1थिस्सलुनीकियनमन 1:3 - सादरी नवाँ नियम

³ आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

1थिस्सलुनीकियनमन 1:3 Iomraidhean Croise

यूहन्ना 14:15

अगर तोहरेमन मोर से प्रेम कराला तो मोर आगयामन के मानबा।

यूहन्ना 15:10

अगर तोहरेमन मोर आगयामन के मानबा, तो मोर प्रेम में बनल रहबा, जइसन मोंय अपन आबा परमेश्‍वर केर आगयामन के मानोना, आउर उकर प्रेम में बनल रहोना।

खास चेलामन केर काम 10:31

आउर कहेक लगलक, ‘हे कुरनेलियुस! तोर प्रार्थना आउर तोर देवल दान परमेश्‍वर ठिना पोंहइच जाय हे, परमेश्‍वर तोके याइद काइर हे।

खास चेलामन केर काम 3:19

से लगिन पाप करेक छोइड़ देवा आउर परमेश्‍वर बटे घूइर आवा ताकि तोहर पाप क्षमा करल जाई, तब परमेश्‍वर बटे से आत्मिक ताजगी केर बेरा आवी।

रोमानियनमन 12:12

जे आसरा तोहरे ठिना अहे, उकर में खुश रहा, बिपइत में धीरज धरा, रोज दिन प्रार्थना में लगल रहा।

रोमानियनमन 15:13

मोंय प्रार्थना करोना कि परमेश्‍वर जे आसरा करेक केर सोता हेके, तोहरेमन के बिसवास करेक में सोउब रकम केर खुशी, आनंद आउर शांति से भरपूर करोक कि पवितर आत्मा केर शक्ति से तोहर आसरा बढ़ते जाओक।

रोमानियनमन 15:4

जेतना गोइठमन पहिले से पवितर किताब में लिखल अहे, उमन हमरे हें केर शिक्षा लगिन लिखल जाय हे, ताकि हमरे धीरज आउर बिसवास में मजबूत होवब, जेके हमरे पवितर किताब से पाविला, ताकि हमरे ठिना आसरा रही।

रोमानियनमन 16:26

इ भेद केर गोइठमन परमेश्‍वर केर संदेश के बताएक वालामन केर पवितर किताब में लिखल जाएक से आउर जुग-जुग रहेक वाला परमेश्‍वर केर आगया से सोउब जाइत केर आदमीमन के पता चललक, ताकि उमन बिसवास करबैं आउर मानबैं।

रोमानियनमन 16:6

आउर मरियम के जे तोहर लगिन ढेइर मेहनइत करलक, जोहार।

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

1 कुरिनथियनमन 13:13

तो हमर परमेश्‍वर में बिसवास आउर आसरा, आउर हमर परमेश्‍वर लगिन प्रेम आउर हमर संगी बिसवासीमन लगिन प्रेम, इ तीनों सोउब दिन ले बनल रही, मगर इमन में से सोउब से बढ़ियाँ प्रेम हेके।।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

2 कुरिनथियनमन 2:17

काले कि हमरे उ ढेइरमन केर जइसन नखी, जेमन परमेश्‍वर केर बचन के रुपया लगिन परचार करैना, मगर हमरे हमेशा परमेश्‍वर केर भीरे मसीह केर द्वारा ईमानदारी से गोठियाइला।

गलातियनमन 1:4

हमर आबा परमेश्‍वर केर इच्छा केर मोताबिक मसीह यीशु खुद के हमरे केर पापमन केर क्षमा लगिन बलिदान काइर देलक। ताकि हमरे इ दुनिया केर आदमीमन केर बुरा असर से बचल रहब।

गलातियनमन 5:13

हे बिसवासी भाईमन, तोहरेमन के परमेश्‍वर बटले आजाद होवेक लगिन चुनल जाय हे। अब तोहरे के मूसा केर नियम के मानेक केर जरुरत नखे। मगर इ आजादी तोहरे केर अपन काया केर इच्छामन के पूरा करेक केर मोका ना बाइन जाओक, से लगिन प्रेम से एक दोसर केर सेवा करा।

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

गलातियनमन 6:9

हमरे के भला काम करेक में निराश नी होवेक चाही, काले कि अगर हमरे हार नी मानब, तो परमेश्‍वर केर अपन समय में हमरे के इनाम मिली।

1थिस्सलुनीकियनमन 3:6

मगर एखन तीमुथियुस जे तोहर ठिना से हमर हिंयाँ आय हे, तोहरे केर बिसवास आउर प्रेम केर बारे में शुभ समाचार सुनालक। आउर इ गोइठ के हों सुनालक कि तोहरेमन सोउब बेरा प्रेम केर संगे हमरे के याइद कराला, आउर हमरे के देखेक केर इच्छा रखाला, जइसन हमरे हों तोहरेमन के देखेक चाहिला।

2 थिस्सलुनीकियनमन 1:11

इ लगिन हमरे लगातार तोहरे ले प्रार्थना हों करिला, ताकि परमेश्‍वर तोहरेमन के उके करेक केर लाएक बनाओक, जेके करेक लगिन उ तोहरे के बोलाय हे, आउर उ अपन शक्ति से तोहर हर भला इच्छा के पूरा करोक आउर हर उ काम के सफल करोक, जे तोहरे केर बिसवास केर बदली में अहे।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

1 तीमुथियुस 1:14

मगर हमर प्रभु केर किरपा, बिसवास आउर प्रेम केर संगे भरपूरी से मोर उपरे होलक, काले कि मोंय मसीह यीशु केर संगे एकजूट अहों।

1 तीमुथियुस 2:3

एइसन प्रार्थना करेक ठीक अहे आउर हमर छुटकारा देवाइया परमेश्‍वर इके ग्रहण करेला।

इब्रानीमन 10:36

तोहरे के लगातार बिसवास में धीरज से आसरा देखते रहेक चाही, तब तोहरे परमेश्‍वर केर इच्छा के पूरा करेक पारबा, आउर तोहरे उ सोउब के पाबा जेकर करार परमेश्‍वर तोहरे से काइर हे।

इब्रानीमन 11:17

बिसवास से हें अब्राहम, जब परमेश्‍वर उके परखलक तो अपन एकलौता बेटा इसहाक के बलिदान केर रूप में चढ़ाएक लगिन तेयार होलक। जे बेटा केर बारे में परमेश्‍वर अब्राहम से करार काइर रहे, “इसहाक से तोर बंश गिनल जाई,” अब्राहम माइन लेलक कि परमेश्‍वर शक्तिशाली अहे, जे मोरलमन के हों जियायला, आउर उ इसहाक के दोबारा पावेक नियर वापस पाय गेलक।

इब्रानीमन 4:11

से लगिन हमरे के उ आराम केर ठाँव में जाएक लगिन कड़ा मेहनइत करेक अहे, हमर में से केखो उमन नियर नी होवेक चाही, जेमन परमेश्‍वर केर आगया के मानेक से इनकार काइर देलैं, जब हमरे परमेश्‍वर केर आगयामन के मानब तब हें हमरे आराम केर ठाँव में जाएक पारब।

इब्रानीमन 6:15

अब्राहम ढेइर समय तक धीरज धारल केर पाछे करार केर फल पालक।

1 पतरस 3:4

तोहरे के खुद के एइसन गुणमन से सुंदर बनाएक चाही जे नी मेटेला, इ एगो नरम स्वभाव आउर शांत स्वभाव हेके, जे कि इ परमेश्‍वर लगिन ढेइर किमती अहे।

1 यूहन्ना 3:18

हे दुलार छउवामन, हमरेमन बचन आउर गोइठमन से हें निहीं, मगर काममन आउर सच्चाई से हों प्रेम करब।

1 यूहन्ना 3:21

हे दुलार भाईमन, अगर हमरेमन केर मन हमरे के दोष नी देवी तो हमरे के परमेश्‍वर केर सामने आवेक केर साहस होवेला।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।

1 यूहन्ना 5:3

परमेश्‍वर से प्रेम करेक केर मतलब इ हेके कि हमरेमन उकर आगयामन के मानब आउर उकर आगयामन के मानेक कठिन नखे।

प्रकाशितवाक्य 2:19

मोंय तोर काममन, तोर प्रेम आउर बिसवास आउर सेवा, आउर धीरज के जानोना, आउर एहो जानोना कि तोर पिछला काम पहिले केर काममन से बाइढ़ के अहे।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।