1 पतरस 3:9 - सादरी नवाँ नियम

⁹ बुराई केर बदला बुराई ना करा आउर ना गाली केर बदला गाली देवा, मगर इकर उल्टा उमन के आशीष हें देवा। परमेश्‍वर तोहरे के इ लगिन बोलाय हे कि तोहरे दोसरमन के आशीष देवा अगर तोहरेमन एइसन कराला तो परमेश्‍वर हों तोहरे के आशीष देवी।

1 पतरस 3:9 Iomraidhean Croise

मत्ती 19:29

आउर जे केऊ अपन घर, भाईमन, बहिनमन, आबामन, आयोमन, छउवामन या खेतमन के मोर चेला बनेक लगिन छोइड़ देई हे, उके सौ गुणा भेटाई: आउर उ जुग-जुग केर जिंदगी केर हकदार होवी।

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

मत्ती 5:39

मगर मोंय तोहरेमन से इ कहाथों, बुरा आदमी केर बदला ना लेबा, मगर जे तोहर भतखाइया गाल में चटका मारी उकर बटे दोसर गाल हों फेइर देबा।

मत्ती 5:44

मगर मोंय तोहरेमन से इ कहाथों कि अपन बैरीमन के प्रेम करा आउर जेमन तोहरेमन के सतायना सेमन लगिन प्रार्थना करा।

मरकुस 10:17

जइसनेहें यीशु अपन चेलामन केर संगे जाएक शुरु करलक तइसनेहें एगो जवान आदमी उकर ठिना कूदते आलक। उ यीशु केर आगे ठेहुना टेइक के पूछलक, “हे बेस गुरु, जुग-जुग केर जिंदगी केर हकदार होवेक लगिन मोंय का काम करमूँ?”

लूका 10:25

एक दिन यीशु आदमीमन के उपदेस देवत रहे, ओहे बेरा एगो मूसा केर नियम के सिखाएक वाला उठलक, आउर यीशु के परखेक लगिन उकर से पूछलक “हे गुरु, जुग-जुग केर जिंदगी केर हकदार होवेक लगिन मोंय का करमूँ?”

लूका 18:18

फिन एगो सरदार यीशु से पूछलक, “हे बेस गुरु, जुग-जुग केर जिंदगी केर हकदार होवेक लगिन मोंय का करमूँ?”

रोमानियनमन 12:14

अपन सताएक वालामन के आशीष देवा, सराप ना देवा।

रोमानियनमन 12:17

बुराई केर बदली केकरो से बुराई ना करा, जे गोइठमन सोउब आदमीमन लगिन भला अहे, ओहे गोइठमन के गोठियावा।

रोमानियनमन 8:28

आउर हमरे जानिला कि जेमन परमेश्‍वर से प्रेम करैना, उमन लगिन सोउब गोइठमन मिल के भलाई के हें लानेला, मतलब ओहेमन लगिन जेमन उकर इच्छा केर मोताबिक चुनल जाय हैं।

रोमानियनमन 8:30

फिन जेमन केर लगिन उ पहिले से फैसला काइर हे, उमन के बोलालक हों, आउर जेमन के बोलालक उमन के धरमी हों बनालक, आउर जेमन के धरमी बनालक उमन के महिमा हों देई हे।

गलातियनमन 3:14

एइसन इ लगिन होलक कि अब्राहम केर आशीष मसीह यीशु में परजाइत आदमीमन तक पोंहचोक। आउर हमरे बिसवास केर चलते उ आत्मा के पावब जेकर करार होई हे।

इफिसियनमन 4:32

आउर एक दोसर उपरे किरपा आउर दयालु होवा, आउर जइसन परमेश्‍वर मसीह में होई के तोहर गुन्हा के क्षमा करलक, तइसनेहें तोहरेमन हों एक दोसर केर गुन्हा के क्षमा काइर देवा।

1थिस्सलुनीकियनमन 5:15

इ धेयान रहोक कि केकरो से बुराई केर बदला बुराई ना करा, मगर सोउब बेरा भलाई करेक ले तेयार रहा, आपस में आउर सोउब से हों भलाई केर हें कोशिश करा।

इब्रानीमन 12:17

तोहरेमन जानाला कि बेचल पाछे जब उ अपन आबा से आशीष पावेक खोजलक, तो उ आशीष पावेक केर लायक नी रहलक, आउर जबकि उ काइंद-काइंद के आशीष माँगलक, फिन भी उ जे पहिले काइर चुइक रहे, उके बदलेक लगिन कोनों करेक नी पारलक।

इब्रानीमन 6:14

“मोंय तोके सचमुच में आशीष देमूँ आउर तोर बंशमन के अनगिनइत बढ़ाय देमूँ।”

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।