1थिस्सलुनीकियनमन 4:1 - सादरी नवाँ नियम

¹ हे भाईमन, हमरे प्रभु यीशु केर नाँव में तोहर से बिनती करिला कि तोहरेमन इ नियर जिंदगी बितावा जे परमेश्‍वर के खुश करेला, जइसन हमरे तोहरे के सिखाय ही। तोहरे पहिले से हें इ नियर जिंदगी बिताथा, आउर हमरे तोहरे के एइसन करेक लगिन आउर हें बगरा उसकाइला।

1थिस्सलुनीकियनमन 4:1 Iomraidhean Croise

यूहन्ना 15:2

जे लरंग मोर में जुड़ल अहे, आउर उ नी फारेला, तो उके मोर आबा परमेश्‍वर काइट देवेला, आउर जे लरंग फारेला, उके आबा परमेश्‍वर छाँटेला ताकि उ लरंग ढेइर फारोक।

खास चेलामन केर काम 20:27

काले कि मोंय तोहरे के उ सोउब कुछ के बतालों, जेके परमेश्‍वर तोहरे के जनुवाएक चाहेला। मोंय कोनों के नी लुकालों।

रोमानियनमन 8:8

आउर जेमन पापी स्वभाव केर कब्जा में अहैं, उमन परमेश्‍वर के खुश करेक नी पारबैं।

1 कुरिनथियनमन 11:23

जे शिक्षा मोंय तोहरे के देलों, इ ओहे शिक्षा हेके जेके मोंय प्रभु से पाय रहों, जे राइत प्रभु यीशु धरुवाल गेलक, उ रोटी लेलक,

1 कुरिनथियनमन 15:1

हे बिसवासी भाईमन, मोंय तोहरेमन के ओहे शुभ समाचार के याइद करवावना जेके पहिले सुनाय चुइक हों, जेके तोहरेमन बिसवास हों काइर रहा आउर जेकर में तोहरेमन एखन तक स्थिर हों बनल अहा।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

2 कुरिनथियनमन 10:1

थोरेक आदमीमन कहैना कि जब मोंय तोहर संगे रहोना तो नरम रहोना, मगर जब तोहर से दूर रहोना तो साहस करोना, से लगिन मोंय पौलुस तोहरे से अरजी करोना कि यीशु मसीह केर धीरज आउर नरम जिंदगी केर चलते मोंय उकर नमूना केर पालन करोना।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

2 कुरिनथियनमन 5:9

इ लगिन हमर मन केर इ खुशी अहे कि चाहे हमरे उकर संगे स्वरग में रहब, चाहे हिंयाँ धरती में रहब, मगर उके खुश करते रहब।

2 कुरिनथियनमन 6:1

आउर हमरे जे परमेश्‍वर संगे काम करेक वाला हेकी, तोहरे से अरजी करिला कि उकर किरपा जे तोहर उपरे होई हे, उके बेकार ना जाएक देवा।

गलातियनमन 6:1

हे बिसवासी भाईमन, अगर केऊ आदमी कोनों पाप में धराय हों जाई, तो तोहरेमन जे पवितर आत्मा केर अगुवाई में चलाला, नरम भाव से उके धरम केर डहर में चलेक लगिन मदइत करा। आउर सावधान रहबा ताकि तोहरे खुद पाप करेक लगिन भटकाय देवल ना जबा।

इफिसियनमन 4:1

मोंय प्रभु यीशु केर सेवा करोना से लगिन जेहेल में अहों। मोंय तोहरेमन से बिनती करोना कि परमेश्‍वर तोहरेमन के जइसन जिंदगी बिताएक ले बोलाय हे तइसनेहें जिंदगी बितावा।

इफिसियनमन 4:20

मगर तोहरेमन मसीह केर एइसन शिक्षा नी पाय हा जब तोहरे मसीह केर बारे में सिखला।

इफिसियनमन 5:17

इ जानेक केर कोशिश करा कि प्रभु तोहर से का करुवाएक चाहेला आउर बुद्धिमान बना।

फिलिप्पियनमन 1:27

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

फिलिप्पियनमन 1:9

आउर मोंय इ प्रार्थना करोना कि एक दोसर लगिन तोहर प्रेम, गेयान आउर सोउब रकम केर भितरी समझ सहित बढ़ते हें जाओक।

फिलिप्पियनमन 3:14

मोंय निशाना बटे कूदते जाथों, ताकि उ इनाम के पामूँ, जेके देवेक लगिन परमेश्‍वर मोके स्वरग बोलाय हे आउर जेकर लगिन मसीह यीशु अपन जान के देई हे।

कुलुसियनमन 1:10

आउर तोहरे एइसन जिंदगी जियेक पारबा जइसन प्रभु चाहेला, आउर तोहर चाइल-चलन प्रभु केर आदमीमन केर चाइल-चलन नियर होवोक ताकि तोहरेमन सोउब रकम से प्रभु के खुश करबा, आउर तोहरे लगातार सोउब रकम केर अच्छा काम करते रहबा। आउर परमेश्‍वर के जानेक में लगातार बढ़ते जबा।

कुलुसियनमन 2:6

इ लगिन जइसन तोहरेमन मसीह यीशु के प्रभु माइन के ग्रहण काइर लेई हा, तइसनेहें लगातार उकर पिछे चलते रहा।

1थिस्सलुनीकियनमन 3:12

हमरे एहो प्रार्थना करिला कि प्रभु यीशु एक दोसर से प्रेम करेक में तोहर मदइत करोक, आउर तोहर प्रेम बढ़ते जाओक जइसन हमर प्रेम हों तोहर लगिन पहिले से अहे।

1थिस्सलुनीकियनमन 4:2

काले कि तोहरेमन जानाला कि जे आगया हमरे तोहरे के देई ही, उ प्रभु यीशु बटले आय हे।

1थिस्सलुनीकियनमन 5:12

आउर हे भाईमन, हमरे तोहर से बिनती करिला कि जेमन तोहर में मेहनइत करैना, आउर प्रभु में तोहर अगुवा हेकैं, आउर तोहरेमन के शिक्षा देवैना, उमन केर इज्जत करा।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

2 थिस्सलुनीकियनमन 2:1

हे भाईमन, हमरे के अपन प्रभु यीशु मसीह केर घूइर आवेक आउर उ बेरा केर बारे में तोहर से कोनों कहेक अहे, जब हमरे एक संग उकर से मिलब।

2 थिस्सलुनीकियनमन 3:1

हे भाईमन, आखरी गोइठ इ हेके कि हमर लगिन प्रार्थना करते रहा ताकि हमरे जल्दी हें सोउब ठाँव में प्रभु यीशु मसीह केर संदेश के फैलाएक पारब, आउर आदमीमन इकर उपरे ओइसनेहें बिसवास करोक जइसन तोहरे काइर रहा।

2 थिस्सलुनीकियनमन 3:13

आउर तोहरे हे भाईमन, भलाई करेक में हिम्मत ना हारा।

1 तीमुथियुस 5:21

परमेश्‍वर आउर यीशु मसीह आउर चुनल स्वरगदूतमन के हाजिर जाइन के मोंय तोके आगया देवोना कि तोंय इ गोइठमन के बढ़ियाँ से मान, आउर कोनों काम के भेद भाव से ना कर।

2 तीमुथियुस 4:1

जब यीशु मसीह एगो राजा नियर राइज करेक लगिन आवी, तब उ जेमन जिंदा अहैं आउर जेमन मोइर जाय हैं, सोउब आदमीमन केर न्याय करी। से लगिन मोंय आबा परमेश्‍वर आउर मसीह यीशु के गवाह माइन के तोर से बिनती करोना

इब्रानीमन 11:6

सिरिफ बिसवास काइर के हें परमेश्‍वर के खुश करल जायला, काले कि परमेश्‍वर ठिना आवेक वालामन के बिसवास करेक चाही कि उ अहे, आउर जेमन उके सच्चाई से खोजैना उमन के उ इनाम देवेला।

इब्रानीमन 13:16

मगर भलाई करेक आउर जे कोनों तोहर ठिना अहे, उके उमन के देवेक लगिन पिछे ना रहबा, जेमन के जरुरत अहे, एक दूसरा केर मदइत करेक ना भुलाबा, काले कि परमेश्‍वर एइसन बलिदानमन से खुश होवेला।

इब्रानीमन 13:22

हे बिसवासी भाईमन, मोंय तोहरे से बिनती करोना कि इ संदेश के धीरज से सुना, जेके मोंय तोहरे के उसकाएक लगिन लीख हों।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

1 यूहन्ना 3:22

आउर जे कुछ हमरेमन परमेश्‍वर से माँगिला उ हमरे के देवेला, काले कि हमरेमन उकर आगयामन के मानिला आउर जे उके बेस लगेला ओहे करिला।