1थिस्सलुनीकियनमन 5:1 - सादरी नवाँ नियम

¹ मगर हे भाईमन, इकर दरकार नखे कि यीशु केर दोबारा घूइर आवेक समय केर बारे में तोहरेमन के कोनों लिखल जाओक।

1थिस्सलुनीकियनमन 5:1 Iomraidhean Croise

मत्ती 24:3

इकर पाछे यीशु आउर उकर चेलामन जैतून पहार उपरे चाइल गेलैं, हूवाँ यीशु एकले बाइठ रहे, तो चेलामन उकर ठिना आय के पूछलैं, “हमरे के बताव कि इ सोउब गोइठ कहिया पूरा होवी? तोर आवेक आउर दुनिया केर आखरी होवेक केर का चिन्हा होवी?”

मत्ती 24:36

इ सोउब गोइठ कहिया आउर कोन बेरा पूरा होवी इकर बारे में केऊ हों नी जानैना, ना स्वरग केर दूतमन आउर ना मोंय परमेश्‍वर केर बेटा। मगर उ दिन आउर उ बेरा केर बारे में आबा हें जानेला।

खास चेलामन केर काम 1:7

यीशु उमन के जबाब देलक, “उ समयमन या घटनामन कहिया होवी, इके ठहराएक केर अधिकार सिरिफ मोर आबा ठिना अहे, इके जानेक केर जरुरत तोहरेमन के नखे।

2 कुरिनथियनमन 9:1

अब यरुशलेम शहर केर बिसवासीमन के दान देवेक केर सेवा केर बारे में, मोके तोहरेमन के लिखेक जरुरी नखे।

1थिस्सलुनीकियनमन 4:18

इ गोइठमन से एक दोसर के उसकाते रहा।

1थिस्सलुनीकियनमन 4:9

मगर संगी बिसवासी भाईमन से प्रेम केर बारे में इ जरुरी नखे कि मोंय तोहर ठिना कोनों लिखमूँ, काले कि आपस में प्रेम रखेक तोहरेमन खुद हें परमेश्‍वर से सीख हा।

यहूदा 1:3

हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्‍वर पवितर आदमीमन के सोउब दिन लगिन देई हे।