1थिस्सलुनीकियनमन 3:3 - सादरी नवाँ नियम

³ ताकि केऊ इ दुःखमन केर चलते बिसवास के छोइड़ ना देवोक, काले कि तोहरेमन खुद जानाला कि हमरे के दुःख उठाएक पड़ी।

1थिस्सलुनीकियनमन 3:3 Iomraidhean Croise

लूका 21:12

मगर इ सोउब गोइठमन से आगे तोहरेमन मोर चेला हेका, से लगिन उमन तोहरेमन के धारबैं आउर सताबैं, आउर यहूदी मनक प्रार्थना घर में जिम्मा देबैं, आउर जेहेल घर में सजुवाबैं, आउर तोहरेमन के राजामन आउर अधिकारी मनक आगे ठड़ुवाल जाएक ले मजबूर करबैं।

यूहन्ना 16:2

उमन तोहरेमन के यहूदी मनक प्रार्थना घरमन में से निकलाय देबैं, हिंयाँ तक कि उ समय आवाथे, जब तोहरेमन के मोराएक वालामन इ बुझबैं कि उमन परमेश्‍वर केर सेवा कराथैं।

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

खास चेलामन केर काम 14:22

उमन हरेक नगर में चेलामन के मजबूत आउर बिसवास में स्थिर रहेक लगिन इ उपदेस देवत रहैं कि हमरे के ढेइर दुःख साइह के स्वरग राइज में जाएक होवी।

खास चेलामन केर काम 2:25

काले कि राजा दाऊद यीशु केर बारे में कहेला, ‘मोंय प्रभु के सोउब बेरा अपन सामने देखोना काले कि उ मोर भतखाइया बटे अहे, जेकर से मोंय उ आदमीमन से नी डरावना जेमन मोके नोकसान पोंहचाएक खोजैना।

खास चेलामन केर काम 21:11

उ हमर ठिना आय के पौलुस केर कसना के लेलक आउर उकर से अपन हाँथ-गोड़ के बाइंध के कहलक, “पवितर आत्मा इ कहेला, ‘जे आदमी केर इ कसना हेके, उके यरुशलेम शहर में यहूदी आदमीमन एहे लेखे बाँधबैं आउर उके दोसर जाइतमन केर हाँथ में जिम्मा देबैं।’ ”

खास चेलामन केर काम 21:13

मगर पौलुस उमन के जबाब देलक, “तोहरे इ का कहाथा? तोहरे काइंद-काइंद के मोके काले दुःख देवाथा? मोंय तो प्रभु यीशु केर नाँव लगिन यरुशलेम शहर में ना सिरिफ बाँधल जाएक लगिन मगर मोरेक लगिन हों तेयार अहों।”

खास चेलामन केर काम 9:16

आउर मोंय उके बतामूँ कि आदमीमन के मोर बारे में बताएक केर चलते उके कइसन-कइसन दुःख उठाएक होवी।”

रोमानियनमन 5:3

सिरिफ एहे निहीं बल्कि हमरे दुःख में हों आनंद करब, एहे जाइन के कि दुःख से धीरज मिलेला,

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

1 कुरिनथियनमन 4:9

मोके एइसन लगेला कि परमेश्‍वर हमरे चुनल खास चेलामन के माउत केर सजा पावल आदमीमन नियर सोउब केर पिछे खड़ा काइर हे, काले कि हमरे दुनिया आउर स्वरगदूतमन आउर आदमीमन लगिन एगो तमाशा बाइन जाय ही।

इफिसियनमन 3:13

इ लगिन मोंय बिनती करोना कि तोहर लगिन जे दुःख मोंय सहाथों उकर चलते निराश ना होबा, काले कि इकर से तोहरे केर फायदा होवी।

फिलिप्पियनमन 1:28

आउर कोनों गोइठ में बिरोधीमन से नी डराला। तोहरे केर साहस उमन लगिन नाश होवेक केर चिन्हा हेके, मगर तोहर लगिन इ परमेश्‍वर बटे से छुटकारा केर चिन्हा हेके।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

1थिस्सलुनीकियनमन 5:9

परमेश्‍वर हमरे के इ लगिन नी चुइन हे कि अपन खीस में हमरे के दंड देवी, मगर हमरे अपन प्रभु यीशु मसीह बटले छुटकारा पावेक लगिन चुनल जाय ही।

2 थिस्सलुनीकियनमन 1:4

इ लगिन हमरे परमेश्‍वर केर कलीसिया केर बिसवासीमन में तोहर बारे में घमंड करिला, हलांकि तोहरेमन कष्टमन आउर सतावमन से होई के गुजराथा, फिन भी तोहरे धीरज से सहते रहाला आउर यीशु मसीह में बिसवास कराला।

2 तीमुथियुस 1:8

इ लगिन दोसरमन के हमर यीशु मसीह केर बारे में बताएक से ना लजाबे, आउर ना हें तोके इ गोइठ से लजाएक चाही कि मोंय उकर सेवा करेक केर चलते जेहेल में अहों। बल्कि तोके उ शक्ति केर इस्तेमाल करेक चाही जे शक्ति के परमेश्‍वर तोके देवेला, आउर शुभ समाचार सुनाएक केर खातिर मोंय जे दुःख सहाथों उकर में तोंय मोर साथ दे।

1 पतरस 2:21

आउर तोहरेमन परमेश्‍वर बटले एहे लगिन चुनल जाय हा कि तोहरे भला काइर के हों उकर ले दुःख सहबा। मसीह हों तोहर लगिन दुःख उठाय के तोहरेमन के एगो नमूना देई के जाय हे, उ जे कोनों काइर हे तोहरे हों तइसनेहें करा।

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।