1थिस्सलुनीकियनमन 2:2 - सादरी नवाँ नियम

² मगर तोहरेमन जानाला कि हमरे पहिले फिलिप्पी शहर में दु:ख उठाली आउर हुड़दंग सहली, आउर परमेश्‍वर हमरे के एइसन साहस देलक कि हमरे परमेश्‍वर केर शुभ समाचार के हिंयाँ थिस्सलुनीके शहर में हों भारी बिरोधमन केर होते हुए हों तोहरेमन के सुनाली।

1थिस्सलुनीकियनमन 2:2 Iomraidhean Croise

खास चेलामन केर काम 14:3

पौलुस आउर बरनाबास ढेइर दिन तक हूवाँ रहलैं आउर प्रभु केर उपरे भरसा काइर के बेगर डराले साहस से बचन केर परचार करते रहलैं। आउर प्रभु हों उमन बटले करल चिन्हा आउर चमत्कार केर काम से साबित करलक कि अपन किरपा केर संदेश सच हेके।

खास चेलामन केर काम 14:5

परजाइत आदमीमन आउर यहूदी आदमीमन अपन अगुवामन से मिल के खास चेलामन केर संगे बुरा ब्यवहार करेक आउर उमन के पखना से मारेक केर कोशिश करलैं।

खास चेलामन केर काम 16:12

हूवाँ से हमरे फिलिप्पी शहर में पोहोंचली। जे मकिदुनिया परदेस केर मुध शहर, आउर रोमी बस्ती हेके। आउर हमरे थोरेक दिन तक उ शहर में रहली।

खास चेलामन केर काम 16:19

जब उकर मालिकमन देखलैं कि उ मनक कमाई केर आसरा चाइल गेलक, तो पौलुस आउर सीलास के धाइर के चौक में मुखियामन ठिना खींच के लेई गेलैं।

खास चेलामन केर काम 16:37

मगर पौलुस उकर से कहलक, “हमरे रोम देस केर रहेक वाला आदमी हेकी। फिन भी हमरे के बेगर दोषी ठहराले आदमीमन केर सामने मारलैं, आउर जेहेल घर में साजलैं। अब उमन हमरे के चुपे से निकलाय देवाथैं। एइसन नी होवी, मगर उमन खुद आय के हमरे के बाहरे लेई जाओक।”

खास चेलामन केर काम 17:1

पौलुस आउर सीलास फिन अम्फिपुलिस आउर अपुल्लोनिया नगर से होई के थिस्सलुनीके शहर में आलैं, जहाँ यहूदी मनक प्रार्थना घर रहे।

खास चेलामन केर काम 17:17

से लगिन उ यहूदी मनक प्रार्थना घर में यहूदी आदमीमन से आउर परमेश्‍वर केर डार-भय मानेक वाला यूनानी आदमीमन से आउर रोज दिन चौराहा में आवेक-जाएक वाला आदमीमन से बहस करत रहे।

खास चेलामन केर काम 19:8

पौलुस तीन महिना तक यहूदी मनक प्रार्थना घर में जाते रहलक। उ निडर होई के परमेश्‍वर केर राइज केर बारे में बहस करत रहे आउर यहूदी आदमीमन के समझात रहे।

खास चेलामन केर काम 4:13

पतरस आउर यूहन्ना केर साहस देइख के आउर इ जाइन के कि इमन अनपढ़ आउर साधारण आदमी हेकैं, उमन ताजुब होई गेलैं, फिन उमन के चीन्ह लेलैं कि इमन तो यीशु केर संगे रइह चुइक हैं।

खास चेलामन केर काम 4:20

इ तो हमरे से नी होवी कि हमरे जेके देइख ही आउर सुइन ही, उकर बारे में हमरे आदमीमन के नी बताब।”

खास चेलामन केर काम 4:31

उ मनक इ प्रार्थना सिरात हें उ घर जेकर में उमन जमा रहैं हिल गेलक आउर सोउबमन पवितर आत्मा से भाइर गेलैं आउर उमन परमेश्‍वर केर बचन साहस से सुनाएक लगलैं।

खास चेलामन केर काम 5:41

खास चेलामन महासभा से इ कइह के खुशी मनाते चाइल गेलैं कि हमरे यीशु केर चलते बेइज्जत होवेक केर लायक तो बनली।

रोमानियनमन 1:1

पौलुस बटले जे यीशु मसीह केर दास हेके, आउर यीशु मसीह केर खास चेला बनेक लगिन परमेश्‍वर बटले चुनल जाय हे, आउर परमेश्‍वर केर उ शुभ समाचार के सुनाएक लगिन अलग करल जाय हे।

2 कुरिनथियनमन 3:12

से लगिन एइसन आसरा राइख के हमरे साहस केर साथ गोठियाइला।

कुलुसियनमन 2:1

मोंय चाहोना कि तोहरेमन जाइन लेवा, कि मोंय तोहरे आउर उमन लगिन जेमन लौदीकिया शहर में अहैं, आउर उ सोउबमन केर लगिन जेमन से मोंय नी भेटाय हों कइसन मेहनइत करोना।

1थिस्सलुनीकियनमन 1:5

काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

यहूदा 1:3

हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्‍वर पवितर आदमीमन के सोउब दिन लगिन देई हे।