1थिस्सलुनीकियनमन 2:1 - सादरी नवाँ नियम

¹ हे भाईमन, तोहरेमन खुद हें जानाला कि हमरे केर तोहर ठिना आवेक बेकार नी होलक।

1थिस्सलुनीकियनमन 2:1 Iomraidhean Croise

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

1 कुरिनथियनमन 15:2

उकरे से परमेश्‍वर तोहरे के बचायला, अगर तोहरेमन उ शुभ समाचार उपरे लगातार बिसवास करते रहबा, जे मोंय तोहरेमन के सुनाय रहों, निहीं तो तोहर बिसवास करेक बेकार होलक।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

2 कुरिनथियनमन 6:1

आउर हमरे जे परमेश्‍वर संगे काम करेक वाला हेकी, तोहरे से अरजी करिला कि उकर किरपा जे तोहर उपरे होई हे, उके बेकार ना जाएक देवा।

गलातियनमन 2:2

मोंय हूवाँ इ लगिन गेलों काले कि परमेश्‍वर मोके जाएक कइह रहे। जब मोंय हूवाँ गेलों, तो हूवाँ केर बढ़ियाँ समझल जाएक वाला अगुवामन से अलगे मिललों आउर उ शुभ समाचार केर बारे में बतालों, जेके मोंय परजाइत आदमीमन केर माझे परचार काइर रहों। ताकि जे मोंय बितल समय में काइर हों, चाहे जे मोंय आवेक वाला समय में करमूँ उ बेकार ना होवोक।

गलातियनमन 4:11

मोंय तोहरे केर बारे में चिंता करोना कि तोहरे लगिन जे मेहनइत मोंय काइर हों, उ कहीं बेकार ना होई जाओक।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

1थिस्सलुनीकियनमन 3:5

इ लगिन जब मोर से तोहरेमन केर बिसवास केर हाल जानल बिना रहल नी गेलक, तो मोंय तोहरे केर बिसवास केर हाल जानेक लगिन तीमुथियुस के भेजलों, काले कि मोंय डरात रहों कहीं एइसन ना होवोक कि परीक्षा करेक वाला शैतान तोहरे के फँसाय तो नी लेई हे, आउर हमर मेहनइत बेकार तो नी होई गेलक।

2 थिस्सलुनीकियनमन 1:10

इ गोइठ उ दिन होवी जब यीशु अपन आदमीमन केर बटले महिमा पावेक आउर सोउब बिसवास करइयामन बटले आदर पावेक लगिन घूइर आवी, उ बेरा तोहरे हों उमन में शामिल रहबा काले कि तोहरेमन हमर गवाही में बिसवास करला।

2 थिस्सलुनीकियनमन 3:1

हे भाईमन, आखरी गोइठ इ हेके कि हमर लगिन प्रार्थना करते रहा ताकि हमरे जल्दी हें सोउब ठाँव में प्रभु यीशु मसीह केर संदेश के फैलाएक पारब, आउर आदमीमन इकर उपरे ओइसनेहें बिसवास करोक जइसन तोहरे काइर रहा।