1थिस्सलुनीकियनमन 2:13 - सादरी नवाँ नियम

¹³ इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

1थिस्सलुनीकियनमन 2:13 Iomraidhean Croise

मत्ती 10:20

काले कि कहेक वाला तोहरेमन ना लगा, मगर तोहरे केर आबा परमेश्‍वर केर पवितर आत्मा तोहरे केर मुँह में से होई के उमन से गोठियाई।

मत्ती 10:40

जे तोहरेमन के मोर चेला जाइन के स्वागत करेला, उ मोर स्वागत करेला, आउर जे मोर स्वागत करेला, उ मोर भेजेक वाला केर स्वागत करेला।

लूका 11:28

यीशु कहलक, “हाँ, मगर उमन बगरा धाइन अहैं, जेमन परमेश्‍वर केर बचन के सुनैना, आउर उकर मोताबिक चलैना।”

लूका 5:1

एक दिन यीशु गनेसरत झील केर किनारे ठड़ाल रहे। आउर आदमीमन परमेश्‍वर केर बचन सुनेक लगिन उकर उपरे गिर जात रहैं।

लूका 8:11

उदाहरन केर अर्थ इ हेके, बिहीन तो परमेश्‍वर केर बचन हेके।

लूका 8:21

यीशु उकर जबाब में उमन से कहलक, “मोर आयो आउर मोर भाई इमन हेकैं, जेमन परमेश्‍वर केर बचन के सुनैना आउर मानैना।”

यूहन्ना 15:3

तोहरेमन तो उ बचन केर चलते जे मोंय तोहरेमन के बताय देई हों, शुद्ध अहा।

यूहन्ना 17:17

तोर बचन सच्चा हेके। से लगिन तोंय सच्चाई केर बचन से उमन के पवितर बनाव।

यूहन्ना 17:19

आउर उमन केर फायदा लगिन मोंय खुद के पवितर कराथों, जेकर से उमन हों सच्चाई केर बचन से पवितर करल जाओक।

खास चेलामन केर काम 10:33

तब मोंय तोके बोलाएक लगिन तुरते अपन आदमीमन के तोर ठिना भेजलों, आउर तोंय हिंयाँ आय के भला करले। प्रभु तोके जे-जे आगया देई हे, उके सुनेक लगिन हमरे सोउब परमेश्‍वर केर सामने जमा होई ही।”

खास चेलामन केर काम 13:48

इ सुइन के परजाइत आदमीमन खुश होलैं, आउर परमेश्‍वर केर बचन केर बड़ाई करेक लगलैं। जेतना आदमीमन के जुग-जुग केर जिंदगी लगिन ठहराल जाय रहे, उमन बिसवास करलैं।

खास चेलामन केर काम 16:14

उ जनानामन में से थुआतीरा नगर केर रहेक वाला एगो लुदिया नाँव केर जनाना रहे। उ किमती बैगनी लुगा केर बेपार करेक वाला आउर परमेश्‍वर केर भक्त रहे। उ हमर गोइठ सुनत रहे। प्रभु उकर मन के खोललक ताकि उ पौलुस केर गोइठमन के धेयान से सुनोक।

खास चेलामन केर काम 17:11

इ नगर केर यहूदी आदमीमन थिस्सलुनीके शहर केर यहूदी आदमीमन से भला रहैं। उमन बड़का लालसा से प्रभु केर बचन के सुनत रहैं आउर रोज दिन पवितर किताब के पइढ़ के खोजत रहैं कि इ बचन सच में पवितर किताब में अहे कि निहीं।

खास चेलामन केर काम 17:32

मोरलमन केर फिन से जी उठेक केर गोइठ सुइन के थोरेक आदमीमन तो मजाक करेक लगलैं, मगर थोरेक आदमीमन कहलैं, “इ गोइठ केर बारे में हमरे तोर से फिन कहियो सुनब।”

खास चेलामन केर काम 2:41

जेमन पतरस केर गोइठ उपरे बिसवास करलैं, उमन बपतिस्मा जल संस्कार लेलैं। आउर ओहे दिन लगभग तीन हजार आदमीमन बिसवासीमन केर दल में मिल गेलैं।

खास चेलामन केर काम 8:14

जब यरुशलेम शहर में रहेक वाला यीशु केर खास चेलामन इ सुनलैं कि सामरिया परदेस केर आदमीमन परमेश्‍वर केर बचन के माइन लेई हैं तो उमन पतरस आउर यूहन्ना के उमन ठिना भेजलैं।

रोमानियनमन 10:17

बिसवास तब आवेला जब तोहरे संदेश के सुनाला, आउर संदेश मसीह केर बचन हेके।

2 कुरिनथियनमन 3:18

जब हमरे सोउब केर चेहरा से परदा उइठ जायला, तो उ चेहरा से प्रभु केर चमक चमकेला, जइसन कि आयना में दिसेला, तब परमेश्‍वर हमरे के चमकदार से चमकदार महिमा में बदलते जायला, इ प्रभु केर काम हेके जे पवितर आत्मा हेके।

गलातियनमन 4:14

मोर बेमारी केर चलते तोहरेमन के ढेइर कष्ट होलक, फिन भी तोहरेमन मोके तुच्छ नी समझला आउर मोके निकलाय नी देला, मगर तोहरेमन मोर एइसन स्वागत करला जइसन परमेश्‍वर केर स्वरगदूत चाहे यीशु मसीह आतक होले करता।

कुलुसियनमन 1:6

जे शुभ समाचार तोहर ठिना पोंहइच हे, आउर जइसन गोटा दुनिया भइर में फाइल जाथे, आउर ढेइर आदमीमन बिसवासी बाइन जाथैं, आउर तोहरे उके सुनला आउर उ सच्चा संदेश के पूरा पुरी बुइझ गेला कि परमेश्‍वर केतना किरपा से भरल अहे, आउर बिलकुल एहे गोइठ तोहर माझे में उ बेरा से होवाथे जब तोहरे पहिली बेर संदेश सुइन रहा।

इब्रानीमन 4:12

परमेश्‍वर केर बचन तो जिंदा आउर काम करेक वाला हेके, उ दुइयो आरा धार करल तलवाइर से हों बगरा चोखा अहे। उ आत्मा आउर प्राण, आउर काया केर जोड़, आउर गुदा तक पोंहइच जायला, आउर हमरे केर हिरदय केर सोच आउर बिचार के परखेला।

इब्रानीमन 4:2

ठीक जइसन हमरे यीशु मसीह केर बारे में शुभ समाचार के सुनली, तइसनेहें इसराइली आदमीमन हों आराम केर ठाँव में जाएक केर बारे में शुभ समाचार के सुइन रहैं, मगर उमन बिसवास नी करलैं, से लगिन उ संदेश उमन ले बेकार होई गेलक।

याकूब 1:18

उ अपनेहें इच्छा से हमरे के सच्चाई केर बचन से अपन संतान बनाय हे, ताकि हमरे उकर सिरजाल चीजमन में से एक रकम केर पहिला फार नियर होवब।

1 पतरस 1:23

काले कि तोहरेमन के परमेश्‍वर बटले नवाँ जिंदगी मिल हे। तोहरे के जे जिंदगी मिल हे उ एइसन चीजमन से नी मिल हे कि उ नाश होवी बल्कि एइसन चीज से मिल हे जे जुग-जुग लगिन रही। मतलब परमेश्‍वर केर जिंदा आउर जुग-जुग केर बचन से मिल हे।

1 पतरस 1:25

मगर परमेश्‍वर केर बचन जुग-जुग लगिन स्थिर बनल रही।” इ बचन मसीह केर बारे में शुभ समाचार हेके जेके तोहर माझे परचार करल जाय रहे।

1 पतरस 2:2

जइसन नवाँ जनमल छउवामन अपन आयो केर दूध पियेक लगिन लालसा करैना, तइसनेहें तोहरे के परमेश्‍वर केर बचन के सिखेक लगिन लालसा करेक चाही, ताकि तोहरे आत्मिक रूप से समझदार बाइन जबा। तब आखरी में परमेश्‍वर तोहरे के इ दुनिया केर सोउब बुरा चीजमन से पूरा-पुरी छुटकारा देवी।

2 पतरस 3:2

मोंय एइसन इ लगिन कराथों, काले कि मोंय चाहोना कि तोहरे उ बचनमन के याइद रखा, जे परमेश्‍वर केर संदेश के बताएक वालामन ढेइर पहिले कइह रहैं, आउर हमर छुटकारा देवाइया आउर हमर प्रभु यीशु मसीह केर आगयामन के याइद रखा, जेके तोहरे के चुनल खास चेलामन सिखाय रहैं।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।