1 पतरस 3:8 - सादरी नवाँ नियम

⁸ आखरी में, मोंय तोहरे से इ कहेक चाहाथों कि तोहरे सोउब एकजूट रहा, आउर एक दोसर केर फिकिर करा, भाई-बहिन केर प्रेम नियर दोसरमन से प्रेम करा, दोसर मनक उपरे दया करा, एक दोसर केर संगे नरम बना।

1 पतरस 3:8 Iomraidhean Croise

मत्ती 18:33

जे लेखे मोंय तोर उपरे दया काइर के तोर करजा माफ काइर रहों, सेहे लेखे तोके हों अपन संगी धांगर उपरे दया काइर के माफ करेक रहे।’

लूका 10:33

मगर सामरी परदेस केर एगो सामरी आदमी ओहे डहर से आलक, आउर उके देइख के उकर उपरे दया करलक।

खास चेलामन केर काम 2:1

यहूदी मनक पिन्तेकुस्त केर परब केर दिन सोउब चेलामन एक ठाँव में जमा होई रहैं।

खास चेलामन केर काम 27:3

अगला दिन हमरे सैदा नगर में पोहोंचली। हिंयाँ यूलियुस पौलुस केर उपरे दया काइर के उके अपन संगमन केर हिंयाँ जाएक आउर उमन से जरुरी चीजमन के लेई आवेक केर आगया देई देलक।

खास चेलामन केर काम 28:7

उ ठाँव केर भीरे हें टापू केर मुखिया पुबलियुस केर जमीन रहे। उ हमरे के अपन घर लेई जाय के तीन दिन तक संगी नियर हमर सेवा करलक।

खास चेलामन केर काम 4:32

आउर चेला मनक इ दल में सोउबमन एक मन आउर एक प्राण रहैं। हिंयाँ तक कि केऊ हों अपन सम्पति के अपन नी कहात रहैं, जे कुछ उ मनक ठिना रहे, उकर में सोउब केर साझा रहे।

रोमानियनमन 12:10

एक दोसर से अपन परिवार केर आदमी नियर प्रेम करा, बाइढ़ चाइढ़ के एक दोसर के आदर करा।

रोमानियनमन 15:5

मोंय प्रार्थना करोना कि धीरज आउर बिसवास में बढ़ाएक वाला परमेश्‍वर तोहरेमन के एक दोसर संगे शांति से रहेक में मदइत करोक, जइसन तोहरे यीशु मसीह केर पिछे चलाला।

1 कुरिनथियनमन 1:10

हे बिसवासी भाईमन, मोंय हमर प्रभु यीशु मसीह केर अधिकार से तोहरेमन से हाँथ जोइर के अरजी करोना कि तोहरे सोउब एक दोसर केर गोइठ के माना, आउर तोहर माझे फूट ना होवोक मगर एक हें मन आउर एक हें बिचार काइर के मिल के रहा।

1 कुरिनथियनमन 12:26

आउर अगर हमर काया केर एगो अंग बेमार अहे, तब सोउब काया के बथेला, अगर हमर काया केर एगो अंग केर बड़ाई होवेला, तब गोटा काया खुश होवेला।

इफिसियनमन 4:2

मतलब पूरा नरम भाव से छोट बाइन के प्रेम से दोसरमन केर गलती के साइह लेवा।

इफिसियनमन 4:31

सोउब रकम केर कड़ुवा गोइठ, झमेला, खीस, लड़ाई-झगरा, निंदा आउर सोउब रकम केर डाह के दूर काइर देवा।

इफिसियनमन 4:32

आउर एक दोसर उपरे किरपा आउर दयालु होवा, आउर जइसन परमेश्‍वर मसीह में होई के तोहर गुन्हा के क्षमा करलक, तइसनेहें तोहरेमन हों एक दोसर केर गुन्हा के क्षमा काइर देवा।

फिलिप्पियनमन 2:3

स्वार्थ आउर झूठा बड़ाई लगिन कोनों ना करा मगर नरम भाव से एक दोसर के अपन से बगरा बेस समझा।

फिलिप्पियनमन 3:16

आउर हमरे के उ सच्चाई केर उपरे चलेक अहे जेके परमेश्‍वर पहिलेहें से हमरे के बताय हे।

कुलुसियनमन 3:12

इ लगिन जबकि परमेश्‍वर तोहरे के अपन पवितर आदमी बनेक लगिन चुइन हे आउर तोहरे से प्रेम करेला, तो तोहरे करुणा करेक वाला, भलाई करेक वाला, दीन बनेक वाला, नरम बनेक आउर सहेक केर शक्ति धारण करा।

इब्रानीमन 13:1

भाई-बहिन नियर एक दोसर से प्रेम करते रहा।

याकूब 2:13

काले कि जे दया नी करलक, उकर न्याय बेगर दया से होवी। मगर दया न्याय उपरे जीत जायला।

याकूब 3:17

मगर जे गेयान परमेश्‍वर बटले आवेला उ पहिले तो पवितर होवेला, फिन शांति के पतियाएक वाला, कोमल, सभ्य, दया से भरल, बेस फारमन से लादल आउर भेद-भाव आउर कपट नी करेक वाला होवेला।

याकूब 5:11

देखा, हमरे धीरज धारेक वालामन के धाइन कहिला। तोहरेमन अय्यूब केर धीरज धारेक केर बारे में तो सुइन चुइक हा आउर प्रभु केर बटले उके जे इनाम मिललक उके हों जाइन लेई हा, जेकर से प्रभु केर ढेइर करुणा आउर दया दिसेला।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

1 पतरस 2:17

सोउब केर आदर करा, सोउब संगी बिसवासी भाई-बहिनमन से प्रेम रखा, परमेश्‍वर से डरावा, राजा केर माइन करा।

1 पतरस 5:5

हे जवान छोड़ा-छोंड़ीमन, एइसनेहें काइर के तोहरे के कलीसिया केर अगुवामन केर अधीन रहेक चाही, तोहरे सोउब के नरम भाव से एक-दोसर केर मदइत करेक चाही, काले कि आबा परमेश्‍वर केर बचन में लिखल अहे, “परमेश्‍वर घमंडी आदमीमन केर बिरोध करेला, मगर नरम आदमीमन उपरे किरपा करेला।”

2 पतरस 1:7

तोहरे सिरिफ परमेश्‍वर के खुश करेक वाला ना बना, मगर तोहरे एक दोसर से अपन परिवार केर नियर प्रेम करेक वाला बना। तोहरे सिरिफ एक दोसर से अपन परिवार केर नियर प्रेम करेक वाला ना बना, मगर एक दोसर से प्रेम करेक वाला बना।

1 यूहन्ना 3:14

हमरेमन जानिला कि हमरे माउत से पार होई के जुग-जुग केर जिंदगी में पोंहइच ही, काले कि हमरेमन बिसवासी भाई-बहिनमन से प्रेम करिला। जेमन प्रेम नी करैना उमन माउत केर दशा में रहैना।