1थिस्सलुनीकियनमन 4:13 - सादरी नवाँ नियम

¹³ हे भाईमन, हमरे चाहिला कि तोहरेमन उ बिसवासीमन केर बारे में जेमन मोइर जाय हैं, जाइन लेवा कि उ मनक संगे का होवी, एइसन ना होवोक कि तोहरे के दोसरमन नियर शोक करेक पड़ी, जेमन के मोरल पाछे फिन से जियेक केर आसरा नखे।

1थिस्सलुनीकियनमन 4:13 Iomraidhean Croise

मत्ती 27:52

आउर कबरमन खुइल गेलक आउर ढेइर पवितर आदमीमन जेमन मोइर जाय रहैं जी उठलैं।

यूहन्ना 11:24

मारथा उकर से कहलक, “मोंय जानोना कि आखरी दिन जब सोउब मोरल आदमीमन जी उठबैं, तब मोर भाई हों फिन जी उठी।”

खास चेलामन केर काम 13:36

काले कि राजा दाऊद तो परमेश्‍वर केर इच्छा केर मोताबिक अपन समय में उकर सेवा पूरा काइर के मोइर गेलक आउर अपन बाप दादामन में मिल गेलक आउर उकर काया सइड़ हों गेलक। इकर से हमरे जानिला कि दाऊद इ भजन में अपन बारे में नी गोठियाथे।

खास चेलामन केर काम 7:60

फिन ठेहुना टेइक के जोर से कहलक, “हे प्रभु, उ मनक इ पाप के क्षमा काइर दे।” आउर इ कइह के मोइर गेलक।

खास चेलामन केर काम 8:2

थोरेक भक्त आदमीमन स्तिफनुस केर लाश के कबर में गाइड़ देलैं आउर उकर लगिन ढेइर दुःख मनालैं।

रोमानियनमन 1:13

आउर हे बिसवासी भाईमन, मोंय चाहोना तोहरेमन जाइन लेवा कि मोंय घरी-घरी तोहर ठिना आवेक चाहलों, ताकि जइसन मोंय परजाइत आदमीमन के चेला बनालो, तइसनेहें तोहरेमन में हों बनामूँ, मगर एखन तक रोकल गेलों।

1 कुरिनथियनमन 10:1

हे बिसवासी भाईमन, मोंय चाहोना तोहरेमन इ गोइठमन के याइद करा कि ढेइर समय पहिले हमर पुरखामन केर संगे बान माझे का होई रहे। परमेश्‍वर एगो बदरी के भेइज के उ सोउबमन केर अगुवाई करलक, जे उमन केर संगे आगे-आगे गेलक, आउर परमेश्‍वर उ सोउबमन के लाल समुदर केर पानी माझे चलुवाय के आउर बचाय लानलक जइसन कि सुखल भूंई में चलैना।

1 कुरिनथियनमन 12:1

हे बिसवासी भाईमन, मोंय तोहरे केर पुछल सवाल केर जबाब देवाथों जे पवितर आत्मा केर बरदानमन केर बारे में अहे, मोंय तोहरे से चाहोना कि इकर बारे में ठीक से समझा।

1 कुरिनथियनमन 15:6

फिन पाँच सौ से बगरा बिसवासी भाईमन एके संगे देखलैं, जेमन में से ढेइरमन एखन तक मौजूद अहैं मगर केतना झन मोइर गेलैं।

2 कुरिनथियनमन 1:8

हे बिसवासी भाईमन, मोंय चाहोना कि तोहरेमन उ दुःखमन के जाना, जे आसिया परदेस में हमरे केर उपरे होई रहे, हमरे एइसन भरी बोझ से दइब जाय रही जे हमरे केर सहेक शक्ति से बाहरे रहे, हिंयाँ तक हमरे सोइच रही कि अब हमरे नी जियब,

इफिसियनमन 2:12

तोहरेमन उ बेरा मसीह के नी जानत रहा आउर इसराइली, मतलब परमेश्‍वर केर चुनल आदमीमन केर रूप में उमन में शामिल नी रहा। आउर तोहरे उ बेस चीजमन के पावेक केर हों भागीदार नी रहा, जेके परमेश्‍वर इसराइलीमन के देवेक केर करार काइर रहे। तोहरे के इ दुनिया में कोनों आसरा नी रहे आउर तोहरे बेगर ईश्‍वर केर रहत रहा।

इफिसियनमन 2:3

हमरे हों ओहेमन नियर ब्यवहार करत रही आउर हमर पापी स्वभाव केर इच्छामन के पूरा करत रही, आउर बाकी सोउब आदमीमन नियर बुरा रही आउर परमेश्‍वर केर दंड के पावेक लायक रही।

1थिस्सलुनीकियनमन 4:14

अगर हमरे बिसवास करिला कि यीशु मोरलक, आउर जी हों उठलक, तो तइसनेहें परमेश्‍वर उमन के हों, जेमन यीशु में बिसवास काइर के मोइर जाय हैं, यीशु केर संगे वापस लानी।

1थिस्सलुनीकियनमन 4:15

काले कि हमरे प्रभु यीशु केर बचन केर मोताबिक तोहरेमन से इ कहिला कि जेमन बिसवास में मोइर जाय हैं, उमन पहिले प्रभु से मिलेक पारबैं। उकर पाछे हमरेमन जे जिंदा अही आउर प्रभु यीशु केर आवेक तक बचल रहब, तो प्रभु केर संगे भेंट करेक पारब।

1थिस्सलुनीकियनमन 5:10

प्रभु यीशु मसीह हमर लगिन इ खातिर मोरलक कि हमरे चाहे जिंदा रहब, चाहे मोइर जाब, जखन उ घूइर आवी हमरे सोउब दिन लगिन उकर संगे रहेक पारब।

1थिस्सलुनीकियनमन 5:6

इ लगिन हमरे के दोसरमन नियर निंदाते नी रहेक चाही मगर जागते आउर सावधान रहेक चाही।

2 पतरस 3:4

आउर मजाक उड़ाते कहबैं, “का होलक प्रभु यीशु केर फिन से घूइर आवेक केर करार? उकर करार सच नखे, उ नी आवी। हमर पुरखामन तो मोइर गेलैं मगर सोउब कुछ तइसनेहें अहे जइसन दुनिया केर सिरजन केर शुरु में रहे।”

2 पतरस 3:8

हे दुलार बिसवासी भाई-बहिनमन, इ गोइठ के जरूर याइद रखा कि प्रभु केर नजइर में एक दिन हजार साल केर नियर अहे आउर हजार साल एक दिन केर नियर अहे, उकर देखेक में दुइयो बराबइर अहे।