1 पतरस 4:10 - सादरी नवाँ नियम

¹⁰ हर एक आदमी के आबा परमेश्‍वर बटले बरदान मिल हे, आउर उ बरदान केर इस्तेमाल उके दोसर आदमीमन केर मदइत लगिन करेक चाही। उमन के अपन बरदानमन केर इस्तेमाल एगो बेस सेवक नियर ठीक ढंग से करेक चाही, जेके परमेश्‍वर अपन किरपा केर साथ देई हे।

1 पतरस 4:10 Iomraidhean Croise

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

मत्ती 24:14

आउर परमेश्‍वर केर राइज केर शुभ समाचार गोटा दुनिया में परचार करल जाई, ताकि सोउब जाइत केर आदमीमन के यीशु के ग्रहण करेक केर मोका मिली, तब इकर पाछे दुनिया केर अंत होई जाई।

मत्ती 24:21

काले कि उ दिनमन में एइसन दुःख तकलीफ होवी कि परमेश्‍वर केर बनाल दुनिया में शुरु से एखन तक नी होई हे आउर ना कहियो होवी।

मत्ती 24:45

एगो बिसवास लाएक आउर बुद्धिमान धांगर उ हेके, जेके मालिक अपन घर केर आउरो धांगरमन के देख-रेख करेक आउर उमन के समय से खाएक देवेक केर जिम्मा देवेला आउर उ परदेस चाइल जायला।

मत्ती 25:17

एहे लेखे जेके दूई गो सोना केर सिक्का मिल रहे, ओहो आउर दूई गो सोना केर सिक्का कमालक।

मत्ती 25:44

तब उमन जबाब देबैं, ‘हे प्रभु, हमरे तोके कखन भूखल, चाहे पियासल, चाहे परदेसी, चाहे नंगा, चाहे बेमार, चाहे जेहेल घर में देखली, आउर तोर सेवा नी करली?’

मरकुस 10:45

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर करल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर आदमीमन केर पापमन से छुटकारा लगिन अपन जान देई देमूँ।”

लूका 12:42

प्रभु जबाब देलक, “एक बिसवास लाएक आउर बुद्धिमान भंडारी उ हेके, जेके मालिक अपन घर केर धांगरमन के संभराएक, आउर उमन के समय से खाएक देवेक केर जिम्मेदारी देवेला।

लूका 19:13

जाएक से आगे उ अपन धांगरमन में से दस झन के बोलालक आउर उमन के एक-एक गो सोना केर सिक्का देई के कहलक, ‘मोर घूइर आवेक तक इकर से लेन-देन करा।’

लूका 8:3

आउर राजा हेरोदेस केर भंडारी खोजा केर जनाना योअन्ना रहे, आउर सूसन्ना आउर ढेइर हें जनानामन रहैं। इमन अपन धन-सम्पति से यीशु आउर उकर खास चेलामन केर सेवा-सुसइर करत रहैं।

रोमानियनमन 15:25

मगर एखन तो मोंय पवितर आदमीमन के दान देवेक लगिन यरुशलेम शहर जाथों।

रोमानियनमन 15:27

उमन इ काम खुशी से काइर हैं, उमन यरुशलेम शहर में रहेक वालामन केर कर्जदार हों हेकैं, काले कि यरुशलेम शहर केर बिसवासीमन, परजाइत आदमीमन के परमेश्‍वर केर बेस चीजमन के बाँइट हैं, से लगिन परजाइत आदमीमन के हों इ उचित अहे कि यरुशलेम शहर केर बिसवासीमन के दुनिया केर बेस चीजमन के बाँटोक।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

1 कुरिनथियनमन 3:10

जे काम परमेश्‍वर मोके करेक लगिन देई हे उके मोंय बुद्धिमानी से करलों, मोंय तोहरे केर शहर में शुभ समाचार केर परचार करलों, आउर पहिले तोहर में से आदमीमन के यीशु उपरे बिसवास करेक में मदइत करलों। इकर पाछे जे काम के मोंय करलों उके दोसर सेवकमन आगे बढ़ालैं, मगर हमर में से हरेक सेवक के धेयान से बिचार करेक चाही कि परमेश्‍वर केर काम कइसन करेक अहे।

1 कुरिनथियनमन 4:7

केऊ तोहरे के दोसर से बगरा खास नी बनाय हे, काले कि उ सोउब कुछ जे तोहरे ठिना अहे, परमेश्‍वर बटले देवल जाय हे, से लगिन तोहरेमन के घमंड करेक केर अधिकार नखे।

2 कुरिनथियनमन 6:1

आउर हमरे जे परमेश्‍वर संगे काम करेक वाला हेकी, तोहरे से अरजी करिला कि उकर किरपा जे तोहर उपरे होई हे, उके बेकार ना जाएक देवा।

2 कुरिनथियनमन 9:1

अब यरुशलेम शहर केर बिसवासीमन के दान देवेक केर सेवा केर बारे में, मोके तोहरेमन के लिखेक जरुरी नखे।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

इफिसियनमन 4:11

आउर यीशु मसीह थोरेक आदमीमन के अपन चुनल खास चेला ठहराय के, आउर थोरेक के परमेश्‍वर केर संदेश के बताएक वाला, थोरेक के शुभ समाचार सुनाएक वाला, थोरेक के चरवाहा, आउर थोरेक के उपदेस देवेक वाला ठहराय के देई देलक।

2 तीमुथियुस 1:18

न्याय केर दिन प्रभु उनेसिफुरुस केर उपरे अपन महान दया देखाओक। तोंय बढ़ियाँ से जानिसला कि उ इफिसुस शहर में मोर कतइ मदइत काइर हे।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

इब्रानीमन 6:10

काले कि परमेश्‍वर भला अहे, उ तोहरे जे काम काइर हा, आउर दोसर बिसवासीमन केर मदइत काइर के परमेश्‍वर के प्रेम देखाय हा उके नी भुलाई। आउर तोहरे एखनो तक उमन केर मदइत करते अहा उखो याइद करी।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।

1 पतरस 5:12

मोंय इ चिट्ठी थोरेक शबदमन में सीलास केर मदइत से लीख हों आउर तोहरे के भेइज हों। मोंय उके एक बिसवास लायक भाई केर रूप में मानोना। मोर इके लिखेक केर मकसद तोहरे के उसकाएक आउर बिसवास दिवाएक हेके कि जे कुछ हों तोहरे महसूस कराथा, उ सच में तोहर परती परमेश्‍वर केर किरपा केर हिस्सा हेके। इ किरपा में मजबूत बनल रहा।