1थिस्सलुनीकियनमन 2:6 - सादरी नवाँ नियम

⁶ हमरे आदमीमन से आदर पावेक नी चाहत रही, आउर ना तोहरे से आउर ना ही केऊ दोसर से। जबकि मसीह केर खास चेला होवेक केर नाते तोहरे से मदइत पावेक केर हमरे के अधिकार रहे।

1थिस्सलुनीकियनमन 2:6 Iomraidhean Croise

यूहन्ना 12:43

काले कि उमन के परमेश्‍वर केर बड़ाई से बगरा आदमीमन केर बड़ाई बेस लगत रहे।

यूहन्ना 5:41

मोंय आदमीमन से माइन पावेक केर आसरा नी करोना।

यूहन्ना 5:44

तोहरेमन मोर उपरे बिसवास नी करबा काले कि तोहरेमन एक दोसर से माइन चाहाला। आउर तोहरेमन उ माइन के पावेक केर कोशिश नी कराला जे सिरिफ आबा परमेश्‍वर बटे से मिलेला।

यूहन्ना 7:18

जे अपन बटे से कहेला, उ अपन लगिन बड़ाई चाहेला, मगर जे अपन भेजेक वाला केर बड़ाई चाहेला, ओहे सच्चा हेके, आउर उकर में कोनों झूठ नखे।

1 कुरिनथियनमन 11:9

आउर परमेश्‍वर पहिला मरदाना के, जनाना केर मदइत करेक लगिन नी सिरजालक, बल्कि जनाना के मरदाना केर मदइत करेक लगिन सिरजाय हे।

2 कुरिनथियनमन 13:10

इ लगिन जब मोंय तोहर ठिना आवेक से पहिले इ गोइठमन के तोहरे के लिखाथों, तो मोके उ अधिकार केर मोताबिक जेके प्रभु देई हे, कड़ाई से कोनों करेक ना पड़ोक। काले कि मोके इ अधिकार तोहरे के बिगड़ाएक लगिन निहीं, मगर बनाएक लगिन देई हे।

2 कुरिनथियनमन 4:5

काले कि हमरे खुद के निहीं, मगर यीशु मसीह के परचार करिला कि यीशु मसीह प्रभु हेके, आउर अपन बारे में इ कहिला कि हमरे यीशु केर चलते तोहर सेवक हेकी।

गलातियनमन 1:10

इ गोइठ पक्का अहे कि मोंय आदमीमन के खुश करेक निहीं मगर परमेश्‍वर के खुश करेक चाहोना। अगर मोंय अब तक आदमीमन के हें खुश करते रहतो, तो मसीह केर सेवक नी बनतो।

गलातियनमन 5:26

हमरे के घमंड नी करेक चाही, हमरे के एक दोसर से परेशान नी होवेक चाही आउर एक दोसर से हिसिंगा नी करेक चाही।

गलातियनमन 6:13

काले कि खतना करुवाल यहूदीमन खुद तो मूसा केर सोउब नियम के नी मानैना, मगर तोहरे केर खतना करुवाएक इ लगिन चाहैना, ताकि उमन दोसर यहूदीमन ठिना घमंड से इ बताएक पारबैं कि तोहरे केर खतना उमन केर चलते होई हे।

1थिस्सलुनीकियनमन 2:9

हे भाईमन, तोहरेमन हमर मेहनइत आउर दुःख के याइद कराला, कि हमरे इ लगिन राइत दिन काम धंधा करते तोहरेमन में परमेश्‍वर केर शुभ समाचार परचार करली, ताकि तोहर में से केकरो उपरे भार ना होवोक।

1 तीमुथियुस 5:17

जे कलीसिया केर अगुवामन अपन काम के ठीक से करैना, उमन के उचित आदर आउर भरपूर तनखा पावेक केर लायक समझेक चाही, खास काइर के उमन के जेमन परमेश्‍वर केर बचन के परचार करेक आउर सिखाएक में कठिन मेहनइत करैना।