1 पतरस 5:13 - सादरी नवाँ नियम

¹³ बेबीलोन शहर जे रोम देस में अहे, हूवाँ केर बिसवासीमन तोहरे के जोहार कहैना जेमन के आबा परमेश्‍वर चुइन हे जइसन मसीह तोहरे के चुइन हे। मरकुस, जे मोर लगिन एगो बेटा नियर अहे, उ हों तोहरे के जोहार कहेला।

1 पतरस 5:13 Iomraidhean Croise

खास चेलामन केर काम 12:12

आउर इ जाइन के कि परमेश्‍वर उके बचाय लेई हे। पतरस, उ यूहन्ना जे मरकुस कहायला उकर आयो मरियम केर घर आलक। हूवाँ ढेइर बिसवासी आदमीमन जमा होई के उकर लगिन प्रार्थना करत रहैं।

खास चेलामन केर काम 12:25

बरनाबास आउर शाऊल यहूदिया परदेस केर यरुशलेम शहर में यहूदी बिसवासीमन केर मदइत करेक केर पाछे हूवाँ से अन्ताकिया शहर घूइर आलैं। उमन अपन संगे यूहन्ना के जे मरकुस कहायला लेई आलैं।

खास चेलामन केर काम 15:37

बरनाबास यूहन्ना के हों जे मरकुस कहायला अपन संगे लेगेक चाहत रहे।

खास चेलामन केर काम 15:39

इकर बारे में दुयो झन में एतना बहस होलक कि उमन एक-दूसरा से अलग होई गेलैं। आउर बरनाबास, मरकुस के लेई के पानी जहाज में साइप्रस टापू चाइल गेलक।

कुलुसियनमन 4:10

अरिस्तर्खुस जे मोर संगे जेहेल में अहे, आउर बरनाबास केर रिश्तेदार मरकुस बटले तोहरेमन के जोहार। मरकुस केर बारे में तोहरे के आगे हें बताल जाय रहे कि अगर उ तोहर ठिना आवी, तो उकर बेस लेखे स्वागत करबा।

फिलेमोन 1:24

आउर मरकुस आउर अरिस्तर्खुस आउर देमास आउर लूका जेमन मोर संगे प्रभु केर काम करैना इमन बटले हों तोके जोहार।

2 यूहन्ना 1:1

इ चिट्ठी मोंय यूहन्ना बटले हेके जे कलीसिया केर अगुवा हेकों। मोंय इ चिट्ठी उ खास बहिन के आउर उकर छउवा-पुतामन के लिखाथों, जेमन के परमेश्‍वर चुइन के राइख हे। मोंय तोहरेमन से सच्चा प्रेम करोना, सिरिफ मोंय हें निहीं मगर ओहोमन प्रेम करैना जेमन सच्चाई के जानैना।

2 यूहन्ना 1:13

तोर बहिन केर छउवामन जेमन के परमेश्‍वर चुइन हे तोहरेमन के जोहार कहैना।

प्रकाशितवाक्य 17:5

उकर माथा उपरे एक नाँव लिखल रहे जेकर मतलब लुकल रहे। इ लेखे रहे, “महान देस बेबीलोन धरती केर बेश्यामन आउर घिनघिना चीजमन केर आयो।”

प्रकाशितवाक्य 18:2

उ जोर से कहलक, “धाँइस गेलक, महान देस बेबीलोन धाँइस जाय हे! उ भूतमन केर डेरा आउर हर एक अशुद्ध आत्मामन केर अड्डा आउर हर एक अशुद्ध आउर घिनघिना चरई केर अड्डा बाइन गेलक।