1थिस्सलुनीकियनमन 2:10 - सादरी नवाँ नियम

¹⁰ तोहरेमन खुद हें गवाह हेका आउर परमेश्‍वर हों गवाह हेके कि तोहरे सोउब बिसवासीमन केर माझे हमरे केर स्वभाव कइसन सच्चा, धरमी, आउर निरदोष रहे।

1थिस्सलुनीकियनमन 2:10 Iomraidhean Croise

लूका 23:41

हमर सजा तो न्याय केर मोताबिक हेके, काले कि हमरे अपन करनी केर फल पावाथी, मगर इ कोनों अपराध नी काइर हे।”

खास चेलामन केर काम 20:18

जब उमन उकर ठिना आलैं तो पौलुस उमन से कहलक, “तोहरे जानाला कि आसिया परदेस में मोर आवेक केर पहिला दिन से हें मोर ब्यवहार तोहर संगे का लेखे रहलक।

खास चेलामन केर काम 20:26

से लगिन मोंय आइज केर दिन तोहरे से गवाही देई के कहाथों कि तोहर में से केऊ यीशु केर उपरे बिसवास करल बिना मोइर जाई, तो इकर जिम्मेदार मोंय ना लगों।

खास चेलामन केर काम 24:16

से लगिन मोंय परमेश्‍वर आउर आदमीमन केर नजइर में सोउब बेरा बिवेक से निरदोष बनल रहेक केर खुद हें कोशिश करोना।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

2 कुरिनथियनमन 11:11

मोंय तोहरे केर रुपया के काले नी लेलों? का मोंय एइसन इ लगिन करलों कि मोंय तोहर से प्रेम नी करोना? परमेश्‍वर जानेला कि मोंय तोहरे से प्रेम करोना।

2 कुरिनथियनमन 11:31

प्रभु यीशु केर परमेश्‍वर आउर आबा जे सोउब बेरा धाइन अहे, जानेला कि मोंय झूठ नी कहोना।

2 कुरिनथियनमन 4:2

मगर हमरे लाज केर लुकल काममन के नी करिला, आउर हमरे चलाँकी से नी चलिला, ना हें परमेश्‍वर केर बचन में मिलावट करिला, मगर हमरे परमेश्‍वर केर भीरे सिरिफ सच्चाई के सिखाइला, आउर हरेक आदमी पक्का जाइन गेलक कि हमरे भरसा करेक केर लायक अही।

2 कुरिनथियनमन 5:11

से लगिन प्रभु केर डार-भय माइन के हमरे आदमीमन के समझाइला कि उमन सच्चाई उपरे बिसवास करोक, परमेश्‍वर हमरे के पूरा-पुरी जानेला आउर मोंय इ आसरा करोना कि तोहरे हों अपन आत्मा में हमरे के जानाला।

2 कुरिनथियनमन 7:2

तोहरे, हमरे के अपन हिरदय में बसाय लेवा, हमरे ना केकरो से अन्याय करली, ना केखो बिगड़ाली, आउर ना केखो ठकली।

1थिस्सलुनीकियनमन 1:5

काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

1थिस्सलुनीकियनमन 2:5

तोहरेमन जानाला कि हमरे कहियो हों तोहरे के खुश करेक लगिन तोहरे केर बारे में बेस गोइठमन के नी कइह ही, आउर परमेश्‍वर हों गवाही देवेला कि हमरे एइसन नी रही।

2 थिस्सलुनीकियनमन 3:7

काले कि तोहरेमन खुद हें बढ़ियाँ से जानाला कि तोहरे के ओहे नियर जिंदगी जियेक चाही जे नियर हमरे जियिला, काले कि हमरे तोहरे केर संगे रइह के काम करेक में आलसी नी करली।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

2 तीमुथियुस 3:10

मगर हे तीमुथियुस, तोंय मोर उपदेस, चाइल चलन, आउर मोर योजना, मोंय कइसन बिसवास करोना, मोंय मुसीबतमन के कइसन सहलों, आदमीमन के कइसन प्रेम काइर हों, आउर दुःखमन में कइसन धीरज धाइर हों, इ सोउब गोइठमन के तोंय जानिसला।

1 पतरस 5:3

आउर जे आदमीमन केर जिमेदारी परमेश्‍वर तोहरे के देई हे, उमन केर उपरे अधिकारीमन नियर अधिकार ना जताबा, मगर उमन लगिन एगो बेस उदाहरन बना।