1 पतरस 3:4 - सादरी नवाँ नियम

⁴ तोहरे के खुद के एइसन गुणमन से सुंदर बनाएक चाही जे नी मेटेला, इ एगो नरम स्वभाव आउर शांत स्वभाव हेके, जे कि इ परमेश्‍वर लगिन ढेइर किमती अहे।

1 पतरस 3:4 Iomraidhean Croise

मत्ती 11:29

मोर पाछे होई लेवा आउर मोर से सिखा, काले कि मोंय मन से सीधा आउर हृदय से नरम अहों, इ लेखे तोहरेमन अपन मन में आराम पाबा।

मत्ती 21:5

“यरुशलेम शहर केर रहेक वाला आदमीमन से कह, ‘देखा, तोहर राजा तोहर ठिना आवाथे। उ नरम अहे, उ गधा उपरे बइठल अहे, एतना तक कि गधी केर छउवा उपरे।’ ”

मत्ती 23:26

हे अंधरा फरीसी दल केर आदमीमन, आगे डुभनी आउर थरियामन के भीतरे से माँजा, जेकर से उ बाहरे से हों सफा होई जाओक। मतलब लोभी आउर स्वार्थी बनेक छोइड़ देवा तब जे सही अहे उके करेक पारबा।

मत्ती 5:5

धाइन हेकैं उमन, जेमन नरम दिल केर अहैं, काले कि धरती ओहे मनक होवी।

लूका 11:40

हे निरबुद्धिया आदमीमन, परमेश्‍वर बाहरे आउर भीतरे दुयो हिस्सा के बनाय हे।

लूका 16:15

यीशु उमन से कहलक, “तोहरेमन आदमीमन केर सामने खुद के धरमी आदमी नियर देखाला मगर परमेश्‍वर तोहरेमन केर मन के जानेला, काले कि जे गोइठ आदमीमन केर नजइर में किमती अहे, उ परमेश्‍वर केर नजइर में घिनघिना अहे।

रोमानियनमन 1:23

आउर कहियो नी मोरेक वाला परमेश्‍वर केर महिमा के नाश होवेक वाला आदमी, आउर चरईमन, आउर चाइर गोड़वा जानवरमन, आउर रेंगेक वाला जीव-जंतुमन केर मूर्तिमन केर बराबइर में बदइल देलैं।

रोमानियनमन 2:29

एगो सच्चा यहूदी ओहे हेके जेकर मन परमेश्‍वर केर साथ सच्चा अहे, आउर सच्चा खतना सिरिफ मूसा केर नियम के मानेक ना लगे, बल्कि इ हिरदय के बदलेक (मन केर खतना) हेके। जे पवितर आत्मा से होवेला, एइसन आदमी, आदमीमन से निहीं बल्कि परमेश्‍वर से आदर पावेला।

रोमानियनमन 6:6

काले कि हमरे जानिला कि हमर पुरना पापी स्वभाव यीशु मसीह केर संगे क्रूस उपरे चढ़ाल गेलक, ताकि हमर काया केर पापी स्वभाव नाश होई जाई आउर हमरे पाप केर गुलाम में नी रहब।

रोमानियनमन 7:22

काले कि मोंय पूरा मन से तो परमेश्‍वर केर नियम से खुश रहोना।

2 कुरिनथियनमन 10:1

थोरेक आदमीमन कहैना कि जब मोंय तोहर संगे रहोना तो नरम रहोना, मगर जब तोहर से दूर रहोना तो साहस करोना, से लगिन मोंय पौलुस तोहरे से अरजी करोना कि यीशु मसीह केर धीरज आउर नरम जिंदगी केर चलते मोंय उकर नमूना केर पालन करोना।

2 कुरिनथियनमन 4:16

इ लगिन हमरे हिम्मत नी हारिला, जबकि हमरे केर काया धीरे-धीरे मोइर जायला, फिन भी हमरे केर आत्मा रोज दिन नवाँ होते जायला।

गलातियनमन 5:23

किरपा, भलाई, बिसवास लायक होवेक, नरम भाव आउर संयम, एइसन ब्यवहारमन के रोकेक लगिन कोनों नियम नखे।

इफिसियनमन 4:2

मतलब पूरा नरम भाव से छोट बाइन के प्रेम से दोसरमन केर गलती के साइह लेवा।

कुलुसियनमन 3:12

इ लगिन जबकि परमेश्‍वर तोहरे के अपन पवितर आदमी बनेक लगिन चुइन हे आउर तोहरे से प्रेम करेला, तो तोहरे करुणा करेक वाला, भलाई करेक वाला, दीन बनेक वाला, नरम बनेक आउर सहेक केर शक्ति धारण करा।

कुलुसियनमन 3:3

काले कि तोहरेमन तो पाप केर स्वभाव लगिन मोइर गेला, आउर अब तोहर नवाँ जिंदगी मसीह केर संगे परमेश्‍वर में लुकल अहे।

1थिस्सलुनीकियनमन 4:11

आउर जइसन हमरे तोहरेमन के आगया देई ही, तइसनेहें शांति से रहा आउर दोसरमन केर काम में दखल ना देवा आउर अपन-अपन हाँथ से कमाएक केर कोशिश करा।

2 थिस्सलुनीकियनमन 3:12

एइसनमन के हमरे उ अधिकार से जेके प्रभु यीशु मसीह हमरे के देई हे आगया देवीला आउर समझाइला कि चुपचाप काम काइर के अपनेहें कमाई केर रोटी खावा।

1 तीमुथियुस 2:2

राजामन लगिन आउर उ सोउब आदमीमन केर लगिन प्रार्थना करा जेमन सरकारी अधिकारी हेकैं, ताकि उमन हमरे के शांति आउर चैन से रहेक में सहायता करोक, आउर हमरे परमेश्‍वर केर आराधना करेक पारब आउर दोसरमन से उचित ब्यवहार करब।

2 तीमुथियुस 2:25

आउर बिरोधीमन के हों नरम होई के समझाओक, काले कि एहो होवेक परायला, परमेश्‍वर उमन के पाप के छोड़ेक आउर मसीह केर सच्चाई के जानेक में मदइत करी।

तीतुस 3:2

केखो बदनाम ना करोक आउर ना केकरो से झगरा लड़ोक, मगर किरपा करेक वाला स्वभाव से रहोक, आउर सोउब आदमीमन केर संगे नरम बाइन के रहोक।

याकूब 1:21

इ लगिन समूचा गंदा चाइल-चलन आउर समूचा बुराई के दूर काइर के, उ बचन के नरम बाइन के ग्रहण काइर लेवा, जे तोहर दिल में बुनल जाय हे आउर जे तोहर जीउ के बचाएक पारेला।

1 पतरस 1:23

काले कि तोहरेमन के परमेश्‍वर बटले नवाँ जिंदगी मिल हे। तोहरे के जे जिंदगी मिल हे उ एइसन चीजमन से नी मिल हे कि उ नाश होवी बल्कि एइसन चीज से मिल हे जे जुग-जुग लगिन रही। मतलब परमेश्‍वर केर जिंदा आउर जुग-जुग केर बचन से मिल हे।

1 पतरस 3:15

मगर मसीह के प्रभु माइन के उकर आराधना करा, अगर केऊ उ आसरा केर बारे में पूछी जेके बिसवासी होवेक केर चलते हमरे सोउब आपस में साझा करिला, तो सोउब बेरा उके समझाएक लगिन तेयार रहा, मगर इके नरम आउर आदर से करबा।