1थिस्सलुनीकियनमन 4:6 - सादरी नवाँ नियम

⁶ एइसन काइर के तोहरे के अपन बिसवासी भाईमन केर बिरोध में पाप नी करेक चाही आउर ना हें कोनों गलत फायदा उठाएक चाही, काले कि इ सोउब गोइठमन केर बारे में प्रभु पलटा लेवेला, जइसन कि हमरे पहिलेहें तोहरेमन के सफा-सफा कइह के कठोर चेतावनी देई रही।

1थिस्सलुनीकियनमन 4:6 Iomraidhean Croise

मरकुस 10:19

तोंय परमेश्‍वर केर आगयामन के तो जानिसला: हत्या नी करेक, ब्यभिचार नी करेक, चोरी नी करेक, झूठा गवाही नी देवेक, केखो धोखा नी देवेक, अपन आयो-आबा केर आदर करेक।”

लूका 12:5

मोंय तोहरेमन के चेताथों कि तोहरेमन के केकर से डराएक चाही, जेके मोराएक केर पाछे नरक में साजेक केर अधिकार अहे, उकरे से डरावा। हाँ, मोंय तोहरेमन से कहाथों, सिरिफ उकरे से डरावा।

लूका 16:28

काले कि मोर पाँच भाई अहैं। आउर मोंय चाहोना कि लाजर जाय के इ सोउब गोइठमन के उमन के बताई ताकि उमन के इ दुःख केर ठाँव में आवेक ना होवोक।’

रोमानियनमन 1:18

परमेश्‍वर केर खीस तो उ आदमीमन उपरे स्वरग से आवेला, जेमन सोउब रकम केर बुराई आउर अधरम केर काम करैना, आउर इ काममन से आदमीमन के सच्चाई के जानेक से रोकैना।

रोमानियनमन 12:19

हे दुलार भाई बहिनमन बदला ना लेवा, मगर परमेश्‍वर के दंड देवेक केर मोका देवा, काले कि पवितर किताब में लिखल अहे प्रभु कहेला, “बदला लेवेक मोर काम हेके।”

रोमानियनमन 13:4

काले कि सरकारी अधिकारीमन तोहर मदइत करेक लगिन परमेश्‍वर केर सेवक हेकैं। मगर तोहरे बुराई करबा तो डरावा, काले कि अधिकारीमन ठिना तोहरे के दंड देवेक केर अधिकार अहे, उमन परमेश्‍वर केर सेवकमन हेकैं कि जेमन बुरा करैना, उमन के दंड देबैं।

2 कुरिनथियनमन 7:11

से लगिन धेयान देवा, परमेश्‍वर बटले आवल दुःख तोहरेमन में का-का बदलाव के लानलक, जोश से भरल लालसा, अपन बचाव लगिन सफाई देवेक केर इच्छा, अन्याय केर परती खीस, संकट केर परती सावधानी, मोर से भेंट करेक केर खूब इच्छा, सेवा करेक लगिन जोश, आउर पापी के दंड देवेक लगिन एइसन धुन, जेकर चलते तोहरे इ साबित काइर देला कि सोउब कुछ के ठीक करेक में तोहरे कोनों कसर नी छोइड़ हा।

गलातियनमन 5:21

डाह, मतवारी, रीझ-रंग आउर एहे नियर आउर रकम-रकम केर बुरा काम अहे, मोंय तोहरेमन के चेतावनी देवाथों जइसन आगे हों देई चुइक हों कि एइसन-एइसन काम करेक वालामन परमेश्‍वर केर राइज केर हकदार नी होबैं।

इफिसियनमन 4:17

इ लगिन मोंय उ अधिकार केर साथ जेके प्रभु मोके देई हे, तोहरे के इ बतावना कि अबिसवासीमन नियर ब्यवहार ना करा, जेमन बेकार गोइठमन केर चिंता करैना।

इफिसियनमन 4:28

चोरी करेक वाला फिन चोरी ना करोक, बल्कि उके अपन हाँथ से ईमानदारी से काम करेक चाही, ताकि गरीबमन के देवेक ले उकर ठिना भरपूर चीजमन रहोक।

इफिसियनमन 5:6

केऊ तोहरेमन के इ कइह के धोखा ना देवोक कि परमेश्‍वर उमन के दंड नी देवी, जेमन एइसन पाप करैना। काले कि एहे काममन के करेक केर चलते परमेश्‍वर केर खीस आगया नी मानेक वालामन उपरे भड़केला।

1थिस्सलुनीकियनमन 2:11

तोहरेमन जानाला कि जइसन आबा अपन छउवामन केर संगे ब्यवहार करेला, तइसनेहें हमरे हों तोहर में से हरेक झन के उपदेस देते, उसकाते आउर समझाते रही।

2 थिस्सलुनीकियनमन 1:8

आउर जेमन परमेश्‍वर के नी चिन्हैना, आउर हमर प्रभु यीशु केर बारे में शुभ समाचार के नी मानैना उमन के दंड देवी।

इब्रानीमन 13:4

बिहा केर आदर करा, आउर बिहाउ जनाना आउर मरद तोहरे एक दोसर लगिन बिसवास लायक बनल रहा, काले कि परमेश्‍वर ब्यभिचारीमन केर आउर दोसर जनानामन से रिश्ता बनाएक वालामन केर न्याय करी।

इब्रानीमन 2:6

पवितर किताब में कोनों ठिना इ गवाही देवल अहे कि आदमीमन का हेकैं कि तोंय हे परमेश्‍वर उमन उपरे नजइर करबे, या उमन केर चिंता करबे? उमन आदमी से बगरा आउर कोनों ना लगैं।

याकूब 2:6

मगर तोहरेमन उ गरीब केर अपमान कराला। का धनी आदमीमन तोहर उपरे अत्याचार नी करैना, आउर का उमन हें तोहरेमन के कछैरीमन में जबराई घिसराय-घिसराय के नी लेगैना?

याकूब 5:4

देखा, जे कमियामन तोहर खेत के काटलैं उ मनक उ मजूरी जेके तोहरेमन धोखा देई के राइख लेई हा, उ परमेश्‍वर ठिना तोहर बिरोध में चिल्लाथे। आउर उ कमियामन केर काँदेक, जेमन तोहर उपज के जमा करलैं, सेनामन केर प्रभु केर कान तक पोंहइच जाय हे।