1 पतरस 5:9 - सादरी नवाँ नियम

⁹ तोहरे के अपन मजबूत बिसवास केर संगे उकर बिरोध करेक चाही, याइद रखा कि तोहरे केर मसीही भाई-बहिनमन जे पूरा दुनिया में रहाथैं, एहे लेखे केर दुःखमन के सहाथैं जइसन तोहरे सहाथा।

1 पतरस 5:9 Iomraidhean Croise

लूका 22:32

मगर मोंय तोर लगिन प्रार्थना काइर हों कि तोंय मोर उपरे बिसवास करेक नी छोड़बे आउर जब तोंय बिसवास में मजबूत होई जाबे तब अपन भाईमन के हों मोर उपरे बिसवास करेक लगिन स्थिर करबे।”

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

खास चेलामन केर काम 14:22

उमन हरेक नगर में चेलामन के मजबूत आउर बिसवास में स्थिर रहेक लगिन इ उपदेस देवत रहैं कि हमरे के ढेइर दुःख साइह के स्वरग राइज में जाएक होवी।

1 कुरिनथियनमन 10:13

तोहरेमन कोनों एइसन परीक्षा में नी पाइड़ हा, जे आदमी केर सहेक से बाहर अहे। आउर परमेश्‍वर बिसवास लायक अहे, उ तोहरेमन के सहेक से बाहर परीक्षा में पड़ेक नी देवी, बल्कि परीक्षा से बचेक में मदइत करी।

इफिसियनमन 4:27

आउर तोहरे शैतान के लुभवाएक ले मोका ना देबा।

इफिसियनमन 6:16

आउर उ सोउब केर साथ परमेश्‍वर में बिसवास करा, इ अपने आप के रक्षा करेक लगिन एगो ढाल के धाइर रहेक नियर अहे, ताकि तोहरे दुष्ट शैतान केर तीर के रोकेक पारबा जे आइग नियर अहे।

कुलुसियनमन 2:5

काले कि अगर मोंय तोहरेमन से दूर अहों, फिन भी मोंय एइसन अहों जइसन तोहर संगे हें अहों, आउर नियम मोताबिक तोहर चाइल-चलन, आउर मसीह उपरे पोक्ता बिसवास के देइख के खुश अहों।

1थिस्सलुनीकियनमन 3:3

ताकि केऊ इ दुःखमन केर चलते बिसवास के छोइड़ ना देवोक, काले कि तोहरेमन खुद जानाला कि हमरे के दुःख उठाएक पड़ी।

1 तीमुथियुस 6:12

लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

2 तीमुथियुस 3:12

मगर जेतना आदमीमन मसीह यीशु में भक्ति केर संगे जिंदगी बिताएक चाहैना उमन सोउब सताल जाबैं।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

इब्रानीमन 11:33

इमन बिसवास करेक केर चलते राइज जितलैं, धरमी बनेक केर काम करलैं, करार करल चीजमन के पालैं, बाघ उमन के नी खालक।

इब्रानीमन 12:8

अगर उ ताड़ना जेकर भागी सोउब होवैना, तोहरे केर नी होलक, तो तोहरेमन बेटा ना लगा, मगर ब्यभिचार केर संतान ठहरला।

याकूब 4:7

से लगिन तोहरेमन परमेश्‍वर केर अधीन होई जावा आउर शैतान केर सामना करा, तो उ तोहर ठिना से भाइग जाई।

1 पतरस 1:6

तोहरे के इ सोउब गोइठमन केर बारे में खुश होवेक चाही, जबकि एखन थोरेक समय लगिन रकम-रकम केर दुःखमन से दुःखी अहा।

1 पतरस 2:21

आउर तोहरेमन परमेश्‍वर बटले एहे लगिन चुनल जाय हा कि तोहरे भला काइर के हों उकर ले दुःख सहबा। मसीह हों तोहर लगिन दुःख उठाय के तोहरेमन के एगो नमूना देई के जाय हे, उ जे कोनों काइर हे तोहरे हों तइसनेहें करा।

1 पतरस 3:14

अगर तोहरेमन सही अहा आउर सही काम करेक केर खातिर दुःख हों सहाला, तो परमेश्‍वर तोहरे के आशीष देवी, तइसनेहें करा जइसन परमेश्‍वर केर संदेश के बताएक वाला यशायाह लीख रहे, “उ आदमीमन से ना डरावा, जेमन तोहरे के डरुवायना आउर इ गोइठ केर फिकिर ना करा कि आदमीमन का करेक पारैना।”

1 पतरस 4:13

सिरिफ इकर बारे में खुश रहा, काले कि तोहरे के उ दुःखमन में एक हिस्सा मिल हे जे मसीह के मिल रहे। इकर चलते, जब मसीह सोउब आदमीमन उपरे अपन महिमा के दिस्तार करेक लगिन फिन से आवी, तो तोहर खुशी सच में बाड़ होवी।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 6:11

आउर उमन में से हरेक के चरका लुगा देवल गेलक आउर उमन से कहल गेलक कि थोरेक देरी आउर धीरज धरा, जब तक कि तोहर संगी सेवकमन आउर भाई-बहिन केर हिसाब पूरा नी होई जाई, जे उमन केर नियर माइर मोराल जाएक अहैं।

प्रकाशितवाक्य 7:14

मोंय उके जबाब देलों, “हे मालिक, तोंय हें जानिसला।” उ मोर से कहलक, “इमन उमन हेकैं, जे उ बड़का दुःख में से निकइल के आय हैं, इमन अपन-अपन लुगा के मेमना केर लोहू में धोई के चरका काइर हैं।