1 पतरस 4:8 - सादरी नवाँ नियम

⁸ आउर सोउब से बेस गोइठ इ हेके कि एक दोसर से गहरा प्रेम करा काले कि अगर तोहरेमन आदमीमन से प्रेम कराला, तो तोहरे सोउब बेरा कोनोवें पाप काम के माफ करेक लगिन तेयार रहबा, जे उमन काइर हैं।

1 पतरस 4:8 Iomraidhean Croise

1 कुरिनथियनमन 13:1

अगर मोंय आदमीमन आउर स्वरगदूतमन केर भाषामन के गोठियामूँ, आउर दोसरमन के प्रेम नी करमूँ, तो मोर गोइठ जोर से बाजेक वाला घंटा नियर या झुनझुनी झाँझ केर आवाज नियर कोनों मतलब नी होवी।

1 कुरिनथियनमन 13:4

जेमन प्रेम करैना उमन सहेक वाला होवैना, आउर उमन दया करैना, उमन हिसिंगा नी करैना, उमन अपन बारे में बड़ाई नी करैना, आउर घमंड नी करैना।

कुलुसियनमन 3:14

सोउब से खास काम जेके तोहरे के करेक चाही, उ इ हेके कि एक दोसर से प्रेम करा। एइसन काइर के तोहरे समूचा रीति से एक मन होई जावा।

1थिस्सलुनीकियनमन 3:12

हमरे एहो प्रार्थना करिला कि प्रभु यीशु एक दोसर से प्रेम करेक में तोहर मदइत करोक, आउर तोहर प्रेम बढ़ते जाओक जइसन हमर प्रेम हों तोहर लगिन पहिले से अहे।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

इब्रानीमन 13:1

भाई-बहिन नियर एक दोसर से प्रेम करते रहा।

याकूब 5:12

मगर हे मोर भाईमन, सोउब से बेस गोइठ इ हेके कि किरिया ना खावा, ना स्वरग केर, ना धरती केर, ना कोनों आउर चीज केर, मगर तोहरेमन केर गोइठ हाँ में हाँ, आउर निहीं में निहीं रहोक, ताकि तोहरेमन परमेश्‍वर केर सजा केर लाएक नी होबा।

याकूब 5:20

तो तोके इ जाइन लेवेक चाही कि जे केऊ एगो भटकल पापी के सच्चाई केर डहर में घुराय लानेला, तो उ एगो जीउ के जुग-जुग केर मौत से बचाय लेवेला, आउर परमेश्‍वर उकर ढेइर पापमन के क्षमा काइर देवेला।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

3 यूहन्ना 1:2

हे दुलारा संगी, मोर इ प्रार्थना हेके कि जइसन तोंय आत्मिक उन्नति कराथिस तइसनेहें तोंय सोउब गोइठमन में उन्नति कर आउर भला चंगा रहबे।