1थिस्सलुनीकियनमन 4:3 - सादरी नवाँ नियम

³ काले कि परमेश्‍वर केर इच्छा इ हेके कि तोहरेमन पवितर बना, मतलब ब्यभिचार ना करबा।

1थिस्सलुनीकियनमन 4:3 Iomraidhean Croise

मत्ती 12:50

काले कि जे केऊ मोर स्वरगीय आबा केर इच्छा केर मोताबिक चलेला, ओहे मोर भाई, बहिन आउर आयो हेके।”

मत्ती 15:19

काले कि बुरा बिचार, हत्या, दोसर जनाना केर संग संबंध बनाएक, ब्यभिचार, चोरी, झूठा गवाही आउर निंदा आदमी केर मन से हें निकलेला।

मत्ती 5:32

मगर मोंय तोहरेमन से कहाथों कि जे केऊ अपन जनाना के ब्यभिचार केर सिवाय कोनों आउर कारण से लिखित पत्र देई के छोइड़ देवेला तो उ अपन जनाना के ब्यभिचार करुवायला। आउर जे केऊ आदमी उ छोड़ल जनाना से बिहा करेला, तो उ आदमी हों ब्यभिचार करेला।

मत्ती 7:21

जे आदमीमन मोके, हे प्रभु! हे प्रभु! कइह के हकायना, उमन में से सोउब आदमीमन स्वरग राइज में जाएक नी पारबैं, मगर ओहे आदमीमन जाबैं जेमन मोर स्वरगीय आबा केर इच्छा लेखे जिंदगी बितायना।

मरकुस 3:35

काले कि जे केऊ परमेश्‍वर केर इच्छा केर मोताबिक चलेला, ओहे मोर भाई, बहिन, आउर आयो हेके।”

यूहन्ना 4:34

यीशु उमन से कहलक, “जे मोके भेइज हे उकर इच्छा के मानेक आउर उकर काम के पूरा करेक, जेकर जिम्मा उ मोके देई हे, एहे मोर खाएक हेके।

यूहन्ना 7:17

अगर केऊ उकर इच्छा केर मोताबिक चलेक लगिन ठाइन लेई तो उ जाइन जाई कि मोर उपदेस परमेश्‍वर बटे से आवेला या मोंय खुद अपन बटे से देवोना।

खास चेलामन केर काम 15:20

मगर हमरे उमन के चिट्ठी लीख के भेजब कि उमन मूर्तिमन लगिन चढ़ाल अशुद्ध चीजमन के आउर ब्यभिचार आउर घेंचा चीप के मोराल जीवमन केर माँस आउर लोहू के ना खाओक।

खास चेलामन केर काम 15:29

तोहरेमन मूर्तिमन लगिन बलि चढ़ाल चीजमन के आउर लोहू के आउर घेंचा चीप के मोराल माँस के ना खाबा आउर ब्यभिचार से दूर रहबा, अगर तोहरे खुद के इ गोइठमन से बचाय के रखबा तो तोहर भला होवी। आगे शुभ।”

खास चेलामन केर काम 20:32

अब मोंय तोहरे के परमेश्‍वर केर आउर उकर किरपा केर बचन केर देख-रेख में जिम्मा देवाथों, जे तोहर बिसवास के मजबूत करी। आउर परमेश्‍वर तोहरे के उ बपौती अधिकार देवी, जेके देवेक केर करार उ सोउब आदमीमन से काइर हे, जेमन उकर से पवितर करल जाय हैं।

खास चेलामन केर काम 26:18

मोंय तोके उ मनक आँइख खोलेक लगिन, उमन के अंधार से इंजोत में लानेक लगिन, मतलब शैतान केर अधिकार से छोड़ाय के परमेश्‍वर बटे लानेक लगिन उमन ठिना भेजाथों। जेकर से उमन मोर उपरे बिसवास काइर के अपन पापमन केर क्षमा पाओक आउर पवितर करल आदमीमन केर माझे अपन ठाँव के पाओक।’

रोमानियनमन 1:29

से लगिन उमन सोउब रकम केर पाप, बुराई, स्वार्थी आउर घिरना से भाइर गेलैं। आउर उमन हिसिंगा, आउर हत्या, आउर झगरा, आउर झूठ, आउर एक दोसर लगिन बुरा सोच से हों भरल अहैं, आउर चुगली करेक वाला,

रोमानियनमन 12:2

आउर इ दुनिया केर आदमीमन नियर ना बना, मगर तोहरे केर मन केर पूरा बदइल जाएक से तोहर चाइल-चलन हों बदलते जाओक, ताकि तोहरेमन परमेश्‍वर केर भला, आउर भावती, आउर सिद्ध इच्छा के अनुभव से जानते रहा।

रोमानियनमन 6:22

मगर अब पाप से आजाद होई के आउर परमेश्‍वर केर धांगर बाइन के, तोहरेमन उ काममन के करा जे पवितर जिंदगी जियेक लगिन अगुवाई करेला, जेकर फल जुग-जुग केर जिंदगी हेके।

1 कुरिनथियनमन 1:30

मगर परमेश्‍वर तोहरे के यीशु मसीह में एक काइर हे, जेकर से उ हमरे के अपन गेयान देई हे। आउर परमेश्‍वर हमरे के अपन देखेक में धरमी हों बनायला, यीशु मसीह केर चलते हमरे पवितर बनाल जाय ही आउर यीशु मसीह हमरे के पाप से छुटकारा देई हे।

1 कुरिनथियनमन 7:2

मगर हमरेमन के ब्यभिचार केर पाप में गिरेक केर परीक्षा में पड़ेक ढेइर सहज अहे, से लगिन हरेक मरद के सादी करेक आउर अपन जनाना लगिन बिसवास लायक बनल रहेक अहे, आउर हरेक जनाना के हों सादी करेक आउर अपन पति लगिन बिसवास लायक बनल रहेक अहे।

2 कुरिनथियनमन 12:21

कहीं एइसन ना होवोक कि जब मोंय फिन से तोहरे ठिना घूइर आमूँ, तो मोर परमेश्‍वर मोके अपमान करी। आउर मोके ढेइरमन लगिन शोक करेक पड़ी, जेमन पहिले पाप काइर रहैं, आउर गंदा काम, ब्यभिचार आउर लाज केर काम से मन नी फिरालैं।

गलातियनमन 5:19

तोहरेमन सोउब जानाला कि काया केर इच्छामन का-का हेके, मतलब ब्यभिचार, गंदा काम, लुच्चा काम,

इफिसियनमन 5:17

इ जानेक केर कोशिश करा कि प्रभु तोहर से का करुवाएक चाहेला आउर बुद्धिमान बना।

इफिसियनमन 6:6

इ सोउब सिरिफ देखावा या उमन के खुश करेक ले भइर निहीं, बल्कि मसीह केर दासमन नियर काम करा जेमन अपन पूरा मन से ओहे करैना जे परमेश्‍वर चाहेला।

कुलुसियनमन 1:9

एहे लगिन हमरे हों जे दिन से इ सुइन ही, तोहर लगिन लगातार प्रार्थना आउर बिनती कराथी कि परमेश्‍वर केर आत्मा तोहरेमन के गेयान आउर समझ देवोक ताकि तोहरे उकर इच्छा के पूरा पुरी बुझेक पारबा।

कुलुसियनमन 3:5

इ लगिन तोहरे उ बुरा काममन के करेक छोइड़ देवा जे तोहरे केर पापी स्वभाव में जुड़ल अहे। जे इ धरती में अहे मतलब ब्यभिचार, अशुद्ध काम, बुरा बिचार, बुरा लालसा आउर लोभ जे मूर्ति पूजा केर बराबइर अहे।

कुलुसियनमन 4:12

इपफ्रास जे तोहर शहर केर हेके आउर मसीह यीशु केर सेवक हेके, तोहरे के जोहार कहेला। उ सोउब बेरा तोहर लगिन प्रार्थना करते रहेला ताकि तोहरेमन सिद्ध होई के पूरा बिसवास केर संगे परमेश्‍वर केर इच्छा में स्थिर रहा।

1थिस्सलुनीकियनमन 4:2

काले कि तोहरेमन जानाला कि जे आगया हमरे तोहरे के देई ही, उ प्रभु यीशु बटले आय हे।

1थिस्सलुनीकियनमन 4:4

तोहर में से हरेक झन अपन काया उपरे कब्जा करेक सिखा, आउर अपन जनाना केर संगे पवितर आउर आदर केर संगे रहा।

1थिस्सलुनीकियनमन 5:18

हरेक स्थिति में परमेश्‍वर के धन्यबाद देवा काले कि तोहर लगिन मसीह यीशु में परमेश्‍वर केर एहे इच्छा अहे।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

2 थिस्सलुनीकियनमन 2:13

हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्‍वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 10:36

तोहरे के लगातार बिसवास में धीरज से आसरा देखते रहेक चाही, तब तोहरे परमेश्‍वर केर इच्छा के पूरा करेक पारबा, आउर तोहरे उ सोउब के पाबा जेकर करार परमेश्‍वर तोहरे से काइर हे।

इब्रानीमन 12:16

आउर ना केऊ ब्यभिचारी, या तोहर में से केऊ अब्राहम केर नाती एसाव नियर अधरमी ना होवोक, जे एक बेर केर खाएक केर बदली में, पहिलौठा होवेक केर अपन हक के बेइच देलक।

इब्रानीमन 13:4

बिहा केर आदर करा, आउर बिहाउ जनाना आउर मरद तोहरे एक दोसर लगिन बिसवास लायक बनल रहा, काले कि परमेश्‍वर ब्यभिचारीमन केर आउर दोसर जनानामन से रिश्ता बनाएक वालामन केर न्याय करी।

1 पतरस 1:2

आबा परमेश्‍वर ढेइर पहिलेहें से तोहरेमन के चुइन लेलक आउर पवितर आत्मा केर द्वारा पवितर करलक। परमेश्‍वर एइसन इ लगिन करलक कि तोहरे यीशु मसीह केर आगया मानबा आउर उकर लोहू से शुद्ध होई जबा। मोंय प्रार्थना करोना कि परमेश्‍वर तोहरे के भरपूरी से किरपा आउर शांति देओक।

1 पतरस 4:2

ताकि आगे अपन बचल काया केर जिंदगी के आदमीमन केर लालसा केर मोताबिक नहीं, बल्कि परमेश्‍वर केर इच्छा केर मोताबिक बिताबा।

1 यूहन्ना 2:17

दुनिया आउर उकर इच्छामन दुयो मेटते जायला, मगर जे परमेश्‍वर केर इच्छा केर मोताबिक चलेला, उ सोउब बेरा बनल रही।

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।