1थिस्सलुनीकियनमन 1:5 - सादरी नवाँ नियम

⁵ काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

1थिस्सलुनीकियनमन 1:5 Iomraidhean Croise

मरकुस 16:20

आउर यीशु केर चेलामन सोउब ठाँव में जाय-जाय के आदमीमन केर माझे इ शुभ समाचार केर परचार करलैं, आउर प्रभु यीशु उमन के काम करेक केर शक्ति देलक आउर उ मनक चमत्कार केर काम इ साबित करते गेलक कि उ मनक संदेश सच हेके। आमीन।

लूका 1:1

ढेइर आदमीमन उ गोइठमन के जे हमरे माझे बीत रहे, धेयान से लिखेक केर कोशिश करलैं।

खास चेलामन केर काम 11:21

आउर प्रभु केर शक्ति उ मनक उपरे रहे, आउर ढेइर आदमीमन उमन केर संदेश उपरे बिसवास काइर के प्रभु यीशु केर उपरे बिसवास करेक शुरु करलैं।

खास चेलामन केर काम 16:14

उ जनानामन में से थुआतीरा नगर केर रहेक वाला एगो लुदिया नाँव केर जनाना रहे। उ किमती बैगनी लुगा केर बेपार करेक वाला आउर परमेश्‍वर केर भक्त रहे। उ हमर गोइठ सुनत रहे। प्रभु उकर मन के खोललक ताकि उ पौलुस केर गोइठमन के धेयान से सुनोक।

खास चेलामन केर काम 2:33

अब उ स्वरग में परमेश्‍वर केर भतखाइया आरा सोउब से ऊँचा पद पाय के बइठल अहे, आउर आबा परमेश्‍वर जइसन उ करार काइर रहे तइसनेहें यीशु के पवितर आत्मा देलक आउर उ पवितर आत्मा के हमरे के देलक, जइसन आइज तोहरे देखाथा आउर सुनाथा।

रोमानियनमन 1:16

काले कि मोंय मसीह केर बारे में शुभ समाचार सुनाएक से नी लजावना, इ लगिन कि उ हरेक बिसवास करइयामन लगिन, पहिले तो यहूदी फिन यूनानीमन लगिन छुटकारा पावेक ले परमेश्‍वर केर शक्ति हेके।

रोमानियनमन 15:13

मोंय प्रार्थना करोना कि परमेश्‍वर जे आसरा करेक केर सोता हेके, तोहरेमन के बिसवास करेक में सोउब रकम केर खुशी, आनंद आउर शांति से भरपूर करोक कि पवितर आत्मा केर शक्ति से तोहर आसरा बढ़ते जाओक।

रोमानियनमन 2:16

इ उ दिन दिस्तार होवी जे दिन परमेश्‍वर मोर शुभ समाचार केर मोताबिक यीशु मसीह केर द्वारा आदमीमन केर लुकल गोइठमन केर न्याय करी।

1 कुरिनथियनमन 1:24

मगर जेमन के परमेश्‍वर अपन आदमी बनेक लगिन बोलाय हे, यहूदीमन, चाहे यूनानी आदमीमन, उमन केर भीरे एहे मसीह परमेश्‍वर केर शक्ति आउर परमेश्‍वर केर गेयान हेके।

1 कुरिनथियनमन 10:33

जइसन कि मोंय हों सोउब गोइठमन में सोउब केऊ के खुश रखेक केर कोशिश करोना, आउर अपन भलाई करेक केर कोशिश नी करोना, मगर बगरा से बगरा आदमीमन केर भलाई चाहोना ताकि उमन बाइच जबैं।

1 कुरिनथियनमन 3:16

तोहरेमन पक्का जानाला कि तोहरे खुद परमेश्‍वर केर मंदिर हेका, आउर परमेश्‍वर केर आत्मा तोहर में बास करेला।

1 कुरिनथियनमन 3:6

अगर मोंय तोहरे के एगो बारी से जोड़ी करमूँ, तो मोंय गाँछ रोपलों, अपुल्लोस पटालक, मगर परमेश्‍वर बढ़ालक।

1 कुरिनथियनमन 4:20

काले कि परमेश्‍वर केर राइज गोइठमन में निहीं, मगर शक्ति में अहे।

1 कुरिनथियनमन 9:14

एहे नियर प्रभु हों ठहराय हे कि जेमन आदमीमन के शुभ समाचार सुनायना, उमन केर रोजी-रोटी शुभ समाचार सुनेक वालामन बटले चलोक।

2 कुरिनथियनमन 3:6

जे हमरे के नवाँ करार केर सेवक बनेक केर लायक बनालक, मूसा केर लिखल नियम केर निहीं बल्कि पवितर आत्मा केर, काले कि मूसा केर लिखल नियम के पूरा नी करले दंड मिलेला, मगर पवितर आत्मा जुग-जुग केर जिंदगी देवेला।

गलातियनमन 2:2

मोंय हूवाँ इ लगिन गेलों काले कि परमेश्‍वर मोके जाएक कइह रहे। जब मोंय हूवाँ गेलों, तो हूवाँ केर बढ़ियाँ समझल जाएक वाला अगुवामन से अलगे मिललों आउर उ शुभ समाचार केर बारे में बतालों, जेके मोंय परजाइत आदमीमन केर माझे परचार काइर रहों। ताकि जे मोंय बितल समय में काइर हों, चाहे जे मोंय आवेक वाला समय में करमूँ उ बेकार ना होवोक।

गलातियनमन 5:5

मगर परमेश्‍वर केर आत्मा हमरे के धरमी ठहराएक लगिन उमीद केर संगे आसरा करेला, जेके देवेक केर करार परमेश्‍वर हमरे से काइर रहे, काले कि हमरे उकर उपरे बिसवास करिला।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

इफिसियनमन 3:20

अब परमेश्‍वर जे एइसन शक्तिशाली अहे कि हमरे केर माँगेक या बिचार करेक से बगरा काम करेक पारेला, उकर शक्ति केर मोताबिक जे हमरे केर भीतरे काम करेला।

फिलिप्पियनमन 2:13

काले कि परमेश्‍वर तोहरे में काम कराथे, आउर इच्छा आउर शक्ति देवाथे कि तोहरेमन ओहे काम करबा जेकर से परमेश्‍वर खुश होवेला।

फिलिप्पियनमन 4:9

तोहरेमन उ शिक्षामन केर पालन करते रहा, जेके मोर से सीख हा, आउर उ आगयामन के, जेके तोहरे मोर से सुइन हा आउर पाय हा, आउर उ उदाहरनमन के, जेके मोंय अपन गोइठ आउर काममन में तोहरे के देखाय हों, तब शांति केर परमेश्‍वर तोहरेमन केर संगे रही।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

2 थिस्सलुनीकियनमन 2:14

जेकर लगिन परमेश्‍वर हमर बताल शुभ समाचार केर द्वारा तोहरे के बचाएक लगिन बोलालक, ताकि तोहरेमन हमर प्रभु यीशु मसीह केर महिमा में भागीदार होवेक पारबा।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

2 तीमुथियुस 2:8

तोंय लगातार यीशु मसीह केर बारे में सोचते रह। जे राजा दाऊद केर बंश हेके, आउर परमेश्‍वर उके मोरलमन में से जियालक, इ ओहे शुभ समाचार हेके जेके मोंय आदमीमन केर माझे परचार करोना।

इब्रानीमन 10:22

तो आवा हमरे अपन मन के शुद्ध काइर के आउर मसीह केर लोहू के हिरदय में छिड़काय के, आउर सफा पानी से अपन काया के धोई के, सच्चा मन आउर पूरा बिसवास केर संगे परमेश्‍वर ठिना आवब।

इब्रानीमन 6:11

से लगिन तोहरे कड़ा मेहनइत करा आउर कोढ़िया ना होवा, तोहरे के धीरज आउर बिसवास केर साथ लगातार इ भला काममन के आखरी तक करते रहेक चाही। आउर परमेश्‍वर जे आशीषमन के देवेक लगिन करार काइर हे उके पावेक लगिन उकर उपरे पक्का आसरा करा।

1 पतरस 1:12

परमेश्‍वर अपन इ संदेश देवेक वालामन के बतालक कि इ संदेश उ मनक खुद लगिन निहीं बल्कि तोहर लगिन रहे। इ संदेश यीशु मसीह केर बारे में शुभ समाचार हेके जेके तोहरेमन एखन सुनला। परमेश्‍वर स्वरग से अपन पवितर आत्मा के भेजलक कि तोहरे के शुभ समाचार परचार करेक में आदमी मनक मदइत करोक। इ सोउब एतना अदभुत अहे कि स्वरगदूतमन हों लालसा से इ सोउब गोइठमन के होते देखत रहैं।

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।

1 पतरस 5:3

आउर जे आदमीमन केर जिमेदारी परमेश्‍वर तोहरे के देई हे, उमन केर उपरे अधिकारीमन नियर अधिकार ना जताबा, मगर उमन लगिन एगो बेस उदाहरन बना।

2 पतरस 1:10

इ खातिर, बिसवासी भाईमन खुद के आउर दोसर आदमीमन के इ देखाएक लगिन आउर हें बेस ब्यवहार करेक केर कोशिश करा कि परमेश्‍वर हकीकत में तोहरे के चुइन हे, आउर अपन होवेक लगिन बोलाय हे। अगर तोहरे एइसन करबा तो सच में तोहरे परमेश्‍वर से अलग नी होबा।

2 पतरस 1:19

हमरेमन हों जानिला कि मसीह केर बारे में परमेश्‍वर केर संदेश के बताएक वालामन जे बचन लीख रहैं, उ बचनमन फिर से उकर घूइर आवेक केर बारे में सफा-सफा बतायला। अगर तोहरे इ बचन में धेयान देबा, तो तोहरे बेस काम करबा, काले कि इ एगो दीया नियर अहे, जे अंधार ठाँव में चमकेला जब तक कि दिन नी निकलेला, आउर मसीह केर इंजोत तोहर दिल में चमकेला, जे नियर बड़ बिहान केर तइरगन दुनिया में इंजोत लानेला।