1 पतरस 5:3 - सादरी नवाँ नियम

³ आउर जे आदमीमन केर जिमेदारी परमेश्‍वर तोहरे के देई हे, उमन केर उपरे अधिकारीमन नियर अधिकार ना जताबा, मगर उमन लगिन एगो बेस उदाहरन बना।

1 पतरस 5:3 Iomraidhean Croise

यूहन्ना 13:15

काले कि मोंय तोहरेमन के उदाहरन देखाय हों, जइसन मोंय तोहर संगे काइर हों, तइसनेहें तोहरेमन हों करते रहबा।

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

1 कुरिनथियनमन 11:11

फिन भी प्रभु में जनाना केर बिना मरदाना कोनोवें ना लगे, आउर मरदाना केर बिना जनाना हों कोनोवें ना लगे।

1 कुरिनथियनमन 3:5

अपुल्लोस के हेके? आउर पौलुस के हेके? उमन सिरिफ परमेश्‍वर केर सेवक हेकैं, जेमन केर द्वारा तोहरेमन मसीह में बिसवास करला, हमर में से हरेक झन उ काम के करली जेके प्रभु हमरे के करेक लगिन देई रहे।

1 कुरिनथियनमन 3:9

काले कि हमरे परमेश्‍वर केर संगे काम करेक वाला हेकी, आउर तोहरेमन एगो खेत नियर अहा जे परमेश्‍वर केर हेके।

2 कुरिनथियनमन 1:24

इ निहीं कि हमरे बिसवास केर बारे में तोहरेमन उपरे हक जमाएक चाहिला, मगर तोहर खुशी में साथ देवेक चाहिला, काले कि तोहरेमन बिसवास से हें स्थिर रहाला।

2 कुरिनथियनमन 4:5

काले कि हमरे खुद के निहीं, मगर यीशु मसीह के परचार करिला कि यीशु मसीह प्रभु हेके, आउर अपन बारे में इ कहिला कि हमरे यीशु केर चलते तोहर सेवक हेकी।

फिलिप्पियनमन 3:17

हे भाईमन, तोहरेमन सोउब मिल के मोर जइसन चाइल चला, आउर उमन के हों धेयान से देखबा, जेमन मोर जइसन चाइल चलैना।

फिलिप्पियनमन 4:9

तोहरेमन उ शिक्षामन केर पालन करते रहा, जेके मोर से सीख हा, आउर उ आगयामन के, जेके तोहरे मोर से सुइन हा आउर पाय हा, आउर उ उदाहरनमन के, जेके मोंय अपन गोइठ आउर काममन में तोहरे के देखाय हों, तब शांति केर परमेश्‍वर तोहरेमन केर संगे रही।

1थिस्सलुनीकियनमन 1:7

हिंयाँ तक कि मकिदुनिया परदेस आउर अखया परदेस केर सोउब बिसवासीमन लगिन तोहरेमन नमूना बनला।

2 थिस्सलुनीकियनमन 3:9

हमरे कड़ा मेहनइत इ लगिन नी करली कि हमरे के तोहर से अपन खाएक माँगेक केर अधिकार नखे, मगर इ लगिन करली कि हमरे खुद के तोहर माझे एगो नमूना देखाब, ताकि तोहरेमन हमरे जइसन चाइल चलबा।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।