1 पतरस 5:8 - सादरी नवाँ नियम

⁸ सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

1 पतरस 5:8 Iomraidhean Croise

मत्ती 13:39

जे दुश्मन जंगली बिहीन बुनलक उ शैतान हेके, कटनी दुनिया केर अंत हेके, आउर काटेक वालामन परमेश्‍वर केर दूतमन हेकैं।

मत्ती 24:42

से लगिन जागते रहा, काले कि तोहरेमन नी जानाला कि तोहरे केर प्रभु कोन दिन आवी।

मत्ती 25:41

तब मोंय राजा लेंगा बटे केर आदमीमन से कहमूँ, ‘हे सरपाल आदमीमन, मोर सामने से दूर होई जावा आउर उ जुग-जुग बारेक वाला आइग में चाइल जावा, जेके शैतान आउर उकर दूतमन लगिन तेयार करल जाय हे।

मत्ती 4:1

इकर पाछे पवितर आत्मा यीशु के सुनसान ठाँव में लेई गेलक ताकि शैतान उके परखोक।

मत्ती 4:11

तब शैतान यीशु ठिना से चाइल गेलक आउर स्वरगदूतमन आय के उकर सेवा करेक लगलैं।

मरकुस 4:15

थोरेक आदमीमन उ डहर किनारे केर भूंई नियर अहैं, जेकर उपरे बिहीन गिरलक, उमन परमेश्‍वर केर बचन के तो सुनैना, मगर शैतान तुरते आय के उ मनक मन से बचन के मेटाय देवेला, जे बचन के उमन सुइन रहैना।

लूका 21:34

से लगिन तोहरेमन सावधान रहा, कहीं एइसन ना होवोक कि तोहरेमन माउज-मस्ती, नशापान आउर इ दुनिया केर चिंतामन से सुस्त होई जबा आउर उ दिन अचका एगो फंदा नियर तोहर उपरे आय जाई।

लूका 21:36

से लगिन जागते रहा आउर सोउब बेरा प्रार्थना करते रहा, जेकर से तोहरेमन इ सोउब आवेक वाला बिपइतमन से बचेक आउर मोंय आदमी केर बेटा केर सामने ठड़ाएक केर लायक बनेक पारबा।”

लूका 22:31

यीशु आगे कहलक, “सिमोन, हे सिमोन, देख, शैतान तोहर परीक्षा करेक लगिन परमेश्‍वर से इजाजत माँइग लेई हे, बेस आदमीमन के बुरा आदमीमन से अलग करेक लगिन, जइसन एगो किसान गोहोम के भूसा से अलग करेला।

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

2 कुरिनथियनमन 2:11

शैतान के हमरे से कोनों फायदा उठाएक ना देवा, काले कि हमरे जानिला कि उ हमेशा हमरे के पाप में गिराएक लगिन लगल रहेला।

इफिसियनमन 4:27

आउर तोहरे शैतान के लुभवाएक ले मोका ना देबा।

इफिसियनमन 6:11

परमेश्‍वर केर सोउब हँथियार के धाइर लेवा, ताकि तोहरेमन शैतान केर चाल-बाजी से लाइड़ के जितेक पारबा।

1 तीमुथियुस 2:15

फिन भी छउवा जनम देवेक केर चलते जनानामन बाइच जाबैं, अगर उमन यीशु मसीह में बिसवास रखबैं, दोसरमन से प्रेम करबैं आउर शुद्ध आउर संयम सहित जिंदगी बिताबैं, तो परमेश्‍वर उमन के बचाय लेवी।

1 तीमुथियुस 2:9

ओहे नियर मोंय चाहोना कि बिसवासी जनानामन के हों, उचित तरीका से लुगा पिंधेक चाही, जे कि सभ्य आउर स्वीकार लायक होवोक, आउर बाल के एइसन गूँथोक कि जेके देखेक ले दोसरमन आकर्षित ना होवोक, आउर ना ही दोसरमन के देखाएक लगिन सोना आउर मोतीमन आउर ना महंगा लुगा पिंधोक।

1 तीमुथियुस 3:11

एहे नियर कलीसिया में सेवकमन केर जनानामन के हों, आदर केर लायक होवेक चाही, दोसरमन केर निंदा करेक वाला नी होवेक चाही, उके शांत आउर सोउब गोइठमन में बिसवास लायक होवेक चाही।

1 तीमुथियुस 3:2

से लगिन अगुवा के निरदोष, आउर सिरिफ एके गो जनाना केर पति, संयम से रहेक वाला, आउर जे कोनों उ करेला उकर में खुद कब्जा करेक वाला, सभ्य, अपन घर में गोतियामन केर खातिरदारी करेक वाला, आउर सिखाएक में होशियार होवेक चाही।

2 तीमुथियुस 4:17

मोंय यीशु मसीह केर बारे में संदेश के परजाइत आदमीमन के सफा-सफा बताएक पारलों, ताकि उमन शुभ समाचार के सुनोक, मगर प्रभु मोर मदइतगार रहलक, आउर मोके शक्ति देलक ताकि मोर द्वारा पूरा-पूरा परचार होवोक, आउर सोउब जाइत केर आदमीमन सुइन लेवोक, मोंय तो बाघ केर मुँह से बचेक नियर माउत से छोड़ाल गेलों।

तीतुस 1:8

मगर उके गोतियामन से प्रेम करेक वाला आउर सेवा सत्कार करेक वाला, भलाई करेक केर इच्छा रखेक वाला, संयम से रहेक वाला, गलती केर पक्ष नी लेवेक वाला, पवितर आउर काया केर अंगमन के काबू में रखेक वाला होवेक चाही।

तीतुस 2:12

आउर अपन किरपा से परमेश्‍वर हमरे के सिखायला कि हमरे ओइसन ब्यवहार करेक छोइड़ देवब जे उके खुश नी करेला। आउर जे चीजमन केर इच्छा अबिसवासीमन करैना उकर इच्छा हमरे नी करब, आउर जबकि हमरे एखन इ दुनिया में हें अही, तो बुद्धिमानी आउर भक्ति केर संग इ नियर काम करब जे परमेश्‍वर के खुश करेला।

तीतुस 2:2

मतलब बूढ़ा आदमी के संयम आउर एइसन समझदारी से ब्यवहार करेक चाही, ताकि आदमीमन उकर आदर करबैं। आउर उके परमेश्‍वर उपरे पक्का बिसवास करेक चाही, आउर दोसरमन के सच्चाई से प्रेम करेक आउर दुःखमन में धीरज धारेक चाही।

तीतुस 2:4

ताकि उमन एगो बेस नमूना देखाबैं आउर जवान जनानामन के सलहा देवेक केर लायक होबैं, ताकि जवान जनानामन अपन पतिमन आउर छउवामन से प्रेम रखोक।

तीतुस 2:6

एइसनेहें जवान मरदानामन के हों समझाव, कि संयम आउर समझदारी से काम करोक।

याकूब 4:7

से लगिन तोहरेमन परमेश्‍वर केर अधीन होई जावा आउर शैतान केर सामना करा, तो उ तोहर ठिना से भाइग जाई।

1 पतरस 1:13

इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

प्रकाशितवाक्य 12:10

फिन मोंय स्वरग में से जोर से इ कहते सुनलों, “अब हमर परमेश्‍वर केर छुटकारा, शक्ति, राइज आउर उकर मसीह केर अधिकार दिस्तार होई हे, काले कि हमर भाईमन उपरे दोष लगाएक वाला, जे राइत दिन हमर परमेश्‍वर केर भीरे उ मनक उपरे दोष लगाते रहत रहे, गिराय देवल गेलक।

प्रकाशितवाक्य 12:12

से लगिन, हे स्वरगमन आउर उकर में रहेक वाला आदमीमन, खुशी मनावा। मगर हे धरती आउर समुदर, तोहर उपरे हाय! काले कि शैतान तोहर ठिना पोंहइच जाय हे, उ खीस से भरल अहे, काले कि उके पता होई जाय हे कि उकर थोरहें समय आउर बचल अहे।”

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 20:10

आउर उमन के बहकाएक वाला शैतान आइग आउर गंधक केर उ झील में, जेकर में उ खूंखार जानवर आउर झूठा संदेश देवेक वाला आदमी हों होवी, साइज देवल जाई, आउर उमन जुग-जुग राइत दिन बाथा में तड़पते रहबैं।

प्रकाशितवाक्य 20:2

उ अजगर के मतलब पुरना साँप के, जे इबलीस आउर शैतान हेके, धाइर के हजार बरिस केर लगिन बाइंध देलक।