1 पतरस 4:19 - सादरी नवाँ नियम

¹⁹ से लगिन जेमन उसन दुःख सहैना जइसन परमेश्‍वर चाहेला, उमन के परमेश्‍वर उपरे भरसा करेक चाही जे उमन के बनाय हे। परमेश्‍वर सोउब बेरा उ करेला जेके करेक केर करार उ काइर रहे, से लगिन जे बेस अहे उके करते रहा।

1 पतरस 4:19 Iomraidhean Croise

लूका 23:46

यीशु जोर से हकाय के कहलक, “हे आबा, मोंय अपन आत्मा के तोर हाँथ में जिम्मा देवाथों।” इ कइह के अपन प्राण छोइड़ देलक।

खास चेलामन केर काम 7:59

जब उमन स्तिफनुस के पखना से मारत रहैं तब उ इ कइह के प्रार्थना करत रहे, “हे प्रभु यीशु, मोर आत्मा के लेई ले।”

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

1 पतरस 2:15

काले कि परमेश्‍वर केर इ इच्छा अहे कि हमरे केर बेस ब्यवहार केर चलते जेमन परमेश्‍वर के नी जानैना, उमन आगे हमरे उपरे झूठा दोष लगाएक केर साहस ना करोक, काले कि इ साफ अहे कि उ मनक दोष लगाएक सच ना लगे।

1 पतरस 3:17

कोनों-कोनों बेरा आबा परमेश्‍वर तोहर उपरे परेशानीमन आउर बाथा के आवेक देवेला जबकि तोहरेमन बेस काइर हा, मगर इ उ परेशानीमन आउर बाथा से बेस अहे जे तोहर बुरा काम करेक केर खातिर तोहर उपरे आवेला।

1 पतरस 3:20

इ उ मनक आत्मा रहे, जेमन ढेइर समय पहिले परमेश्‍वर केर आगया के तोइर रहैं, जब नूह अपन जहाज के बनात रहे तब परमेश्‍वर धीरज से इंतजार काइर के देखत रहे कि का उमन पाप करेक छोइड़ देबैं, मगर जब पानी दुनिया के नाश काइर देलक तब जहाज में ढूकेक वालामन सिरिफ आठ आदमीमन के बचाल जाय रहे।