1थिस्सलुनीकियनमन 4:17 - सादरी नवाँ नियम

¹⁷ तब हमरे जेमन जिंदा आउर बचल रहब उमन केर संगे आकाश में प्रभु से मिलेक लगिन बदरी उपरे उठाय लेवल जाब, आउर इ नियर हमरे सोउब दिन लगिन प्रभु केर संगे रहब।

1थिस्सलुनीकियनमन 4:17 Iomraidhean Croise

मत्ती 26:64

यीशु उके जबाब देलक, “तोंय खुद हें कइह देले, अब मोंय तोर से एहो कहाथों कि अब से तोहरेमन मोंय आदमी केर बेटा के सर्वशक्तिमान परमेश्‍वर केर भतखाइया बटे बइठल आउर आकाश केर बदरीमन में आते देखबा।”

मरकुस 14:62

यीशु कहलक, “हाँ! मोंय हेकों। तोहरेमन मोंय आदमी केर बेटा के सर्वशक्तिमान परमेश्‍वर केर भतखाइया बटे बइठल आउर आकाश से बदरीमन में आते देखबा।”

यूहन्ना 12:26

अगर केऊ मोर सेवा करेक चाहेला तो मोर पिछे होई लेवोक आउर मोर चेला बाइन जाओक। तब जहाँ मोंय अहों, हूवाँ मोर सेवक हों रही। अगर केऊ मोर सेवा करी तो आबा परमेश्‍वर हों उकर माइन करी।

यूहन्ना 14:3

आउर ठाँव तेयार करेक केर पाछे मोंय फिन आमूँ आउर तोहरेमन के अपन संगे रहेक लगिन लेई जामूँ, ताकि जहाँ मोंय रहमूँ हूवाँ तोहरेमन हों रहबा।

यूहन्ना 17:24

हे आबा परमेश्‍वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस।

खास चेलामन केर काम 1:9

इ सोउब कहेक केर पाछे परमेश्‍वर यीशु के उ मनक देखते-देखते स्वरग में उठाय लेलक आउर बदरी केर चलते उमन उके आउर देखेक नी पारलैं।

खास चेलामन केर काम 8:39

जब उमन पोखरा से निकइल के बाहरे आलैं, तो प्रभु केर आत्मा फिलिप्पुस के उठाय के लेई गेलक। आउर खोजा उके फिन नी देखलक। आउर खोजा इ कइह के कि परमेश्‍वर मोके बचाय लेलक, खुशी मनाते अपन देस घूइर गेलक।

2 कुरिनथियनमन 5:8

इ लगिन हमरे निसचिंत रहिला आउर जब हमरे मोरब तो काया से अलग होई के, प्रभु केर संगे अपन घर में रहेक आउर हें बेस समझिला।

फिलिप्पियनमन 1:23

मोंय दुयो केर माझे असमंजस में अहों; जीव तो चाहेला कि मोइर के मसीह ठिना जाय के रहमूँ, काले कि इ ढेइर हें बेस हेके।

1थिस्सलुनीकियनमन 3:13

ताकि परमेश्‍वर तोहर मन के एइसन मजबूत करोक कि जब हमर प्रभु यीशु अपन पवितर आदमीमन केर संगे घूइर आवी, तो उमन हमर परमेश्‍वर आउर आबा केर सामने पवितर आउर निरदोष ठहरोक।

1थिस्सलुनीकियनमन 4:15

काले कि हमरे प्रभु यीशु केर बचन केर मोताबिक तोहरेमन से इ कहिला कि जेमन बिसवास में मोइर जाय हैं, उमन पहिले प्रभु से मिलेक पारबैं। उकर पाछे हमरेमन जे जिंदा अही आउर प्रभु यीशु केर आवेक तक बचल रहब, तो प्रभु केर संगे भेंट करेक पारब।

1थिस्सलुनीकियनमन 4:18

इ गोइठमन से एक दोसर के उसकाते रहा।

1थिस्सलुनीकियनमन 5:10

प्रभु यीशु मसीह हमर लगिन इ खातिर मोरलक कि हमरे चाहे जिंदा रहब, चाहे मोइर जाब, जखन उ घूइर आवी हमरे सोउब दिन लगिन उकर संगे रहेक पारब।

2 पतरस 3:13

मगर हमरे बिसवासी आदमीमन परमेश्‍वर केर करार केर मोताबिक एगो नवाँ आकाश आउर नवाँ धरती केर आसरा देखाथी, जहाँ सिरिफ धरमी आदमीमन रहैना।

प्रकाशितवाक्य 1:7

देखा, उ बदरीमन केर संगे आवेक वाला अहे, आउर हर एक आदमीमन उके देखबैं, बल्कि जेमन उके बरछा से बेइध रहैं, उमन हों उके देखबैं, आउर धरती केर सोउब आदमीमन बिलाप करबैं। हाँ, इ होवी। आमीन।

प्रकाशितवाक्य 11:12

फिन उमन के स्वरग से एक बड़का शबद सुनाई देलक, “हिंयाँ उपरे आवा!” इके सुइन के उमन बैरीमन केर देखते-देखते बदरी में से होई के स्वरग में उठाय लेवल गेलैं।

प्रकाशितवाक्य 12:5

उ जनाना एगो बेटा के जनम देलक, जे राइज करेक वाला लोहा केर लाठी से सोउब जाइत केर आदमीमन उपरे राइज करेक ले रहे। उ छउवा के तुरते उठाय के परमेश्‍वर आउर उकर सिंहासन तक पोंहचाय देवल गेलक।