1 पतरस 3:2 - सादरी नवाँ नियम

² तो उमन तोहर बेगर कोनों कहले परमेश्‍वर केर परती तोहरे केर डार आउर पवितर चाइल-चलन के देइख के मसीह में बिसवास करबैं।

1 पतरस 3:2 Iomraidhean Croise

इफिसियनमन 5:33

मगर इ तोहर उपरे हों लागू होवेला, तोहर में से हरेक झन अपन जनाना से अपन नियर प्रेम रखोक, आउर जनाना हों अपन पति केर आदर करोक।

इफिसियनमन 6:5

हे धांगरमन, जेमन दुनिया में तोहर मालिक हेकैं, उ मनक ईमानदारी आउर सच्चाई केर साथ आदर आउर सम्मान करा, जइसन मसीह केर आदर आउर सम्मान कराला।

फिलिप्पियनमन 1:27

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

फिलिप्पियनमन 3:20

मगर हमरे केर अपन देस स्वरग में अहे, आउर हमरे एगो छुटकारा देवाइया प्रभु यीशु मसीह के स्वरग से घूइर आवेक केर आसरा देखाथी।

कुलुसियनमन 3:22

हे सेवकमन, जे इ दुनिया में तोहर मालिक हेकैं, सोउब गोइठमन में उमन केर आगया केर पालन करबा। आदमीमन के खुश करेक वालामन केर लेखे देखाएक लगिन निहीं, मगर मन केर सिधाई से आउर प्रभु केर भय माइन के करबा।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 पतरस 1:15

मगर जइसन तोहरे केर बोलेक वाला पवितर अहे, तइसनेहें तोहरे हों अपन सोउब चाइल-चलन में पवितर बना।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 3:1

हे जनानामन, अपन-अपन पति केर अधीन में रहा जइसन प्रभु केर अधीन में रहाला, जेकर से अगर उमन में से केऊवे परमेश्‍वर केर बचन के नी मानैना,

1 पतरस 3:3

आउर तोहर सिंगार देखाएक लगिन ना होवोक, मतलब तोहरेमन केर केंस गूँथेक एइसन होवोक कि दोसरमन देखेक लगिन आकर्षित ना होवोक, आउर ना ही दोसरमन के देखाएक लगिन सोना आउर मोतीमन आउर ना महंगा-महंगा लुगामन के पिंधा।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।