1 पतरस 3:22 - सादरी नवाँ नियम

²² आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।

1 पतरस 3:22 Iomraidhean Croise

मत्ती 22:44

‘प्रभु, मोर प्रभु से कहलक, मोर भतखाइया बटे बाइठ, जब तक कि मोंय तोर बैरीमन के तोर गोड़ हेंठे नी काइर देमूँ।’

मत्ती 28:18

यीशु उमन ठिना आय के कहलक, “स्वरग आउर धरती केर समूचा अधिकार मोके देवल जाय हे।

मरकुस 12:36

हिंयाँ तक कि राजा दाऊद खुद हें पवितर आत्मा केर चलाएक से कहलक, ‘परमेश्‍वर मोर प्रभु से कहलक, “तोंय मोर सिंहासन केर भतखाइया बटे बाइठ, जब तक कि मोंय तोर बैरीमन के हराय के पूरा-पुरी तोर गोड़ हेंठे नी काइर देमूँ।”’

मरकुस 16:19

जब यीशु अपन चेलामन के इ सोउब गोइठमन के बतालक तब परमेश्‍वर उके स्वरग में उठाय लेलक आउर उ परमेश्‍वर केर संगे राइज करेक लगिन उकर भतखाइया बटे आदर केर साथ बाइठ गेलक।

लूका 20:42

राजा दाऊद खुद हें भजन संहिता केर किताब में कहेला, ‘प्रभु मोर प्रभु से कहलक, “तोंय मोर सिंहासन केर भतखाइया बटे बाइठ,

यूहन्ना 13:32

आउर परमेश्‍वर हों अपन में उकर महिमा करी, आउर उ उके तुरते करी।

खास चेलामन केर काम 1:11

आउर उमन से कहलैं, “हे गलील परदेस केर आदमीमन, तोहरे काले ठड़ाय के आकाश बटे देखाथा? एहे यीशु, जेके परमेश्‍वर तोहर ठिना से स्वरग में उठाय लेलक, ठीक एहे लेखे दोबारा आवी, जे लेखे तोहरे उके स्वरग में जाते देखला।”

खास चेलामन केर काम 3:21

यीशु के स्वरग में उ समय तक रहेक जरुरी अहे जब तक परमेश्‍वर उ सोउब चीजमन के नवाँ नी बनाय देई जेमन के उ बनाय हे। जेकर बारे में ढेइर समय पहिले से हें परमेश्‍वर अपन पवितर संदेश के बताएक वाला आदमीमन केर मुँह से बताय देई रहे।

रोमानियनमन 8:34

आउर केऊ हमरे के दंड देवेक नी पारी, काले कि यीशु मसीह हमर लगिन मोरलक आउर फिन मोरलमन में से जी उइठ के परमेश्‍वर केर भतखाइया आरा बाइठ हे, आउर हमर लगिन प्रार्थना हों कराथे।

रोमानियनमन 8:38

काले कि मोंय पक्का जानोना कि कोनोवें चीज हमरे के परमेश्‍वर केर प्रेम से अलग करेक नी पारी। ना माउत, ना जिंदगी, ना स्वरगदूत, ना अधिकारी, ना आइज केर डार, ना काइल केर चिंता, आउर ना ही नरक केर शक्ति हमरे के परमेश्‍वर केर प्रेम से अलग करेक पारी,

1 कुरिनथियनमन 15:24

इकर पाछे मसीह सोउब शक्ति आउर ताकतमन के नाश काइर देवी, आउर दुनिया केर अंत आय जाई, आउर मसीह राइज के परमेश्‍वर आबा केर हाँथ में सोंइप देवी।

कुलुसियनमन 3:1

जइसन परमेश्‍वर मसीह के मोरल में से फिन जिंदा करलक, तइसनेहें तोहरे हों मसीह केर संगे जियाल गेला, तो उ चीजमन केर इच्छा करा जे स्वरग में परमेश्‍वर ठिना तोहर लगिन अहे, जहाँ मसीह परमेश्‍वर केर भतखाइया आरा सोउब से इज्जतदार ठाँव में बाइठ हे।

इब्रानीमन 1:13

परमेश्‍वर अपन कोनों स्वरगदूतमन के कहियो नी कहलक कि तोंय मोर भतखाइया आरा बाइठ, जब तक कि मोंय तोर बैरीमन के पूरा-पुरी तोर अधीन नी काइर देमूँ।

इब्रानीमन 1:3

बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

इब्रानीमन 1:6

आउर इकर से पहिले कि परमेश्‍वर अपन पहिलौठा बेटा के दुनिया में भेजलक, उ कहेला, “परमेश्‍वर केर सोउब स्वरगदूतमन उकर आराधना करबैं।”

इब्रानीमन 10:12

मगर यीशु मसीह तो पापमन केर क्षमा लगिन सोउब समय ले एक हें बेर खुद के बलिदान काइर के चढ़ाय देलक आउर परमेश्‍वर केर भतखाइया आरा बाइठ गेलक।

इब्रानीमन 12:2

आउर बिसवास के सिरजाएक वाला आउर सिद्ध करेक वाला यीशु बटे धेयान लगाय रहब। जे उ खुशी केर लगिन, जे उके आवेक वाला दिन में मिलेक वाला रहे, लाज केर कोनों फिकिर नी काइर के क्रूस उपरे दुःख साइह के मोरलक आउर सिंहासन में परमेश्‍वर केर भतखाइया आरा बाइठ गेलक।

इब्रानीमन 4:14

यीशु मसीह जे स्वरग तक जाय हे उ परमेश्‍वर केर बेटा हेके, आउर उ हमरे सोउब केर महापुरोहित हेके। से लगिन आवा हमरे बिसवास में मजबूत खड़ा रहब जेके हमरे सोउब केर सामने स्वीकार काइर ही।

इब्रानीमन 6:20

जहाँ यीशु जइसन मलिकिसिदक एगो पुरोहित रहे, तइसनेहें जुग-जुग लगिन महापुरोहित बाइन के हमरे लगिन हमर से पहिले स्वरग में गेलक।

इब्रानीमन 8:1

अब जे गोइठमन हमरे कहाथी उमन में से सोउब से बाड़ गोइठ इ हेके कि हमरे केर एइसन महापुरोहित अहे, जे स्वरग में महिमा से भरल परमेश्‍वर केर सिंहासन केर भतखाइया आरा बाइठ हे।

इब्रानीमन 9:24

काले कि मसीह आदमी केर बनाल पवितर ठाँव में नी ढूकलक, जे सिरिफ सच्चा पवितर ठाँव केर नमूना हेके, मगर उ हमरे केर फायदा लगिन स्वरग में हें ढूकलक, ताकि हमर लगिन अब परमेश्‍वर केर सामने ठड़ाओक।