1थिस्सलुनीकियनमन 4:4 - सादरी नवाँ नियम

⁴ तोहर में से हरेक झन अपन काया उपरे कब्जा करेक सिखा, आउर अपन जनाना केर संगे पवितर आउर आदर केर संगे रहा।

1थिस्सलुनीकियनमन 4:4 Iomraidhean Croise

खास चेलामन केर काम 9:15

मगर प्रभु यीशु उकर से कहलक, “तोंय चाइल जा। उ मोर चुनल आदमी हेके। उ परजाइत आदमीमन, राजामन, आउर इसराइली आदमीमन केर माझे मोर बारे में परचार करी।

रोमानियनमन 1:24

इ लगिन परमेश्‍वर उमन के उ मनक मन केर बुरा इच्छामन केर मोताबिक अशुद्ध काम करेक लगिन छोइड़ देलक कि उमन आपस में बुरा काममन से अपन कायामन के अपवितर करोक।

रोमानियनमन 12:1

इ लगिन हे बिसवासी भाईमन, परमेश्‍वर हमरे के अपन महान दया के देखाय हे, से लगिन मोंय तोहरेमन से बिनती करोना कि अपन जिंदगी के जिंदा आउर पवितर, आउर परमेश्‍वर के पसिंद लायक बलिदान केर रूप में, परमेश्‍वर लगिन चढ़ाय देवा, एहे परमेश्‍वर केर भक्ति करेक केर सही तरीका हेके।

रोमानियनमन 6:19

मोंय रोज दिन केर जिंदगी से जुड़ल एगो उदाहरन बताथों, जइसन तोहरेमन काया केर अंगमन के अशुद्ध आउर बुरा काममन के करेक लगिन सोंइप रहा, तइसनेहें अब अपन काया केर अंगमन के पवितर आउर धरमी जिंदगी जियेक लगिन सोंइप देवा।

1 कुरिनथियनमन 6:15

तोहरेमन पक्का जानाला कि तोहर काया मसीह केर अंग हेके, तो का एगो आदमी अपन काया के लेई के, जे मसीह केर हेके बेश्या से संगति करी? निहीं बिलकुल निहीं।

1 कुरिनथियनमन 7:2

मगर हमरेमन के ब्यभिचार केर पाप में गिरेक केर परीक्षा में पड़ेक ढेइर सहज अहे, से लगिन हरेक मरद के सादी करेक आउर अपन जनाना लगिन बिसवास लायक बनल रहेक अहे, आउर हरेक जनाना के हों सादी करेक आउर अपन पति लगिन बिसवास लायक बनल रहेक अहे।

1 कुरिनथियनमन 7:9

मगर, अगर उमन खुद के काबू करेक नी पारबैं तो सादी करोक, काले कि शांत नी होवेक वाला इच्छामन में जिंदगी बिताएक से सादी करेक भला अहे।

2 कुरिनथियनमन 4:7

अब हमरे ठिना इ चमकेक वाला दीया हमर हिरदय में अहे, मगर हमरे खुद एगो फुटेक वाला माटी केर बासन नियर अही, जहाँ इ बड़का धन रखल अहे, इ अनइत शक्ति हमरे बटले निहीं बल्कि परमेश्‍वर बटले हेके।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

इब्रानीमन 13:4

बिहा केर आदर करा, आउर बिहाउ जनाना आउर मरद तोहरे एक दोसर लगिन बिसवास लायक बनल रहा, काले कि परमेश्‍वर ब्यभिचारीमन केर आउर दोसर जनानामन से रिश्ता बनाएक वालामन केर न्याय करी।

1 पतरस 3:7

तइसनेहें हे पतिमन, समझदारी से अपन सादी-सुदा जिंदगी के बितावा, तोहरे के याइद रखेक चाही कि तोहर जनानामन तोहरे से कमजोर अहैं, से लगिन तोहरे के उमन केर आदर करेक चाही। काले कि तोहरे दुयो हें उ बरदान के साझा कराला जेके परमेश्‍वर अपन किरपा से तोहरे के देई हे, मतलब जुग-जुग जिंदगी केर बरदान। अगर तोहरे एइसन करबा, तो जब तोहरे परमेश्‍वर से प्रार्थना करबा, तो उ तोहर सुनी।