1थिस्सलुनीकियनमन 1:2 - सादरी नवाँ नियम

² हमरेमन अपन प्रार्थनामन में तोहरेमन के याइद करिला आउर सोउब बेरा तोहरे केर बारे में परमेश्‍वर के धन्यबाद देवीला।

1थिस्सलुनीकियनमन 1:2 Iomraidhean Croise

रोमानियनमन 6:17

पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना।

1 कुरिनथियनमन 1:4

मोंय तोहर बारे में अपन परमेश्‍वर के सोउब बेरा धन्यबाद देवोना, काले कि यीशु मसीह में एक होवेक केर चलते परमेश्‍वर अपन किरपा से तोहरेमन के ढेइर आशीषमन के देई हे।

कुलुसियनमन 1:3

जब हमरे तोहर लगिन प्रार्थना करिला, तब हमरे अपन प्रभु यीशु मसीह केर आबा मतलब परमेश्‍वर केर धन्यबाद करिला।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

1थिस्सलुनीकियनमन 3:9

आउर जे खुशी हमरे के तोहर चलते अपन परमेश्‍वर केर सामने अहे, उकर बदला तोहर बारे में हमरे परमेश्‍वर के का नियर भरपूर धन्यबाद देवब?

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

फिलेमोन 1:4

मोंय जखनोहों तोर लगिन प्रार्थना करोना, हमेशा तोर लगिन परमेश्‍वर के धन्यबाद देवोना।