1 पतरस 5:4 - सादरी नवाँ नियम

⁴ जब यीशु मसीह, जे कि हमरे केर मुध चरवाहा हेके, दोबारा फिन से घूइर आवी, तब तोहरे के एगो इनाम देवी जे कहियो अपन चमक के नी हेराई।

1 पतरस 5:4 Iomraidhean Croise

यूहन्ना 10:11

बेस चरवाहा मोंय हेकों, बेस चरवाहा अपन भेड़ीमन लगिन अपन जीउ के बलिदान काइर देवेला।

1 कुरिनथियनमन 9:25

आउर हरेक पहलवान अपन काया केर सोउब रकम केर इच्छामन के रोकेला, उ तो एगो मुरझाएक वाला मुकुट के पावेक लगिन इ सोउब के करेला। मगर हमरे तो उ मुकुट के पावेक लगिन मेहनइत करिला जे मुरझाएक वाला नखे।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

इब्रानीमन 13:20

आउर अब शांति केर परमेश्‍वर, जे हमर प्रभु यीशु के मोरल में से फिन जियालक, तोहरे के उकर इच्छा के पूरा करेक लगिन सोउब रकम से तेयार करोक, यीशु मसीह केर शक्ति से परमेश्‍वर तोहर में उ काममन के करुवाओक, जे उके खुश करेला। यीशु मसीह अपन लोहू बहाय के बलिदान होवेक केर चलते, भेड़ीमन केर महान चरवाहा बनलक, जेकर से जुग-जुग केर करार उपरे मोहर लाइग गेलक। उकर महिमा लगातार होते रहोक आमीन।

याकूब 1:12

धाइन अहे उ आदमी, जे परीक्षा में स्थिर रहेला, काले कि उ खरा निकइल के जिंदगी केर उ मुकुट के पावी, जेकर करार प्रभु अपन प्रेम करइयामन से काइर हे।

1 पतरस 1:4

हमरे उ जयजाद के पावेक केर आसरा कराथी, जेके परमेश्‍वर हमर लगिन तेयार काइर हे, जे चीजमन के केऊ कहियो नाश करेक नी पारी। आउर उ कहियो पुरना नी होवी, परमेश्‍वर उ चीजमन के स्वरग में हमरे लगिन राइख हे।

1 पतरस 2:25

पहिले तोहरेमन हेराल भेड़ीमन नियर रहा, मगर अब तोहरेमन तोहर आत्मामन केर चरवाही आउर देखभाल करेक वाला अगुवा मसीह ठिना घूइर जाय हा।

1 पतरस 5:2

उ बिसवासीमन केर उ झूँड़ केर देखभाल करा, जे परमेश्‍वर केर हेके आउर जेके तोहरे के देखभाल करेक ले जिमा देवल जाय हे। खुशी से उमन केर देख-भाल करा, इ लगिन निहीं कि तोहरे मजबूर अहा। एहे परमेश्‍वर चाहेला कि तोहरे करा, इ काम नीच कमाई लगिन ना करा मगर परमेश्‍वर आउर आदमीमन केर सेवा करेक केर इच्छा से करा।

1 यूहन्ना 3:2

हे दुलार भाई बहिनमन, अब हमरेमन परमेश्‍वर केर संतान हेकी आउर आवेक वाला दिनमन में हमरेमन कइसन होवब इ एखन तक दिस्तार नी होई हे। बस हमरेमन एतना हें जानिला कि जब मसीह देखाई देवी तो हमरेमन हों उकर नियर बाइन जाब, काले कि हमरेमन उके तइसनेहें देखब जइसन उ हकीकत में अहे।

प्रकाशितवाक्य 1:7

देखा, उ बदरीमन केर संगे आवेक वाला अहे, आउर हर एक आदमीमन उके देखबैं, बल्कि जेमन उके बरछा से बेइध रहैं, उमन हों उके देखबैं, आउर धरती केर सोउब आदमीमन बिलाप करबैं। हाँ, इ होवी। आमीन।

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।

प्रकाशितवाक्य 3:11

मोंय जल्दी हें आवेक वाला अहों, जे गेयान तोर ठिना अहे, उकर में मजबूत बनल रह ताकि केऊ तोर मुकुट के लुटेक ना पारोक।