1 पतरस 4:11 - सादरी नवाँ नियम

¹¹ उदाहरन लगिन अगर तोहर ठिना परचार करेक केर बरदान अहे, तो तोहरे के परमेश्‍वर केर संदेश केर परचार करेक चाही, अगर तोहर ठिना दोसर आदमीमन केर मदइत करेक केर बरदान अहे, तो इके तोहरे उ शक्ति केर साथ करा जेके परमेश्‍वर तोहरे के देवेला, तब जे कुछ हों तोहरे करबा, उकर से यीशु मसीह केर द्वारा परमेश्‍वर केर महिमा होवी। सोउब महिमा आउर शक्ति युग-युग लगिन उकरे हेके। आमीन।

1 पतरस 4:11 Iomraidhean Croise

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

यूहन्ना 13:31

यहूदा केर चाइल जाएक केर पाछे यीशु कहलक, “अब मोंय आदमी केर बेटा केर महिमा होलक, आउर इकर से परमेश्‍वर केर हों महिमा उकर में होलक।

खास चेलामन केर काम 7:38

एहे मूसा सुनसान ठाँव में हमर पुरखामन केर माझे एगो अगुवा केर रूप में रहे। परमेश्‍वर एगो स्वरगदूत के भेजलक जे सीनै पहार उपरे उकर संगे गोठियाय रहे। उखे परमेश्‍वर जीवन देवेक वाला बचन बतालक आउर उके हमरे तक पोंहचालक।

रोमानियनमन 11:36

काले कि सोउब कुछ उकरे बटे से आवेला, ओहे सोउब कुछ के बनाय हे, आउर उकरे लगिन सोउब कुछ अहे, उकरे महिमा जुग-जुग होते रहोक आमीन।

रोमानियनमन 12:3

मोंय उ किरपा केर चलते जे मोके मिल हे तोहर में से हरेक झन से कहोना, तोहरे के जइसन समझेक चाही उकर से बाइढ़ के केऊ हों खुद के ना समझबा, मगर जइसन परमेश्‍वर हरेक के बिसवास केर मात्रा बाँइट देई हे तइसनेहें बेस बुद्धि केर संगे खुद के समझबा।

रोमानियनमन 16:27

एके गो बुद्धिमान परमेश्‍वर केर महिमा यीशु मसीह केर द्वारा जुग-जुग होते रहोक। आमीन।

रोमानियनमन 3:2

मगर हाँ, यहूदी बनेक से ढेइर फायदा अहे, सोउब से खास बात तो इ अहे कि परमेश्‍वर केर बचन उमन के सोंपल गेलक।

1 कुरिनथियनमन 10:31

मोंय तोहरेमन से कहोना कि चाहे खावा, चाहे पिया, चाहे जे कोनों करा सोउब कुछ परमेश्‍वर केर महिमा लगिन करा।

1 कुरिनथियनमन 12:4

परमेश्‍वर हमरे के उकर काम करेक लगिन अलग-अलग रकम केर बरदानमन के देवेला, मगर उ सोउब बरदानमन के एक हें आत्मा, मतलब पवितर आत्मा देवेला।

1 कुरिनथियनमन 3:10

जे काम परमेश्‍वर मोके करेक लगिन देई हे उके मोंय बुद्धिमानी से करलों, मोंय तोहरे केर शहर में शुभ समाचार केर परचार करलों, आउर पहिले तोहर में से आदमीमन के यीशु उपरे बिसवास करेक में मदइत करलों। इकर पाछे जे काम के मोंय करलों उके दोसर सेवकमन आगे बढ़ालैं, मगर हमर में से हरेक सेवक के धेयान से बिचार करेक चाही कि परमेश्‍वर केर काम कइसन करेक अहे।

1 कुरिनथियनमन 6:20

परमेश्‍वर तोहरे के दाम देई के कीन लेई हे, से लगिन अपन काया से परमेश्‍वर केर महिमा करा।

2 कुरिनथियनमन 2:17

काले कि हमरे उ ढेइरमन केर जइसन नखी, जेमन परमेश्‍वर केर बचन के रुपया लगिन परचार करैना, मगर हमरे हमेशा परमेश्‍वर केर भीरे मसीह केर द्वारा ईमानदारी से गोठियाइला।

2 कुरिनथियनमन 9:13

काले कि दोसरमन के मदइत करेक लगिन खुला दिल से देवल दान, इ सबूत देवेला कि तोहरे अपन करार के पूरा काइर हा, आउर ढेइर आदमीमन परमेश्‍वर केर महिमा करैना, काले कि तोहरेमन मसीह केर शुभ समाचार सच्चा हेके, इके माइन लेई हा, आउर इकर पालन कराथा आउर सोउब बिसवासीमन केर मदइत करेक लगिन दान देवाला, खास काइर के गरीबमन के।

इफिसियनमन 1:19

मोंय चाहोना कि तोहरे उ महान आउर सोउब कुछ करेक वाला शक्ति केर बारे में जाना जे परमेश्‍वर ठिना हमरेमन लगिन अहे, जेमन उकर उपरे बिसवास करिला।

इफिसियनमन 4:29

कोनों गंदा गोइठ तोहर मुँह से ना निकलोक, बल्कि ओहे गोइठ निकलोक जे आदमीमन केर लगिन जरुरी अहे, आउर जे उमन के बिसवास में बढ़ेक लगिन मदइत करेला। तब जे कोनों तोहरे कहबा उ सुनेक वालामन केर भला करी।

इफिसियनमन 5:20

आउर जे कोनों हमर प्रभु यीशु मसीह हमर लगिन काइर हे उकर चलते सोउब बेरा परमेश्‍वर आबा के सोउब गोइठ में धन्यबाद देते रहा।

इफिसियनमन 6:10

तोहरेमन लगिन मोर आखरी गोइठ इ हेके, प्रभु केर शक्ति से आत्मा में मजबूत होवा।

फिलिप्पियनमन 1:11

आउर उ धरमी बनेक केर फार मतलब बेस गुणमन से जे यीशु मसीह देवेक पारेला, भरपूर होते जबा, जेकर से परमेश्‍वर केर महिमा आउर स्तुति होते रहोक।

फिलिप्पियनमन 2:11

आउर परमेश्‍वर आबा केर महिमा लगिन सोउब मनवा जाइत माइन लेवोक कि यीशु मसीह हें प्रभु हेके।

कुलुसियनमन 4:6

तोहर बोली हमेशा नरम आउर सुनेक में अच्छा होवोक, ताकि तोहरे हर आदमीमन के अपन बिसवास केर बारे में ठीक ढंग से जबाब देवेक पारबा।

1थिस्सलुनीकियनमन 2:4

मगर परमेश्‍वर हमरे के लायक समइझ के शुभ समाचार सोंइप हे। से लगिन हमरे आदमीमन के निहीं, बल्कि हमरे केर हृदय के परखेक वाला परमेश्‍वर के खुश करेक लगिन उपदेस देवीला।

1 तीमुथियुस 1:17

अब जुग-जुग केर राजा जे सोउब दिन लगिन जिंदा अहे, जेके केऊ नी देइख हैं, जे एके गो सच्चा परमेश्‍वर हेके, उकर आदर आउर महिमा जुग-जुग होते रहोक। आमीन।

1 तीमुथियुस 6:16

सिरिफ ओहे एकला अहे जे सोउब दिन लगिन जिंदा अहे, उ एतना चमकदार इंजोत में रहेला कि केऊ हों उकर भीरे पोंहचेक नी पारी, उके ना तो केऊ आदमी देइख हे आउर ना कहियो देखेक पारी। उके आदर मिलोक आउर उकर शक्ति जुग-जुग रहोक। आमीन।

तीतुस 2:1

मगर हे तीतुस, तोर लगिन इ ठीक हेके कि बिसवासीमन के तोंय सिरिफ ओहे सिखाव, जे यीशु मसीह केर बारे में सच्चा शिक्षा हेके।

तीतुस 2:15

से लगिन हे तीतुस, मोंय चाहोना कि तोंय क्रेते टापू केर बिसवासीमन के इ गोइठमन के सिखाव, जेमन के मोंय तोके सिखाय हों आउर उके करेक लगिन उसकाव। जहाँ जरुरत होवी हूवाँ उमन के सुधराव, तोके एइसन करेक केर पूरा अधिकार अहे। जे कोनों तोंय सिखाइसला उके केऊ अनदेखा ना करोक।

इब्रानीमन 13:7

जेमन तोहर अगुवा रहैं, आउर जेमन तोहरेमन के परमेश्‍वर केर बचन सुनाय हैं, उमन के याइद करा आउर उ मनक चाइल-चलन के धेयान से देखा कि उमन कइसन जिंदगी जिलैं आउर मोरलैं। आउर उमन केर बिसवास देइख के तोहरे हों उमन नियर परमेश्‍वर उपरे बिसवास करा।

इब्रानीमन 5:12

अब तक तो तोहरे के सिखाएक वाला बाइन जाएक रहे, मगर तोहरे के तो एइसन आदमी केर जरुरत अहे, जे तोहरेमन के परमेश्‍वर केर बचन केर शुरुवाती गोइठमन के सिखाओक। तोहरे तो छउवामन नियर अहा जेमन के दूध चाही ठोस आहार निहीं।

याकूब 1:19

हे मोर दुलारा भाईमन, इ गोइठ के जाइन लेवा कि हरेक आदमी सुनेक लगिन आगे, आउर बोलेक में धीरज धारेक वाला, आउर खिसाएक में धीरे होवोक।

याकूब 1:26

अगर केऊ खुद के परमेश्‍वर केर भक्त समझेला, आउर अपन जीभ के बुरा गोइठ गोठियाएक से नी रोकेला, तो उ खुद के धोखा देवेला आउर उकर भक्ति बेकार अहे।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 4:10

हर एक आदमी के आबा परमेश्‍वर बटले बरदान मिल हे, आउर उ बरदान केर इस्तेमाल उके दोसर आदमीमन केर मदइत लगिन करेक चाही। उमन के अपन बरदानमन केर इस्तेमाल एगो बेस सेवक नियर ठीक ढंग से करेक चाही, जेके परमेश्‍वर अपन किरपा केर साथ देई हे।

1 पतरस 4:16

लेकिन अगर केखो मसीही होवेक केर चलते दुःख सहेक होवी, तो तोहरे इके लाजिम होवेक केर गोइठ ना समझा, मगर परमेश्‍वर केर महिमा करा कि तोहरे इ लगिन दुःख सहाथा कि तोहरेमन मसीह केर आदमीमन हेका।

1 पतरस 5:11

उ माइन पावेक केर लायक अहे, काले कि उकर शक्ति केर कोनों आखरी नखे। आमीन।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।