1 पतरस 4:3 - सादरी नवाँ नियम

³ बितल समय में तोहरेमन गैर बिसवासी आदमीमन नियर बुरा काम करेक में ढेइर समय बरबाद काइर देला। जइसन कि लुच्चा काम करेक केर चाह, ब्यभिचार, मतवारी करेक, रीझ-रंग, पियंक्कड़, आउर मूर्ति पूजा, जेकर से परमेश्‍वर घिरना करेला।

1 पतरस 4:3 Iomraidhean Croise

मरकुस 7:22

लोभ, दुष्टता, छल, लुचपन, बुरा नजइर, निंदा, घमंड आउर मूरखता निकलेला।

खास चेलामन केर काम 17:30

अब तक तो परमेश्‍वर आदमीमन केर नी जानेक केर चलते इके अनदेखा करते आय हे, मगर अब उकर आगया इ हेके कि हर ठाँव केर सोउब आदमीमन पाप करेक छोइड़ देवोक।

रोमानियनमन 13:13

आउर जइसन आदमीमन अंधार में निहीं मगर इंजोत में रहैना, तइसनेहें आवा हमरे हों बेस ब्यवहार करब, ना कि लीला-क्रीड़ा आउर पियंक्‍कड़पन में, ना ब्यभिचार आउर लुचा काममन में, आउर ना झगरा आउर डाह में जिंदगी बिताब।

1 कुरिनथियनमन 12:2

तोहरेमन जानाला कि जब तोहरे परमेश्‍वर के नी जानत रहा, तब तोहरे के केऊ दोसर आदमी उ मूर्तिमन केर पूजा करेक लगिन चलात रहे, जे मूर्तिमन बोलेक नी पारेला।

1 कुरिनथियनमन 6:11

आउर तोहर में से थोरेक आदमीमन पहिले एइसनेहें रहैं, मगर अब तोहरेमन केर पापमन धोवाय गेलक, आउर अब तोहरे परमेश्‍वर लगिन अलग होई गेला, तोहरे परमेश्‍वर केर देखेक में धरमी ठहराल गेला काले कि प्रभु यीशु मसीह आउर परमेश्‍वर केर आत्मा तोहर लगिन एइसन काइर हे।

2 कुरिनथियनमन 12:21

कहीं एइसन ना होवोक कि जब मोंय फिन से तोहरे ठिना घूइर आमूँ, तो मोर परमेश्‍वर मोके अपमान करी। आउर मोके ढेइरमन लगिन शोक करेक पड़ी, जेमन पहिले पाप काइर रहैं, आउर गंदा काम, ब्यभिचार आउर लाज केर काम से मन नी फिरालैं।

गलातियनमन 5:19

तोहरेमन सोउब जानाला कि काया केर इच्छामन का-का हेके, मतलब ब्यभिचार, गंदा काम, लुच्चा काम,

गलातियनमन 5:21

डाह, मतवारी, रीझ-रंग आउर एहे नियर आउर रकम-रकम केर बुरा काम अहे, मोंय तोहरेमन के चेतावनी देवाथों जइसन आगे हों देई चुइक हों कि एइसन-एइसन काम करेक वालामन परमेश्‍वर केर राइज केर हकदार नी होबैं।

इफिसियनमन 5:18

आउर दारू पी के मतवारी ना करा, इकर से आदमीमन निरलज ब्यवहार करैना, मगर पवितर आत्मा से भरते जावा।

1थिस्सलुनीकियनमन 4:5

आउर इ काम काया केर लालसा से करेक नखे, आउर ना उ जाइतमन नियर जेमन परमेश्‍वर के नी जानैना।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

1 पतरस 1:14

आउर परमेश्‍वर केर आगया के माना जइसन कि बेस छउवामन अपन आबा केर आगया के मानैना। आउर उ बुरा काममन के ना करा जेके तोहरे उ बेरा करेक चाहत रहा, जब तोहरे परमेश्‍वर केर सच्चाई के नी जानत रहा।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।