1थिस्सलुनीकियनमन 1:6 - सादरी नवाँ नियम

⁶ तोहरेमन उपरे भारी दुःख रहे फिन भी तोहरे उ संदेश केर स्वागत करला जे पवितर आत्मा बटले देवल जाय रहे। आउर तोहरे हमर आउर प्रभु केर नियर चाल चलेक लगला।

1थिस्सलुनीकियनमन 1:6 Iomraidhean Croise

मत्ती 16:24

तब यीशु अपन चेलामन से कहलक, “जे केऊ मोर चेला बनेक चाहैना, उमन अपन दुनियादारी केर मोह माया के छोइड़ देवोक आउर मोर लगिन क्रूस उठाएक आउर मोइर जाएक ले हों तेयार रहोक। आउर मोर पिछे होई लेवोक।

यूहन्ना 8:12

यीशु फिन आदमीमन से कहलक, “दुनिया केर दीया मोंय हेकों। जे मोर पिछे होई लेवी, आउर मोर चेला बनी, उ अंधार में नी चली, मगर जिंदगी केर इंजोत पावी।”

खास चेलामन केर काम 13:52

आउर अन्ताकिया शहर में चेलामन खुशी आउर पवितर आत्मा से भरते गेलैं।

खास चेलामन केर काम 5:41

खास चेलामन महासभा से इ कइह के खुशी मनाते चाइल गेलैं कि हमरे यीशु केर चलते बेइज्जत होवेक केर लायक तो बनली।

खास चेलामन केर काम 9:31

अब समूचा यहूदिया परदेस, गलील परदेस, आउर सामरिया परदेस में कलीसिया केर आदमीमन के चैन मिललक, आउर उ मनक बिसवास मजबूत होते गेलक, काले कि उमन प्रभु केर डार में जिंदगी बितात रहैं, उमन पवितर आत्मा केर मदइत से शांति पालैं आउर बिसवासीमन केर गिनती बढ़ते गेलक।

रोमानियनमन 15:13

मोंय प्रार्थना करोना कि परमेश्‍वर जे आसरा करेक केर सोता हेके, तोहरेमन के बिसवास करेक में सोउब रकम केर खुशी, आनंद आउर शांति से भरपूर करोक कि पवितर आत्मा केर शक्ति से तोहर आसरा बढ़ते जाओक।

1 कुरिनथियनमन 11:1

जइसन मोंय मसीह केर नियर चाल चलोना, तइसनेहें तोहरेमन हों मोर नियर चाल चला।

1 कुरिनथियनमन 11:2

हे बिसवासी भाईमन, मोंय तोहरे केर बड़ाई करोना, काले कि तोहरेमन मोके सोउब बेरा याइद करते रहाला, आउर जे शिक्षामन मोंय तोहरेमन के देई हों उके सावधानी से पालन कराथा।

1 कुरिनथियनमन 4:16

से लगिन मोंय तोहर से बिनती करोना कि मोर जइसन चाल चला।

2 कुरिनथियनमन 6:10

हमरे ढेइर दुःख उठाइला, मगर सोउब बेरा खुशी मनाइला, हमरे खुद तो गरीब अही, मगर ढेइर आदमीमन के आत्मिक रीति से धनी बनाय देवीला, एइसन अही जइसन हमरे ठिना कोनों नखे, फिन भी हमरे ठिना सोउब कुछ अहे।

2 कुरिनथियनमन 8:5

आउर जइसन हमरे आसरा काइर रही, तइसन बिलकुल निहीं, बल्कि उमन पहिले खुद के परमेश्‍वर लगिन देई देलैं, आउर इकर पाछे हमरे लगिन हों देई देलैं, जइसन परमेश्‍वर केर इच्छा रहे कि उमन ओइसनेहें करोक।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

इफिसियनमन 5:1

तोहरे परमेश्‍वर केर दुलार छउवामन हेका, से लगिन तोहर स्वभाव परमेश्‍वर केर जइसन होवोक।

फिलिप्पियनमन 3:17

हे भाईमन, तोहरेमन सोउब मिल के मोर जइसन चाइल चला, आउर उमन के हों धेयान से देखबा, जेमन मोर जइसन चाइल चलैना।

2 थिस्सलुनीकियनमन 1:4

इ लगिन हमरे परमेश्‍वर केर कलीसिया केर बिसवासीमन में तोहर बारे में घमंड करिला, हलांकि तोहरेमन कष्टमन आउर सतावमन से होई के गुजराथा, फिन भी तोहरे धीरज से सहते रहाला आउर यीशु मसीह में बिसवास कराला।

2 थिस्सलुनीकियनमन 3:7

काले कि तोहरेमन खुद हें बढ़ियाँ से जानाला कि तोहरे के ओहे नियर जिंदगी जियेक चाही जे नियर हमरे जियिला, काले कि हमरे तोहरे केर संगे रइह के काम करेक में आलसी नी करली।

2 थिस्सलुनीकियनमन 3:9

हमरे कड़ा मेहनइत इ लगिन नी करली कि हमरे के तोहर से अपन खाएक माँगेक केर अधिकार नखे, मगर इ लगिन करली कि हमरे खुद के तोहर माझे एगो नमूना देखाब, ताकि तोहरेमन हमरे जइसन चाइल चलबा।

2 तीमुथियुस 4:2

कि तोंय परमेश्‍वर केर संदेश के परचार कर आउर जब आदमीमन परमेश्‍वर केर संदेश के सुनेक चाहैना, आउर जब सुनेक नी चाहैना सोउब समय तेयार रह, आदमीमन का गलती काइर हैं उके तोंय बताव आउर उ मनक पापमन केर खातिर उमन के डाँट। मगर उमन के उसकाव हों आउर धीरज से सिखाव।

इब्रानीमन 10:34

तोहरेमन कैदीमन केर दुःख में हों दुःखी होला, आउर अपन सम्पति के हों खुशी से लुटेक देला, काले कि तोहरे जानाला कि तोहरे ठिना एखनो उ चीजमन अहे, जेके देवेक केर परमेश्‍वर करार काइर हे, उ चीजमन इ दुनिया केर सम्पति से बगरा बढ़ियाँ अहे आउर जुग-जुग लगिन अहे।

1 पतरस 1:6

तोहरे के इ सोउब गोइठमन केर बारे में खुश होवेक चाही, जबकि एखन थोरेक समय लगिन रकम-रकम केर दुःखमन से दुःखी अहा।

1 पतरस 1:8

तोहरेमन यीशु के कहियो नी देइख हा फिन भी उकर से प्रेम कराला। एखन तोहरेमन उके नी देखाला मगर तोहरे उकर उपरे बिसवास कराला। से लगिन तोहरे खुशी आउर महिमा से मुरुक खुश अहा, जेकर बखाइन करेक नी पराई।

1 पतरस 3:13

अगर तोहरेमन सोउब बेरा भला काम करेक केर कोशिश कराला, तो सच में केऊ हों तोहर बुराई करेक नी पारी।

3 यूहन्ना 1:11

हे दुलारा संगी, उमन केर नकल ना करबे जेमन बुरा काम करैना, मगर उमन केर नियर चलबे जेमन भलाई केर काम करैना। जे भलाई करेला उ परमेश्‍वर केर संतान हेके मगर जे बुराई करेला उ परमेश्‍वर के नी जानेला।