1 पतरस 5:12 - सादरी नवाँ नियम

¹² मोंय इ चिट्ठी थोरेक शबदमन में सीलास केर मदइत से लीख हों आउर तोहरे के भेइज हों। मोंय उके एक बिसवास लायक भाई केर रूप में मानोना। मोर इके लिखेक केर मकसद तोहरे के उसकाएक आउर बिसवास दिवाएक हेके कि जे कुछ हों तोहरे महसूस कराथा, उ सच में तोहर परती परमेश्‍वर केर किरपा केर हिस्सा हेके। इ किरपा में मजबूत बनल रहा।

1 पतरस 5:12 Iomraidhean Croise

यूहन्ना 21:21

उके देइख के पतरस यीशु से पूछलक, “हे प्रभु, इकर संगे का होवी?”

खास चेलामन केर काम 11:23

जब बरनाबास हूवाँ पोहोंचलक तो उ परमेश्‍वर केर किरपा देइख के ढेइर खुश होलक। आउर उ सोउबमन के तन-मन केर साथ प्रभु यीशु में बनल रहेक लगिन उपदेस देलक।

खास चेलामन केर काम 15:22

तब यरुशलेम शहर में सोउब बिसवासीमन आउर यीशु केर चुनल खास चेलामन आउर कलीसिया केर अगुवामन के इ गोइठ बेस लगलक आउर इ बिचार करलैं कि अपन में से थोरेक आदमीमन के चुइन के पौलुस आउर बरनाबास केर संगे अंताकिया शहर भेजब। उमन यहूदा के जे बरसब्बा कहायला, आउर सीलास के चुनलैं, उमन बिसवासी भाईमन में मुध आदमी रहैं।

खास चेलामन केर काम 20:24

मगर मोके अपन प्राण से कोनों मोह-माया नखे, मोंय तो सिरिफ उ सेवकाई के पूरा करेक चाहाथों, जेके प्रभु यीशु मसीह मोके जिम्मा देई हे, मतलब परमेश्‍वर केर किरपा केर शुभ समाचार के सच्चाई से परचार करमूँ।

रोमानियनमन 5:2

जेकर से बिसवास करेक केर चलते, यीशु मसीह हमरे के उ किरपा केर नीचे लाइन हे जहाँ हमरे एखन खड़ा अही, आउर हमरे पूरा आसरा आउर आनंद से परमेश्‍वर केर महिमा के बाँटते आगे देखाथी।

1 कुरिनथियनमन 15:1

हे बिसवासी भाईमन, मोंय तोहरेमन के ओहे शुभ समाचार के याइद करवावना जेके पहिले सुनाय चुइक हों, जेके तोहरेमन बिसवास हों काइर रहा आउर जेकर में तोहरेमन एखन तक स्थिर हों बनल अहा।

2 कुरिनथियनमन 1:19

काले कि परमेश्‍वर केर बेटा यीशु मसीह केर परचार, हमरे, मतलब मोंय पौलुस, सीलास आउर तीमुथियुस केर जरिया से तोहर माझे होलक, उकर में कभी हाँ, आउर कभी निहीं, दुइयो नी रहे, मगर उकर में हाँ, आउर हाँ हें रहे।

2 कुरिनथियनमन 1:24

इ निहीं कि हमरे बिसवास केर बारे में तोहरेमन उपरे हक जमाएक चाहिला, मगर तोहर खुशी में साथ देवेक चाहिला, काले कि तोहरेमन बिसवास से हें स्थिर रहाला।

इफिसियनमन 3:3

मतलब परमेश्‍वर केर लुकल योजना जे ढेइर पहिले लुकल रहे, मगर परमेश्‍वर मोके देखालक। मोंय पहिलेहें इकर बारे में थोरे-थोरे लीख चुइक हों।

इफिसियनमन 6:21

तुखिकुस जे दुलार भाई आउर प्रभु में बिसवास लाएक सेवक हेके तोहरेमन के सोउब गोइठमन के बताय देवी, ताकि तोहरेमन हों इके जाइन जावा कि मोंय का कराथों।

कुलुसियनमन 1:7

ओहे शिक्षा तोहरेमन हमर संगे काम करेक वाला दुलार इपफ्रास से सीख हा, जे हमर लगिन मसीह केर बिसवास लाइक सेवक हेके।

कुलुसियनमन 4:7

भाई तुखिकुस जे एगो बिसवास लायक सेवक हेके आउर प्रभु केर सेवा में मोर संगे काम करेक वाला हेके। उ तोहरे के मोर बारे में सोउब गोइठमन के बताय देवी।

कुलुसियनमन 4:9

उकर संगे मोंय उनेसिमुस के हों भेइज हों। उ बिसवास लायक आउर दुलारा भाई हेके आउर उ तोहर शहर केर हें हेके। इ दुयो तोहरे के हिंयाँ केर सोउब गोइठमन के बताय देबैं।

1थिस्सलुनीकियनमन 1:1

इ चिट्ठी मोंय पौलुस आउर सीलास आउर तीमुथियुस बटले हेके। जेके हमरे थिस्सलुनीके शहर केर कलीसिया केर बिसवासीमन केर नाँव में लीख ही, जेमन आबा परमेश्‍वर आउर प्रभु यीशु मसीह में जुड़ल अहैं। मोंय प्रार्थना करोना कि परमेश्‍वर तोहरेमन उपरे किरपा करोक आउर तोहरे के शांति देवोक।

2 थिस्सलुनीकियनमन 1:1

इ चिट्ठी मोंय पौलुस, सीलास आउर तीमुथियुस बटले हेके। जेके थिस्सलुनीके शहर केर कलीसिया केर बिसवासीमन लगिन लिखल जाय हे, जेमन हमर आबा परमेश्‍वर आउर प्रभु यीशु मसीह में जुड़ल अहैं।

इब्रानीमन 13:22

हे बिसवासी भाईमन, मोंय तोहरे से बिनती करोना कि इ संदेश के धीरज से सुना, जेके मोंय तोहरे के उसकाएक लगिन लीख हों।

1 पतरस 1:13

इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

1 पतरस 4:10

हर एक आदमी के आबा परमेश्‍वर बटले बरदान मिल हे, आउर उ बरदान केर इस्तेमाल उके दोसर आदमीमन केर मदइत लगिन करेक चाही। उमन के अपन बरदानमन केर इस्तेमाल एगो बेस सेवक नियर ठीक ढंग से करेक चाही, जेके परमेश्‍वर अपन किरपा केर साथ देई हे।

2 पतरस 1:12

हालाँकि तोहरेमन पहिले से हें इ गोइठमन के जानाला, आउर जे सच्चा शिक्षामन मसीह केर बारे में मिल हे उके मजबूती से धाइर रहा, जेके आदमीमन तोहरे के देई हैं, मोंय तोहरे के उमन केर बारे में लगातार याइद दिवाते रहमूँ।

2 पतरस 2:15

उमन भला काम करेक छोइड़ देई हैं आउर उमन ओहे लेखे केर बुरा काम करेक शुरु काइर देई हैं, जे कि बओर केर बेटा बिलाम ढेइर समय पहिले काइर रहे। उके गलत काम काइर के पइसा कमाएक बेस लगत रहे।

3 यूहन्ना 1:12

कलीसिया में सोउब केऊ कहैना कि देमेत्रियुस एगो बेस आदमी हेके काले कि उकर ब्यवहार परमेश्‍वर केर बचन केर मोताबिक अहे। आउर हमरेमन हों गवाही देवीला कि उ बेस आदमी हेके आउर तोंय जानिसला कि हमरेमन केर गवाही सच हेके।

यहूदा 1:3

हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्‍वर पवितर आदमीमन के सोउब दिन लगिन देई हे।