1थिस्सलुनीकियनमन 3:11 - सादरी नवाँ नियम

¹¹ हमरे प्रार्थना करिला कि हमर आबा परमेश्‍वर आउर हमर प्रभु यीशु मसीह तोहर ठिना आवेक लगिन हमरे केर अगुवाई करोक।

1थिस्सलुनीकियनमन 3:11 Iomraidhean Croise

मत्ती 6:14

अगर तोहरेमन आदमीमन केर पाप के क्षमा करबा तो परमेश्‍वर तोहरे केर आबा जे स्वरग में रहेला तोहरे केर पाप के हों क्षमा करी।

मत्ती 6:18

होले आदमीमन तोहर उपास के ना जानोक मगर परमेश्‍वर तोहर आबा जे नी दिसेला उके देखोक, इ लेखे तोहर आबा जे लूइक के उपास करेक के देखेला, तोहरेमन के इनाम देवी।

मत्ती 6:26

आकाश केर चरईमन के देखा, उमन ना तो बुनैना, ना काटैना आउर ना रसवा में ठुरायना, सेकरो में परमेश्‍वर तोहर स्वरगीय आबा उमन के खियायला। तोहरेमन तो जरूर हें उ चरईमन से हों बगरा किमती अहा।

मत्ती 6:32

इ सोउब चीजमन केर खोजार तो उमन करैना, जेमन परमेश्‍वर के नी जानैना। लेकिन तोहरेमन के इ सोउब चीजमन चाही, सेके तोहर स्वरगीय आबा परमेश्‍वर जानेला।

मत्ती 6:4

होले तोर दान देवेक केर काम लुकल रही तब तोर आबा जे लूइक के दान देवेक के हों देखेला, तोहरेमन के इनाम देवी।

मत्ती 6:6

मगर जब तोहरेमन प्रार्थना करबा तो कोठरी में जबा आउर दुरा ढाँइप के परमेश्‍वर तोहर आबा से जे नी दिसेला प्रार्थना करबा, तब तोहर परमेश्‍वर आबा जे लूइक के प्रार्थना करेक के देखेला तोहरेमन के इनाम देवी।

लूका 12:30

काले कि जेमन परमेश्‍वर के नी जानैना, उमन इ सोउब चीजमन केर खोजार में रहैना। मगर तोहरेमन के इ सोउब चीजमन के चाही, सेके तोहर परमेश्‍वर आबा जानेला।

लूका 12:32

तोहरेमन भेड़ीमन केर एगो छोटका झूँड़ नियर अहा, से लगिन कोनोवें गोइठ से ना डरावा। काले कि तोहर आबा परमेश्‍वर केर इच्छा अहे कि उ तोहरेमन के राइज देवी।

यूहन्ना 20:17

यीशु उकर से कहलक, “मोके धाइर के ना रोक काले कि मोंय एखन तक आबा परमेश्‍वर ठिना स्वरग नी जाय हों। मगर तोंय मोर चेलामन ठिना जा, आउर उमन से इ कहबे कि मोंय अपन आबा, आउर तोहर आबा, आउर अपन परमेश्‍वर आउर तोहर परमेश्‍वर ठिना स्वरग जाथों।”

रोमानियनमन 1:3

इ शुभ समाचार उकर बेटा हमर प्रभु यीशु मसीह केर बारे में अहे, जे काया केर हिसाब से तो दाऊद केर बंश से जनमलक।

2 कुरिनथियनमन 6:18

आउर मोंय तोहर आबा नियर होमूँ, आउर तोहरेमन मोर बेटा आउर बेटीमन नियर होबा, इ सर्वशक्तिमान प्रभु परमेश्‍वर केर बचन हेके।”

गलातियनमन 1:4

हमर आबा परमेश्‍वर केर इच्छा केर मोताबिक मसीह यीशु खुद के हमरे केर पापमन केर क्षमा लगिन बलिदान काइर देलक। ताकि हमरे इ दुनिया केर आदमीमन केर बुरा असर से बचल रहब।

कुलुसियनमन 1:2

मोंय इ चिट्ठी मसीह केर पवितर आदमीमन के आउर बिसवास लायक भाईमन के लिखाथों, जेमन कुलुस्से शहर में रहैना। हमर आबा परमेश्‍वर बटले तोहरेमन के किरपा आउर शांति मिलते रहोक।

1थिस्सलुनीकियनमन 3:13

ताकि परमेश्‍वर तोहर मन के एइसन मजबूत करोक कि जब हमर प्रभु यीशु अपन पवितर आदमीमन केर संगे घूइर आवी, तो उमन हमर परमेश्‍वर आउर आबा केर सामने पवितर आउर निरदोष ठहरोक।

1थिस्सलुनीकियनमन 4:16

काले कि प्रभु यीशु खुद हें स्वरग से उतरी उ समय आदमीमन यीशु के ऊँचा आवाज से आदेश देते सुनबैं, आउर प्रधान दूत जोर से बोली, आउर परमेश्‍वर केर तुरही फूँकल जाई, आउर जेमन मसीह में बिसवास काइर के मोइर हैं, उमन पहिले जी उठबैं।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

2 थिस्सलुनीकियनमन 2:16

हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे।

2 थिस्सलुनीकियनमन 3:16

मोंय प्रार्थना करोना कि प्रभु, जे शांति केर सोता हेके सोउब नियर से तोहरे के लगातार शांति देते रहोक आउर तोहरे सोउबमन केर संग सोउब बेरा रहोक।

2 थिस्सलुनीकियनमन 3:5

हमरे प्रार्थना करिला, प्रभु यीशु तोहरे के समझेक लायक बनाओक कि परमेश्‍वर तोहरे के कतइ प्रेम करेला, आउर सताव केर बेरा ओइसनेहें सहबा जइसन यीशु मसीह सहलक।

1 यूहन्ना 3:1

सोचा तो आबा परमेश्‍वर हमरेमन से कइसन प्रेम काइर हे। हमरेमन परमेश्‍वर केर संतान कहाइला आउर हकीकत में हमरेमन हेकी। मगर जेमन इ दुनिया केर हेकैं उमन नी जानैना कि हमरेमन परमेश्‍वर केर संतान हेकी, काले कि उमन परमेश्‍वर के हों नी जानैना।

प्रकाशितवाक्य 21:3

फिन मोंय सिंहासन में से केखो ऊँचा आवाज से इ कहते सुनलों, “देख, परमेश्‍वर केर डेरा आदमीमन केर माझे में अहे। उ, उमन केर संगे डेरा करी, आउर उमन उकर आदमी होबैं, आउर परमेश्‍वर खुद उमन केर संगे रही आउर उमन केर परमेश्‍वर होवी।