1थिस्सलुनीकियनमन 2:19 - सादरी नवाँ नियम

¹⁹ भला हमरे केर आसरा, या खुशी या बड़ाई केर मुकुट केमन हेकैं? का हमर प्रभु यीशु केर सामने उकर घूइर आवेक केर बेरा तोहरेमन हें नी होबा?

1थिस्सलुनीकियनमन 2:19 Iomraidhean Croise

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मरकुस 8:38

जे केऊ इ ब्यभिचारी आउर पापी जाइत केर माझे मोर से आउर मोर बचन केर मोताबिक चलेक से लजाई, तो मोंय आदमी केर बेटा हों जब अपन आबा केर तेज चमक सहित पवितर स्वरगदूतमन केर संगे आमूँ तब उकर से लजामूँ।”

यूहन्ना 21:22

यीशु उके जबाब देलक, “अगर मोंय चाहमूँ कि उ मोर आवेक तक जिंदा रहोक, तो इकर से तोके का? तोंय मोर पिछे होई ले, आउर मोर चेला बाइन जा।”

1 कुरिनथियनमन 15:23

मगर हरेक झन अपन-अपन पारी केर मोताबिक जी उठबैं, सोउब से पहिले मसीह जी उठलक, फिन जब मसीह घूइर आवी तब उ सोउब आदमीमन फिन से जी उठबैं, जेमन केर रिश्ता यीशु मसीह केर संगे गहरा अहे।

1 कुरिनथियनमन 4:5

से लगिन जब तक प्रभु घूइर नी आवी केकरो न्याय ना करा, ओहे तो आदमीमन केर लुकल बिचारमन के सफा-सफा बताय देवी जेके केऊ नी जानैना, प्रभु आदमीमन केर मकसद के खोइल देवी, जे उमन केर हिरदय में अहे, तब परमेश्‍वर बटले हरेक झन केर बड़ाई होवी।

2 कुरिनथियनमन 1:14

जइसन तोहरे में से केतना झन माइन लेई हैं कि हमरे केर चलते तोहरे घमंड कराला, तइसनेहें हमरे हों तोहरेमन केर चलते प्रभु यीशु केर घूइर आवेक दिन घमंड करब।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

फिलिप्पियनमन 4:1

इ लगिन हे मोर बिसवासी भाईमन, मोंय तोहरे से ढेइर प्रेम करोना आउर तोहरे से भेंट करेक केर आसरा कराथों तोहरेमन मोर खुशी आउर मुकुट हेका। हे दुलारा भाईमन, प्रभु उपरे बिसवास में स्थिर रहा।

1थिस्सलुनीकियनमन 2:20

हमर बड़ाई आउर खुशी तोहरेमन हें हेका।

1थिस्सलुनीकियनमन 3:13

ताकि परमेश्‍वर तोहर मन के एइसन मजबूत करोक कि जब हमर प्रभु यीशु अपन पवितर आदमीमन केर संगे घूइर आवी, तो उमन हमर परमेश्‍वर आउर आबा केर सामने पवितर आउर निरदोष ठहरोक।

1थिस्सलुनीकियनमन 4:15

काले कि हमरे प्रभु यीशु केर बचन केर मोताबिक तोहरेमन से इ कहिला कि जेमन बिसवास में मोइर जाय हैं, उमन पहिले प्रभु से मिलेक पारबैं। उकर पाछे हमरेमन जे जिंदा अही आउर प्रभु यीशु केर आवेक तक बचल रहब, तो प्रभु केर संगे भेंट करेक पारब।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

2 थिस्सलुनीकियनमन 1:4

इ लगिन हमरे परमेश्‍वर केर कलीसिया केर बिसवासीमन में तोहर बारे में घमंड करिला, हलांकि तोहरेमन कष्टमन आउर सतावमन से होई के गुजराथा, फिन भी तोहरे धीरज से सहते रहाला आउर यीशु मसीह में बिसवास कराला।

2 थिस्सलुनीकियनमन 1:7

आउर तोहरेमन जे दुःख पावाला, परमेश्‍वर तोहरे के चैन देवी आउर हमरे के हों देवी, इ सोउब तब होवी जब प्रभु यीशु अपन स्वरगदूतमन केर संगे, धधकते आइग केर माझे स्वरग से दिस्तार होवी।

2 थिस्सलुनीकियनमन 2:1

हे भाईमन, हमरे के अपन प्रभु यीशु मसीह केर घूइर आवेक आउर उ बेरा केर बारे में तोहर से कोनों कहेक अहे, जब हमरे एक संग उकर से मिलब।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

याकूब 5:7

सेहे लगिन हे भाईमन, प्रभु केर आवेक तक धीरज धारा। जइसन किसान धरती में किमती उपज केर आसरा करते पहिला आउर आखरी बरखा होवेक तक धीरज धारेला।

याकूब 5:8

ओहे लेखे तोहरेमन हों धीरज धारा, आउर आसरा ना छोड़ा काले कि प्रभु जल्दी आवाथे।

1 पतरस 5:4

जब यीशु मसीह, जे कि हमरे केर मुध चरवाहा हेके, दोबारा फिन से घूइर आवी, तब तोहरे के एगो इनाम देवी जे कहियो अपन चमक के नी हेराई।

2 पतरस 1:16

जब हमरे चुनल खास चेलामन तोहरे के हमर प्रभु यीशु मसीह केर शक्ति आउर उकर फिन से घूइर आवेक केर बारे में शुभ समाचार बताली, तो हमरे तोहरे के चतुराई से बनाल कहनी नी बतात रही, मगर हमरे मसीह केर महिमा अपन आँइख से देइख रही।

2 पतरस 3:4

आउर मजाक उड़ाते कहबैं, “का होलक प्रभु यीशु केर फिन से घूइर आवेक केर करार? उकर करार सच नखे, उ नी आवी। हमर पुरखामन तो मोइर गेलैं मगर सोउब कुछ तइसनेहें अहे जइसन दुनिया केर सिरजन केर शुरु में रहे।”

1 यूहन्ना 2:28

से लगिन हे दुलार छउवामन, मसीह में बनल रहा कि जेखन उ दिस्तार होवी, तो हमरेमन के साहस होवोक आउर हमरे उकर आवेक से उकर सामने लाजिम नी होवब।

यहूदा 1:24

सिरिफ परमेश्‍वर हें तोहरे के ठोकर खाएक से बचाएक पारेला आउर अपन महिमा केर भरपूरी केर सामने खुश आउर निरदोष काइर के ठडु़वाएक पारेला।

प्रकाशितवाक्य 1:7

देखा, उ बदरीमन केर संगे आवेक वाला अहे, आउर हर एक आदमीमन उके देखबैं, बल्कि जेमन उके बरछा से बेइध रहैं, उमन हों उके देखबैं, आउर धरती केर सोउब आदमीमन बिलाप करबैं। हाँ, इ होवी। आमीन।

प्रकाशितवाक्य 22:12

प्रभु यीशु कहलक, “देख, मोंय जल्दी आवेक वाला अहों, आउर हरेक झन केर काम केर मोताबिक बदला देवेक लगिन मोर ठिना इनाम अहे।