इ गोइठमन के जानाला, आउर जे सच्चा शिक्षामन मसीह केर बारे में मिल हे उके मजबूती से धाइर रहा, जेके आदमीमन तोहरे के देई हैं, मोंय तोहरे के उमन केर बारे में लगातार याइद दिवाते रहमूँ।

यहूदा 1:20

मगर हे दुलार बिसवासी भाई-बहिनमन, तोहरेमन बगरा पवितर बिसवास में बढ़ोतरी लगिन एक दोसर केर मदइत करते रहा, आउर पवितर आत्मा केर अगुवाई में प्रार्थना करते रहा।