1थिस्सलुनीकियनमन 4:9 - सादरी नवाँ नियम

⁹ मगर संगी बिसवासी भाईमन से प्रेम केर बारे में इ जरुरी नखे कि मोंय तोहर ठिना कोनों लिखमूँ, काले कि आपस में प्रेम रखेक तोहरेमन खुद हें परमेश्‍वर से सीख हा।

1थिस्सलुनीकियनमन 4:9 Iomraidhean Croise

मत्ती 22:39

आउर एहे लेखे इ दूसरा हों हेके कि तोंय अपन पड़ोसी से अपन नियर प्रेम करबे।

यूहन्ना 14:26

मगर मदइत करेक वाला मतलब पवितर आत्मा, जेके आबा परमेश्‍वर मोर अधिकार के देई के भेजी, उ तोहरेमन के सोउब गोइठमन के सिखाई, आउर जे कुछ मोंय तोहरेमन से कइह हों, उ सोउब के तोहरेमन के याइद करवाई।

खास चेलामन केर काम 4:32

आउर चेला मनक इ दल में सोउबमन एक मन आउर एक प्राण रहैं। हिंयाँ तक कि केऊ हों अपन सम्पति के अपन नी कहात रहैं, जे कुछ उ मनक ठिना रहे, उकर में सोउब केर साझा रहे।

रोमानियनमन 12:10

एक दोसर से अपन परिवार केर आदमी नियर प्रेम करा, बाइढ़ चाइढ़ के एक दोसर के आदर करा।

2 कुरिनथियनमन 9:1

अब यरुशलेम शहर केर बिसवासीमन के दान देवेक केर सेवा केर बारे में, मोके तोहरेमन के लिखेक जरुरी नखे।

फिलिप्पियनमन 3:15

से लगिन हमर में से जेतनामन बिसवास में मजबूत अहैं, एहे बिचार रखबैं, आउर अगर कोनों गोइठ में तोहर आउर हें बिचार होवी तो परमेश्‍वर उके तोहरेमन लगिन खोइल देवी।

1थिस्सलुनीकियनमन 5:1

मगर हे भाईमन, इकर दरकार नखे कि यीशु केर दोबारा घूइर आवेक समय केर बारे में तोहरेमन के कोनों लिखल जाओक।

इब्रानीमन 10:16

कि प्रभु कहेला जे करार मोंय उ दिनमन केर पाछे उमन से करमूँ, उ इ हेके कि मोंय अपन नियममन के उमन केर मन में याइद दिवामूँ आउर उमन केर हिरदय में लिखमूँ।

इब्रानीमन 13:1

भाई-बहिन नियर एक दोसर से प्रेम करते रहा।

1 पतरस 3:8

आखरी में, मोंय तोहरे से इ कहेक चाहाथों कि तोहरे सोउब एकजूट रहा, आउर एक दोसर केर फिकिर करा, भाई-बहिन केर प्रेम नियर दोसरमन से प्रेम करा, दोसर मनक उपरे दया करा, एक दोसर केर संगे नरम बना।

1 पतरस 4:8

आउर सोउब से बेस गोइठ इ हेके कि एक दोसर से गहरा प्रेम करा काले कि अगर तोहरेमन आदमीमन से प्रेम कराला, तो तोहरे सोउब बेरा कोनोवें पाप काम के माफ करेक लगिन तेयार रहबा, जे उमन काइर हैं।

2 पतरस 1:7

तोहरे सिरिफ परमेश्‍वर के खुश करेक वाला ना बना, मगर तोहरे एक दोसर से अपन परिवार केर नियर प्रेम करेक वाला बना। तोहरे सिरिफ एक दोसर से अपन परिवार केर नियर प्रेम करेक वाला ना बना, मगर एक दोसर से प्रेम करेक वाला बना।

1 यूहन्ना 2:10

जे केऊ अपन बिश्वासी भाई से प्रेम करेला उ इंजोत में रहेला। उकर में एइसन कोनों नखे कि उ दोसर मनक पाप केर कारण बनी।

1 यूहन्ना 3:11

जे समाचार तोहरेमन शुरु से सुनला उ इ हेके कि हमरेमन एक दोसर से प्रेम करब।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

1 यूहन्ना 4:21

आउर उकर से हमरेमन के इ आगया मिल हे कि जे केऊ परमेश्‍वर से प्रेम करेला उके अपन संगी बिसवासी से हों प्रेम करेक चाही।