1थिस्सलुनीकियनमन 3:5 - सादरी नवाँ नियम

⁵ इ लगिन जब मोर से तोहरेमन केर बिसवास केर हाल जानल बिना रहल नी गेलक, तो मोंय तोहरे केर बिसवास केर हाल जानेक लगिन तीमुथियुस के भेजलों, काले कि मोंय डरात रहों कहीं एइसन ना होवोक कि परीक्षा करेक वाला शैतान तोहरे के फँसाय तो नी लेई हे, आउर हमर मेहनइत बेकार तो नी होई गेलक।

1थिस्सलुनीकियनमन 3:5 Iomraidhean Croise

मत्ती 4:3

तब शैतान भीरे आय के उकर से कहलक, “अगर तोंय परमेश्‍वर केर बेटा हेकिस, तो इ पखना के कइह दे कि रोटी बाइन जाओक ताकि तोंय उके खाएक पारबे।”

खास चेलामन केर काम 15:36

थोरेक दिन केर पाछे पौलुस बरनाबास से कहलक, “जे-जे नगरमन में हमरे प्रभु केर बचन सुनाय रही। आव, हूवाँ जाय के देखब कि अपन बिसवासी भाईमन कइसन अहैं।”

1 कुरिनथियनमन 7:5

तोहरेमन एक दोसर से अलग ना रहा, मगर सिरिफ थोरेक समय ले प्रार्थना करेक लगिन एक दोसर केर मरजी से अलग रहबा, इकर पाछे फिन एके संगे रहबा जइसन पति आउर पत्नी के रहेक चाही, ताकि शैतान तोहरे के ब्यभिचार में गिराएक लगिन परीक्षा ना करोक, निहीं तो तोहरेमन खुद के काबू करेक नी पारबा।

2 कुरिनथियनमन 2:11

शैतान के हमरे से कोनों फायदा उठाएक ना देवा, काले कि हमरे जानिला कि उ हमेशा हमरे के पाप में गिराएक लगिन लगल रहेला।

2 कुरिनथियनमन 6:1

आउर हमरे जे परमेश्‍वर संगे काम करेक वाला हेकी, तोहरे से अरजी करिला कि उकर किरपा जे तोहर उपरे होई हे, उके बेकार ना जाएक देवा।

गलातियनमन 2:2

मोंय हूवाँ इ लगिन गेलों काले कि परमेश्‍वर मोके जाएक कइह रहे। जब मोंय हूवाँ गेलों, तो हूवाँ केर बढ़ियाँ समझल जाएक वाला अगुवामन से अलगे मिललों आउर उ शुभ समाचार केर बारे में बतालों, जेके मोंय परजाइत आदमीमन केर माझे परचार काइर रहों। ताकि जे मोंय बितल समय में काइर हों, चाहे जे मोंय आवेक वाला समय में करमूँ उ बेकार ना होवोक।

गलातियनमन 4:11

मोंय तोहरे केर बारे में चिंता करोना कि तोहरे लगिन जे मेहनइत मोंय काइर हों, उ कहीं बेकार ना होई जाओक।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

फिलिप्पियनमन 2:19

मोके प्रभु यीशु में आसरा अहे कि मोंय तीमुथियुस के तोहर ठिना तुरते भेजमूँ, होले तोहर दशा सुइन के मोंय खुश होमूँ।

1थिस्सलुनीकियनमन 2:1

हे भाईमन, तोहरेमन खुद हें जानाला कि हमरे केर तोहर ठिना आवेक बेकार नी होलक।

1थिस्सलुनीकियनमन 3:6

मगर एखन तीमुथियुस जे तोहर ठिना से हमर हिंयाँ आय हे, तोहरे केर बिसवास आउर प्रेम केर बारे में शुभ समाचार सुनालक। आउर इ गोइठ के हों सुनालक कि तोहरेमन सोउब बेरा प्रेम केर संगे हमरे के याइद कराला, आउर हमरे के देखेक केर इच्छा रखाला, जइसन हमरे हों तोहरेमन के देखेक चाहिला।