1थिस्सलुनीकियनमन 4:16 - सादरी नवाँ नियम

¹⁶ काले कि प्रभु यीशु खुद हें स्वरग से उतरी उ समय आदमीमन यीशु के ऊँचा आवाज से आदेश देते सुनबैं, आउर प्रधान दूत जोर से बोली, आउर परमेश्‍वर केर तुरही फूँकल जाई, आउर जेमन मसीह में बिसवास काइर के मोइर हैं, उमन पहिले जी उठबैं।

1थिस्सलुनीकियनमन 4:16 Iomraidhean Croise

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 16:28

मोंय तोहर से सच कहाथों, तोहर में से थोरेक आदमीमन जे हिंयाँ ठड़ाल अहैं, एइसन अहैं कि जब तक मोंय आदमी केर बेटा के अपन राइज में शासन करते नी देइख लेबैं तब तक नी मोरबैं।”

मत्ती 25:31

जब मोंय आदमी केर बेटा अपन महिमा में आमूँ आउर मोर संगे सोउब स्वरगदूतमन आबैं। तब मोंय सोउब केर न्याय करेक लगिन महिमा रुपी सिंहासन में बइठमूँ।

मत्ती 26:64

यीशु उके जबाब देलक, “तोंय खुद हें कइह देले, अब मोंय तोर से एहो कहाथों कि अब से तोहरेमन मोंय आदमी केर बेटा के सर्वशक्तिमान परमेश्‍वर केर भतखाइया बटे बइठल आउर आकाश केर बदरीमन में आते देखबा।”

खास चेलामन केर काम 1:11

आउर उमन से कहलैं, “हे गलील परदेस केर आदमीमन, तोहरे काले ठड़ाय के आकाश बटे देखाथा? एहे यीशु, जेके परमेश्‍वर तोहर ठिना से स्वरग में उठाय लेलक, ठीक एहे लेखे दोबारा आवी, जे लेखे तोहरे उके स्वरग में जाते देखला।”

1 कुरिनथियनमन 15:18

बल्कि जेमन मसीह उपरे बिसवास काइर के मोइर हैं, उमन हों सोउब दिन लगिन परमेश्‍वर से अलग होई गेलैं।

1 कुरिनथियनमन 15:20

मगर सचमुच में परमेश्‍वर मसीह के मोरलमन में से जियाय हे, आउर जेमन मोइर जाय हैं उमन में मसीह पहिला आदमी हेके जे जी उइठ हे।

1 कुरिनथियनमन 15:23

मगर हरेक झन अपन-अपन पारी केर मोताबिक जी उठबैं, सोउब से पहिले मसीह जी उठलक, फिन जब मसीह घूइर आवी तब उ सोउब आदमीमन फिन से जी उठबैं, जेमन केर रिश्ता यीशु मसीह केर संगे गहरा अहे।

1थिस्सलुनीकियनमन 1:10

आउर उकर बेटा के स्वरग से दोबारा घूइर आवेक केर आसरा देखते रहबा जेके परमेश्‍वर मुरदा में से जियालक, मतलब यीशु के जे परमेश्‍वर केर आवेक वाला दंड से हमरे के बचायला।

1थिस्सलुनीकियनमन 3:11

हमरे प्रार्थना करिला कि हमर आबा परमेश्‍वर आउर हमर प्रभु यीशु मसीह तोहर ठिना आवेक लगिन हमरे केर अगुवाई करोक।

2 थिस्सलुनीकियनमन 1:7

आउर तोहरेमन जे दुःख पावाला, परमेश्‍वर तोहरे के चैन देवी आउर हमरे के हों देवी, इ सोउब तब होवी जब प्रभु यीशु अपन स्वरगदूतमन केर संगे, धधकते आइग केर माझे स्वरग से दिस्तार होवी।

2 थिस्सलुनीकियनमन 2:1

हे भाईमन, हमरे के अपन प्रभु यीशु मसीह केर घूइर आवेक आउर उ बेरा केर बारे में तोहर से कोनों कहेक अहे, जब हमरे एक संग उकर से मिलब।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

यहूदा 1:9

मगर हिंयाँ तक कि मुध स्वरगदूत मीकाईल हों एइसन नी करलक जइसन बिसवास केर देखावा करेक वालामन करैना। जेखन शैतान मीकाईल से इ गोइठ से विवाद करलक कि उमन में से केके मूसा केर लाश के दफनाएक केर अधिकार अहे, तो मीकाईल शैतान के बुरा-भला कइह के उकर उपरे दोष नी लगालक। उ सिरिफ एतना कहलक, “प्रभु तोके डाँटोक।”

प्रकाशितवाक्य 1:10

आराधना करेक केर दिन मोंय पवितर आत्मा से भाइर गेलों, आउर मोंय अपन पिछे तुरही नियर ऊँचा आवाज सुनलों।

प्रकाशितवाक्य 1:7

देखा, उ बदरीमन केर संगे आवेक वाला अहे, आउर हर एक आदमीमन उके देखबैं, बल्कि जेमन उके बरछा से बेइध रहैं, उमन हों उके देखबैं, आउर धरती केर सोउब आदमीमन बिलाप करबैं। हाँ, इ होवी। आमीन।

प्रकाशितवाक्य 14:13

फिन मोंय स्वरग से इ आवाज के इ कहते सुनलों, “लीख: धाइन हेकैं उ मुरदामन, जे अब से प्रभु में बिसवास करते मोरायना।” पवितर आत्मा कहेला, “हाँ, काले कि उमन अपन सोउब मेहनइत से आराम पाबैं, आउर उमन केर काम उमन केर संगे होई लेवेला।”

प्रकाशितवाक्य 8:13

जब मोंय फिन देखलों तो आकाश केर माझे में एगो उकाब चरई के उड़ते आउर जोर से इ कहते सुनलों, “उ तीन गो स्वरगदूतमन केर तुरही केर शबदमन केर खातिर जेमन केर फुँकेक एखन बचल अहे, धरती केर रहेक वालामन उपरे हाय! हाय! हाय!”

प्रकाशितवाक्य 8:2

तब मोंय उ सातों स्वरगदूतमन के देखलों, जे परमेश्‍वर केर सामने ठड़ाल रहैना, आउर उमन के सात गो तुरही देवल गेलक।