1थिस्सलुनीकियनमन 2:16 - सादरी नवाँ नियम

¹⁶ आउर उमन परजाइत आदमीमन से उमन केर छुटकारा लगिन गोठियाएक से हमरे के मना करैना, आउर जब तक परमेश्‍वर उ उमन के सजा नी देवी तब तक उमन पाप उपरे पाप कमाते जायना, आखरी में परमेश्‍वर उमन के भयानक सजा देवी।

1थिस्सलुनीकियनमन 2:16 Iomraidhean Croise

मत्ती 12:45

तब उ जाय के अपन से हों आउर बगरा बुरा सात गो भूतमन के अपन संगे लेई आवेला, आउर उमन उ आदमी में ढूइक के उकर में डेरा करैना, आउर उ आदमी केर पाछे केर दुःख आगे केर दुःख से हों बगरा बुरा होई जायला, इ जुग केर बुरा आदमीमन केर दुःख हों एहे आदमी केर नियर होवी।”

मत्ती 23:32

से लगिन अब तोहरेमन अपन बाप-दादामन जे काम के शुरु काइर रहैं, सेके पूरा काइर देवा।

मत्ती 24:14

आउर परमेश्‍वर केर राइज केर शुभ समाचार गोटा दुनिया में परचार करल जाई, ताकि सोउब जाइत केर आदमीमन के यीशु के ग्रहण करेक केर मोका मिली, तब इकर पाछे दुनिया केर अंत होई जाई।

मत्ती 24:6

तोहरेमन लड़ाईमन आउर लड़ाई मनक गोइठमन के सुनबा तो ना घबराबा, काले कि इ मनक होवेक जरुरी अहे, मगर उ बेरा दुनिया केर अंत नी होवी।

मत्ती 3:12

उ न्याय करेक लगिन तेयार अहे, जे नियर किसान अनाज के सफा करेक वाला सूप से भूसी के अलग करेला, ओहे नियर उ भला आउर बुरा आदमीमन के एक दोसर से अलग करी। उ भला आदमीमन के जतनाय के रखी, जइसन कि किसान खरियान से गोहोम के भंडार में रखेला आउर भूसी के आइग में पोड़ायला, उ बुरा आदमीमन के आइग में पोड़ाई, जे कहियो नी बुतेला।”

मरकुस 16:16

जे हों इ शुभ समाचार उपरे बिसवास करी आउर बपतिस्मा जल संस्कार लेवी, परमेश्‍वर उके उकर पाप केर सजा से बचाई, मगर जे बिसवास नी करी उके परमेश्‍वर सजा देई।

खास चेलामन केर काम 13:45

मगर यहूदी अगुवामन भीड़ के देइख के हिसिंगा से भाइर गेलैं आउर निंदा करते पौलुस केर गोइठमन केर बिरोध में कहेक लगलैं।

खास चेलामन केर काम 13:50

मगर यहूदी अगुवामन इज्जतदार आउर भक्त जनानामन के आउर नगर केर ऊँचा ओहदा में बइठल आदमीमन के उसकालैं आउर पौलुस आउर बरनाबास केर बिरोध में हुड़दंग करुवाय के उमन के अपन सिमान से बाहरे निकलाय देलैं।

खास चेलामन केर काम 14:19

मगर अंताकिया आउर इकुनियुम शहर से थोरेक यहूदी आदमीमन आय के हूवाँ केर आदमीमन के अपन बटे काइर लेलैं। उमन पौलुस के पखना से मारलैं आउर मोरल समइझ के उके नगर केर बाहरे घिसराय के लेई गेलैं।

खास चेलामन केर काम 14:2

मगर जे यहूदी आदमीमन बिसवास नी काइर रहैं, उमन परजाइत आदमीमन के उसकालैं आउर उ मनक मन में बिसवासी भाई-बहिनमन केर बिरोध में जहर भाइर देलैं।

खास चेलामन केर काम 14:5

परजाइत आदमीमन आउर यहूदी आदमीमन अपन अगुवामन से मिल के खास चेलामन केर संगे बुरा ब्यवहार करेक आउर उमन के पखना से मारेक केर कोशिश करलैं।

खास चेलामन केर काम 17:13

मगर जब थिस्सलुनीके शहर केर यहूदीमन जाइन गेलैं कि पौलुस बिरीया नगर में हों परमेश्‍वर केर बचन परचार कराथे, तो उमन हूवाँ हों आय के दंगा करेक आउर आदमीमन के भड़काएक शुरु करलैं।

खास चेलामन केर काम 19:9

मगर उमन में से थोरेक आदमीमन ढींठ होई के उकर गोइठ उपरे बिसवास नी करलैं आउर आदमीमन केर सामने इ डहर के बुरा कहेक लगलैं। से लगिन पौलुस उमन से नाता तोइर देलक आउर अपन चेलामन के हूवाँ से हटाय लेलक। उ रोज दिन तुरन्नुस स्कूल में परमेश्‍वर केर राइज केर बारे में शिक्षा देवत रहे।

खास चेलामन केर काम 21:21

यहूदी बिसवासी आदमीमन के तोर बारे में बताल जाय हे कि तोंय परजाइत आदमीमन केर माझे रहेक वाला यहूदी आदमीमन के मूसा केर नियम के मानेक छोइड़ देवेक केर बारे में सिखाइसला, आउर कहिसला कि उमन ना अपन छउवामन केर खतना करोक आउर ना यहूदी रीति-रिवाज के मानोक।

खास चेलामन केर काम 23:12

बिहाने थोरेक यहूदी आदमीमन मिल के पौलुस केर बिरोध में जाल फंदा बुनलैं आउर किरिया खालैं कि जब तक हमरे पौलुस के नी माइर मोराब, तब तक हमरे कोनों नी खाब ना पियब।

खास चेलामन केर काम 24:9

यहूदी धरम केर अगुवामन हों तिरतुल्लुस केर साथ देई के कहलैं, “इ गोइठमन सच हेके।”

खास चेलामन केर काम 25:2

हूवाँ यहूदी मुध पुरोहितमन, आउर यहूदी अगुवामन उकर सामने पौलुस केर उपरे दोष लगालैं।

खास चेलामन केर काम 25:7

जब पौलुस हूवाँ आलक, तो यरुशलेम शहर से आवल यहूदी अगुवामन उके घेइर लेलैं, उमन ठड़ाय के पौलुस केर उपरे ढेइर दोष लगाएक लगलैं, जेमन केर सबूत उमन खुद देवेक नी पारलैं।

खास चेलामन केर काम 4:12

यीशु केर अलावा आउर केऊ दोसर से छुटकारा नी मिली, काले कि गोटा दुनिया में आदमीमन केर माझे, कोनों दोसर नाँव नी देवल जाय हे, जेकर से हमरे के छुटकारा मिली।”

खास चेलामन केर काम 9:23

जब शाऊल केर दमिश्क नगर में रइह के परचार करते ढेइर दिन बीत गेलक, तो यहूदी आदमीमन मिल के उके माइर मोराएक केर योजना बनालैं।

1 कुरिनथियनमन 10:33

जइसन कि मोंय हों सोउब गोइठमन में सोउब केऊ के खुश रखेक केर कोशिश करोना, आउर अपन भलाई करेक केर कोशिश नी करोना, मगर बगरा से बगरा आदमीमन केर भलाई चाहोना ताकि उमन बाइच जबैं।

गलातियनमन 5:11

हे बिसवासी भाईमन, मोंय परचार करोना कि खतना करुवाएक जरुरी नखे, इकरे चलते मोंय यहूदीमन बटले सताल जाथों, अगर मोंय क्रूस उपरे मसीह केर माउत केर बारे में परचार करेक केर बदली खतना करुवाएक केर परचार करतो, तो यहूदीमन लगिन कोनों अपमान नी होतक।

इफिसियनमन 3:13

इ लगिन मोंय बिनती करोना कि तोहर लगिन जे दुःख मोंय सहाथों उकर चलते निराश ना होबा, काले कि इकर से तोहरे केर फायदा होवी।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

1थिस्सलुनीकियनमन 1:10

आउर उकर बेटा के स्वरग से दोबारा घूइर आवेक केर आसरा देखते रहबा जेके परमेश्‍वर मुरदा में से जियालक, मतलब यीशु के जे परमेश्‍वर केर आवेक वाला दंड से हमरे के बचायला।

2 थिस्सलुनीकियनमन 2:10

उ सोउब रकम केर बुराई काम करी आउर उमन के धोखा देवी, जेमन परमेश्‍वर बटले नाश करल जबैं। उमन सच्चाई उपरे बिसवास करेक से इनकार करैना जे उमन के बचाएक पारेला।

1 तीमुथियुस 2:4

उ चाहेला कि सोउब आदमीमन बाइच जाओक आउर सच्चाई के बढ़ियाँ से जाइन जाओक।

इब्रानीमन 6:8

मगर, दोसर आदमीमन उ खेत नियर अहैं जेकर में काँटा झूँड़ आउर घास फूस बढ़ेला जे बेकार अहे, उमन में परमेश्‍वर केर सराप आवेक केर खतरा अहे आउर उमन आइग से भसम होई जबैं।

प्रकाशितवाक्य 22:11

जे अन्याय करेला, उ अन्याय हें करते रहोक, जे मलिन अहे, उ मलिन बनल रहोक, जे धरमी अहे, उ धरमी बनल रहोक आउर जे पवितर अहे, उ पवितर बनल रहोक।”