1थिस्सलुनीकियनमन 4:11 - सादरी नवाँ नियम

¹¹ आउर जइसन हमरे तोहरेमन के आगया देई ही, तइसनेहें शांति से रहा आउर दोसरमन केर काम में दखल ना देवा आउर अपन-अपन हाँथ से कमाएक केर कोशिश करा।

1थिस्सलुनीकियनमन 4:11 Iomraidhean Croise

मरकुस 13:34

मोर धरती के छोड़ेक आउर घूइर आवेक केर तरीका इ लेखे अहे, जइसन एगो आदमी जे परदेस जाएक बेरा अपन घर के छोइड़ जायला, आउर जाएक से आगे अपन धांगरमन के काम बतायला आउर घर केर पहरादार के उकर घूइर आवेक तक जागते रहेक केर आगया देवेला।

खास चेलामन केर काम 18:3

पौलुस आउर अक्विला दुयो केर काम एक हें रहे, तंबू बनाएक केर काम। से लगिन पौलुस उमन केर संगे रइह के काम करेक लगलक।

खास चेलामन केर काम 20:35

मोंय तोहरे के सोउब कुछ काइर के देखालों कि का लेखे मेहनइत काइर के कमजोर आदमीमन के संभराएक चाही। तोहरे के प्रभु यीशु केर गोइठमन के याइद रखेक जरुरी अहे, उ खुद कइह हे, ‘लेवेक से देवेक धाइन अहे।’ ”

रोमानियनमन 12:11

खूब मेहनइत करा आउर कोढ़िया ना होवा, अपन मन में जोश से भरल रहा, प्रभु केर सेवा मन लगाय के करा।

रोमानियनमन 15:20

मगर मोर मन केर जोश इ अहे कि शुभ समाचार केर परचार ओहे ठाँवमन में होवोक, जहाँ मसीह यीशु केर बारे में आदमीमन एखन तक नी सुइन हैं, ताकि मोंय परमेश्‍वर केर काम के उ ठाँवमन में नी करमूँ जहाँ केऊ दोसर आदमी पहिलेहें शुरु काइर हे, जइसन कि एगो आदमी दोसर आदमी केर कोड़ल नेव में घर नी बनायला।

1 कुरिनथियनमन 4:12

हमरे अपनेहें हाँथमन से काम काइर के मेहनइत करिला। आदमीमन हमरे के बुरा कहैना मगर हमरे उमन के आशीष देवीला, उमन हमरे के सतायना मगर हमरे सहिला।

2 कुरिनथियनमन 5:9

इ लगिन हमर मन केर इ खुशी अहे कि चाहे हमरे उकर संगे स्वरग में रहब, चाहे हिंयाँ धरती में रहब, मगर उके खुश करते रहब।

इफिसियनमन 4:28

चोरी करेक वाला फिन चोरी ना करोक, बल्कि उके अपन हाँथ से ईमानदारी से काम करेक चाही, ताकि गरीबमन के देवेक ले उकर ठिना भरपूर चीजमन रहोक।

1 तीमुथियुस 2:2

राजामन लगिन आउर उ सोउब आदमीमन केर लगिन प्रार्थना करा जेमन सरकारी अधिकारी हेकैं, ताकि उमन हमरे के शांति आउर चैन से रहेक में सहायता करोक, आउर हमरे परमेश्‍वर केर आराधना करेक पारब आउर दोसरमन से उचित ब्यवहार करब।

1 तीमुथियुस 5:13

आउर इकर अलावा उमन घर-घर घुइम के कोढ़िया सीख जायना, आउर कोढ़िया भइर निहीं, मगर बकर-बकर काइर के दोसर मनक चुगली करैना आउर उ मनक काम के बिगड़ायना। उमन एइसन गोइठ के गोठियायना जेके नी गोठियाएक चाही।

तीतुस 3:14

तोंय सिरिफ बिसवासीमन केर धेयान के अपन बटे करेक लगिन ना सिखाव, मगर उमन के भला काम करेक लगिन कड़ा मेहनइत करेक हों सिखाव। ताकि जे आदमीमन केर जरुरत अहे उमन केर जरुरत के पूरा करल जाओक, इ चीज बिसवासीमन के एगो मकसद केर साथ जियेक में मदइत करी।

1 पतरस 3:4

तोहरे के खुद के एइसन गुणमन से सुंदर बनाएक चाही जे नी मेटेला, इ एगो नरम स्वभाव आउर शांत स्वभाव हेके, जे कि इ परमेश्‍वर लगिन ढेइर किमती अहे।

1 पतरस 4:15

तोहर में से केऊ आदमी हत्यारा चाहे चोर, चाहे बुरा काम करेक से चाहे दोसर मनक काम के रोकेक केर चलते दुःख ना पाओक।